SARING SEBELUM SHARING

-

   kapacak uga ing https://www.facebook.com/share/p/15EetrMukn/?mibextid=oFDknk

Ing basa Indonesia kita asring nemoni tembung "saring sebelum sharing".

Iya, tembung iku sabenere dipigunakake ngandhut pitutur, pepeling supaya kita ora angger bae ambage warta kang durung temtu bener orane. Pitutur iku nduweni makna luwih teges ing jaman saiki nalika ambage/nyebarake sawijine warta segampang banget klawan ngobahake driji ing lembaring layar gawai (piranti elektronik).


Pepeling utawa pitutur kasebut sejatine ngelingake pangati-ati lan luwih satiti. Ora kabeh pawarta kang dipireng iku bener. Ora kabeh warta/kabar kang katampa komplit lan menehi gambaran wutuh ngenani sawijine kedadean. Mula luwih prayoga dibutuhake banget sumadhiya ngurbanake wektu kanggo nggoleki kabenerane sawijine kabar kanthi satiti sadurunge pracaya, apa maneh nyebarake klawan ambage-bage ing medsos.


Ing jaman saiki kamajuan teknologi informasi kita ngenal sing jenenge kabar apus-apus, goroh, kabar palsu sing direka-reka sasenenge sing nulis, sabanjure kasebut 'hoaks'.

Ana telung jinis hoaks sing bisa kapantha (kadudud saka KBBI Kamus Besar Bahasa Indonesia) :

 1. sepisan, 'misinformasi', yaiku kabar sing ora bener lan ora dijarag disebarake,

 2. kapindho, 'disinformasi', yaiku kabar ora bener sing dijarag digawe lan disebarake klawan tujuan mblondrokake wong liya.

 3. kaping telu, 'malinformasi', yaiku kabar ngandhut kabeneran, nanging diracik lan dibumboni tetembungan kanggo gawe rugi/wirange pehak tertamtu.


Kanggo pangati-ati supaya ora kajiret UU ITE Undhang Undhang  Informasi & Transaksi Elektronik , kita prelu ngetrapake pangati-atian lan kawaspadan jroning bebrayan urip kita. Saben-saben kita nampa kabar, utamane kabar mau anyar tumraping kita, ana becike kita titi priksa dhisik klawan satiti. Aja grusa-grusu lan kesusu kepancing nanggepi karo kebak emosi. Prayoga luwih nengenake patrap sabar, wicaksana nadyan kabar mau ana benere. Muga-muga kita ora kesandhung krikil lan kejeblos , nirbaya nir sambekala.


Mangkono kira-kira sacara cekak aos kang bisa kaandharake bab irah-irahan 'Saring sebelum sharing'.

Salam tentrem rahayu kang tinemu

bagas saras kang linaras

sarwa dumadi kang kaèsthi

Gusti amberkahi... Aa_aamin A_aamin 🙏🙏


JM, parak esuk , 271224

           ✍️ 𝖊𝕹𝕻𝖊 ✍️

           [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya