DODOLAN GEDHANG (dol tinuku gedhang)

-

    kapacak uga ing https://m.facebook.com/story.php?story_fbid=2773376999608086&id=1684548218490975

Ing sawijining desa sing dununge ing pulo gung liwang-liwung, asil utamane pisang/gedhang. Akeh gedhang sing enak rasane marga lemahe subur ing desa kasebut.

Kejaba legi, gedhe-gedhe lan kondhang kasiate becik kanggo kesehatan. Mulane wargane ing kana akeh sing nggumantungake urip saka asil dodolan pisang.


Ananging jalaran dhaerahe mencil, para wargane kudu adol pisang menyang kutha kang adohe kurang luwih 30 km-an.

Uga sarana dalane isih rusak durung diambah pambangunan kepeksa kudu mlaku nyabrang kali karo nyunggi utawa mikul gedhang saktundhun rong tundhun.


Tumekane pasar kutha, pisang mau wus ana sing nadhahi.., laris banget.

Dhuwit sing ditampa digawa mulih menyang desa, nanging sadurunge mulih ana padatan nggawa oleh-oleh.

Anehe sing dienteni kulawargane ing desa biasane oleh-oleh awujud "Gedhang Goreng" iku wus dadi padatan mataun-taun.

Wahh... adoh-adoh mlaku menyang kutha lha kok wusanane tuku oleh-oleh gedhang goreng??? 

Dhuwit seka dodolan gedhang meh sabagean gedhe diblanjake pisang goreng.

Pitakonan kang kawetu kenapa kok ora nggoreng dhewe??


Ing crita iki ana sing aneh lan bokmenawa yen dirasakake ana sing lucu lan nggumunake. Ya iku sejatine kang kedadean sabagean ing uripe manungsa.

Ananging pitakonan-pitakonan iku bisa owah nalika ana sing ujar "YA KAYA NGENE IKI SEJATINE KADADEAN ING SABAGEAN GEDHE MASARAKAT KITA!"

 

Ora bisa diselaki, banyu dijupuk saka bumi Indonesia, diolah dadi "AxxA" (lan cap-cap liyane), njur dhuwite dijupuk dening Dxxxxx perusahaan saka manca.


Sepatu kondhang di yasa ing Indonesia njur di ecap ing manca lan bali maneh didol ing Indonesia regane makaping-kaping, lan sing nganggo sepatu rumangsa bombong atine nganggo sepatu cap kondhang???

 

Kopi-kopi alam Indonesia sing digandrungi dening wong-wong manca di tuku lan diolah dening "Sxxxbxxks" njur ing kedai kopi misuwur dituku dening masarakat Indonesia regane tikel tekuk lan rumangsa bombong bisa nongkrong ing warung-warung kopi mau. 


Coba digagas apa ngene iki ora dadi bahan pepoyokan .. "Endi sing bodho lan gelem dibodhoni lan endi sing pinter?"

Ing kene, sapa bae bisa mangsuli nanging ora usah diwangsuli, cukup dibatin bae.


Gagasan kanggo nggugah lan nyengkuyung supaya krasa bombong lan mongkok manganggo lan nresnani barang-barang yasan (produk) Indonesia prelu di sebarake ing masarakat Indonesia.

Kaum mudha kang bisa minangka panjurung gagasan iku bisa ngrembaka ing tengah-tengahing bangsa Indonesia tumuju Indonesia Maju. Ayo padha sayuk-sayuk rukun ambangun praja kanggo mulyane bangsa Indonesia... MARDIKA !

 

JM, lingsir raina, 26820

       dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya