SINGKURI NGUMPUL-NGUMPUL SAWUSE NGEPIT BARENG

-

    kaemot uga ing https://m.facebook.com/story.php?story_fbid=2889515671327551&id=1684548218490975

Ulah-raga kaprayogakake kanggo ambangun kedhoting/wuleding (kebal ind.) badan saka memala sajroning pageblug Covid-19.

Salah sijining jinis ulah-raga sing lagi digandrungi yaiku ngepit/nyepedhah.


Ing warta-warta lan sawernaning kalawarti ora kurang tansah dielingake supaya masarakat tansah anetepi pamrayogane ing babagan kasehatan kang kondhang kaaran 'protokol kesehatan' utamane nalika lagi padha kumpul-kumpul, klebu ngepit diprayogakake sabisa-bisa ngurangi kumpul-kumpul.


Ulah-raga perlu banget kanggo anjaga lan nambahi kedhoting (imunitas) badan.

Nanging emane nalika mlayu-mlayu utawa ngepit bebarengan akeh sing padha kurang ngugemi kepara nglirwakake anggone netepi pamrayogane kesehatan. 

Contone sawuse ngepit kumpul-kumpul 5 tekan 15 wong mbukak panutup irung lan cangkem (masker), ngopi-ngopi lan ngobrol ngalor ngidul. Tumindak kaya ngene iki sing gampang ndadekake nulare memala Covid-19.


Ayo ulah-raga kang sipate entheng lan sedhengan, upayakake nalika ing satengahe karamean supaya 'masker' ora dicopot, tetep dianggo.


Nyopot masker ing tengahing karamean banget mbebayani. Kawuningana dene ora sethithik ulahragawan bal-balan akeh sing ketaman Covid-19 jalaran ulahragane klebu abot lan gawe keseling awak.


Para sutresna PBJ, ing kene minangka panulis ora kok maoni ulah-raga mligine nyepedhah sing lagi digandrungi, nanging (panulis klebu seneng ngepit) mung ngelingake bae, nuwun sewu!. Kanthi ngumpul-ngumpul ora bisa dipesthekake sapa sing nggawa 'virus', pancen kita diparingi sehat nanging mulih-mulih bisa nggawa virus wusanane kulawarga ing ngomah bisa ketularan. Iki sing malah mbebayani kudu dijaga lan disingkuri!

Aja nyoba-nyoba lan nglirwakake panetepan pranatan kasehatan kaaran 3M!


Sumangga! 🙇‍♂️


JM, sirep jalma, 020121

       dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya