đŸŽ¶ MONTOR-MONTOR CILIK đŸŽ¶ Panganggit : Ki Narto Sabdo

-

   kapacak ugi ing https://www.facebook.com/share/p/19we7oTTYX/?mibextid=oFDknk

MÔntÔr-mÔntÔr cilik

sing nunggang mblĂȘnĂȘg

Lungguh lĂȘnggat-lĂȘnggut

ngantuk siyat-siyut


Mak gragap nĂšng tĂȘngah krĂȘtĂȘg

Ă„nĂ„ grobag mandhĂȘg

Grobage isi babi

Ambune ra pati wangi


Pak gedhe cĂȘngar-cĂȘngir

babine njĂȘdhar-njĂȘdhir

mĂ”ntĂ”re tĂȘrus mak ngĂ”k

babine sĂȘnggrag-sĂȘnggrĂ”g


ngÔk, nggrÔg, ngÔk, nggrÔk

ngÔk, ngÔk ngrÔg. ngrÔk

ngÔk, ngÔk ngrÔg. ngrÔk


Kados pundi makananipun?.... sumangga,


Ing pada sepisan, nggambaraken dene samukawis punika menawi kagengen pikajeng saged rendhet lampahipun, ambyarr angen-angene, kadidene montor cilik ditunggangi wong gedhe awake. Saking rendhetipun anggene lenggah ngantos sar-ser siyat-siyut.


Sangsaya malih kepanggih grobag mogok (ing pada kaping kalih) ketambahan isi babi lha nggih tambah kemawon alanganipun, saged telat/kasep menawi selak kesesa... heemm đŸ«Ą

Gegambaranipun kalajengaken ing pada kaping tiga lan sekawan.


Senadyan lagu dolanan, ngemu tuladha lamun badhe tumandang, akarya ing pakaryan punapa kemawon, sampuna grusa-grusu, prelu punrancang kanthi satiti, titis lan tatas. Punapa sampun cekap mateng sumber-sumber pendhukung/panyengkuyung kangge nggayuh gegayuhan kang karancang? Sampun ngantos kagengen pikajengan nanging boten satandhing kalihan kasanggeman (kegedhen empyak kurang cagak), saged macet lan ambyar ing tengah margi.


Para sutresna, mugi kangge napaki ing warsa enggal sadaya kang karancang dening kita bangsa Indonesia kang punpandhegani dening pamarentahan enggal sageda ambekta layaring prau negari tumujweng Indonesia Emas estu pikantuk berkahing Gusti. Tinebihaken saking krikil-krikil (kadi grobag momot babi) temah gangsar lumampahing pembangunan kangge kemakmuran lan mulyaning bangsa.


Salam tentrem rahayu wontening Sih-rahmating Gusti mugya kajiwa lan kasarira dhumateng kita sadaya.👏

Gusti amberkahi... Aa_aamin A_aaminn 🙏🙏


JM, gagat bangun , 201224

           ✍️ 𝖊đ•čđ•»đ–Š ✍️

           [^__^] [^__^]


Sorogan :

Katur para dwija, nuwun sewu lan nyuwun pangaksama bilih seratan ing nginggil boten trep kalihan ancasipun tembang dolanan anggitanipun Ki Narto Sabdo. 

Kawuningana bĂŹlih kula minangka panĂčlis ingkang taksih kathah kirangipun kawruh budaya (tetembangan Jawi) kumawantun nyerat saderma pangangen kula kewala, tebih saking paugeran baken bab tetembangan Jawi.

Bokbilih para dwija kepareng paring pangandika bab negesi tembang dolanan punika, kula nyadhong pratelanipun.

Nuwun.. nuwun, matur nuwun 👏

        𝖊đ•čđ•»đ–Š


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya