JÊJÊRITE BUMI

-

   kapacak uga ing https://www.facebook.com/share/p/15R3gMzpLE/?mibextid=oFDknk

Bumi riptane Gusti, elõk kawitane

krånå polahe manungså samangkyå såyå surêm kaendahane.

Bantålå såyå makingking krånå gundhul alase

ayo gõtõng rõyõng gyå têtandur.


Wit-witan kababad, banjir bandhang anrajang

ayo kitå tanêm wit-witan lan kêkêmbangan.

Sato kewan padha kingking, papan panguripane kaobrak-abrik jaile manungså

ayo kita gyå tumandang sêngkut mrih asrining alam.


Sumbêring tirtå jêmbêr dening uwuh bêkakrahan.

ayo kitå gyå tumandang nglawan karusakan alam.

Lapisan atmõsper mõprõl nggrõnggõng

ayo kitå sêngkut ngrêkså lêstarine.


Jêjêrite bumi ngambrah-ambrah,

ès kutub lubèr jugrug, palêmahan karêndhêm tirtå

horêg lõngsõr tinêmu ing sadhengah tlatah

ayo sayuk-sayuk ngrêksa wutuhing jagad råyå.


sorogan :

 Para kadang sutresna, guritan kasebut rinakit saking dene ✍️panulis✍️ nggagas-nggagas lan miris dene wektu samengko iki ing ngendi-endi akeh kedadean bencana alam kang nggegirisi.

 Banjir bandhang, pereng jugrug pomahan padha ambruk, gunung mbledhos, angin lesus ngrusak samubarang kang ketrajang, kacilakan tetumpakan, kobongan alas lsp lsp. 

 Yen digagas-gagas, kabeh iku jalaran rusaking alam. Antarane pembangunan karo angreksa lestarine alam ora ana kesalarasan (ora imbang). Iku wus mataun-taun suwene manungsa ora nate nggape. Mung ing wektu-wektu sing keri iki nembe padha kasentak yen sejatine luputing manungsa iku dhewe sing ndadekake rusaking alam.


 Muga-muga bae kabeh pehak pamangku pamarentahan klebu masarakat kabeh padha sagolong sapikir kepriye carane ngreksa/njaga lestarine alam. Masarakat dijaluk lan wajib melu andarbeni lan nresnani lestarine alam, upamane ora buwang larahan saenggon-enggon, golek kayu bakar klawan ngobong alas. Para kang duwe dhuwit (pengusaha, cukong) ora gawe pabrik, mal-mal, komplek pomahan tanpa ngetung kawusane sakiwa tengen (dampak lingkungan). Pamarentah minangka pangwuasa ora gampang ngetokake idi marang cukong kanthi mayar ora metung kapentingan lestarine 'lingkungan', apa maneh yen ing kene nganti nampa besel gampang ngegulake idi kanggo para cukong. 


Salam tentrem rahayu wontening Sih-rahmating Gusti mugya kajiwa lan kasarira dhumateng kita sadaya.👏

Gusti amberkahi... Aa_aamin A_aaminn 🙏🙏


JM, bangun esuk, 291224

           ✍️ 𝖊𝕹𝕻𝖊 ✍️

           [^__^] [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya