WATU, KRIKIL & PASIR

-

     kapacak uga ing https://m.facebook.com/story.php?story_fbid=2904443813168070&id=1684548218490975

Profesor ahli ilmu filsafat ing ngarepe para mahasiswa lagi nggawa lan nuduhake sawijine toples, saperangan watu, kerikil lan sagenggem pasir. Para mahasiswa nyawang barang-barang iku sajak bingung lan pengin ngerti kira-kira apa sing arep ditindakake lan diwulangake dening sang profesor.


Tanpa sabawa sathithika, profesor wiwit ngleboke watu-watu cilik ing njero toples. Para mahasiswa katon bingung, nanging sang prosesor tetep durung paring katerangan apa-apa. Sawuse watu-watu iku mencep ngebaki toples, profesor nembe ngendika. Sang prof ndangu apa toplese wus kebak? Para mahasiswa mangsuli yen toples iku wus kebak.

Sang prof njur alon-alon nyuntak krikil ing njero toples iku karo nggoyangake alon toples iku temahan krikil-krikil bisa mlebu ing sela-selane watu. Sang profesor bali pitakon apa saiki toplese kebak? Bebarengan para mahasiswa mangsuli yen toples iku wus kebak.


Sabanjure sang prof nyuntak pasir ing njero toples iku karo ngobah-obahke toples. Kadya apa kang kasedya pasir nlesep ngisi sela-sela sing isih ana ing antarane watu lan krikil. Nah saiki apa toples iku wus kebak? Bebarengan para mahasiswa mangsuli yen toples iku pancen wus kebak.


Sang profesor nuli paring pratelan dene toples iku sawijine pasemon tumraping panguripan. Sang profesor memulang kadyadene watu iku mujudake sing wigati dhewe tumraping panguripan yaiku : kesehatan, jodho sisihaning urip (bojo), anak-anakmu lan saliring bab kang gawe urip iki sarwa pepak.


Dene krikil minangka pepindhan kang bisa ndadekake urip iki kepenak lan mulya kayata pagawean, omah,  sandhangan lan montor utawa tetumpakan liyane.

Pungkasane, pasir nggambarake bab-bab sepele sing ora pati wigati tumraping uripmu.


Bacute sang Prof paring pratelan, luwih nengenake dhisik pasir ing toples bakal ndadekake watu lan krikil ora kumanan panggonan. Samono uga bakal gawe kisruh ing uripmu yen kowe mentingake bab-bab cilik kang wusanane kowe ora duwe wektu kanggo bab-bab gedhe kang bener-bener luwih migunani.


Eliding crita : pigatekna sakabehing bab kang luwih wigati kanggo ngudi panguripan kang luwih mulya lan tentrem rahayu.

Sisihna wektu kumpul kulawarga, sisihan lan anak-anakmu. Rampungna gaweanmu ing kantor aja nalika lagi kumpul kulawarga. Mendhem sesengitan mring sawijining wong uga ora maedahi kanggo uripmu.

Becik luwih nengenake endi kang kudu didhisikake antarane watu, krikil utawa pasir.


JM, lingsir wengi, 23121

       dening eNPe


Sumber kadudud saka ing : https://successbefore30.co.id/3-cerita-menginspirasi-yang-akan-menyentuh-hati-anda/

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya