DONGENGE MANUK JALAK

-
 kapacak uga ing : https://m.facebook.com/story.php?story_fbid=2721877568091363&id=1684548218490975 

 
Nalika wiwitan wanci ketiga, ana manuk Jalak ngrasakake kepanasen, banjur ngluputake alam sakiwa tengene sing wus rusak.
 
Jalak njur netepake arep ninggalake panggonan sing wis suwe dadi padunungane, mabur adoh mengalor sing jare kondhang hawane adhem lan seger. Lon-lonan Jalak ngrasakake hawa adhem, sangsaya mengalor sangsaya adhem, si Jalak tambah semangat mabur saya ngalor.
 
Saking dene kadereng napsu, dheweke ora ngrasake swiwine ketemplekan salju. saya suwe saya kandel. Wusanane si Jalak ceblok ing lemah marga sakojur awake kabuntel salju lan ing lemah mau swiwine saya ketambahan salju sing nemplok. 
Si Jalak klepek-klepek ora bisa apa-apa, ngira yen wus cuthel uripe. Dheweke sesambat ngadhuh-adhuh nggelani nasibe

Krungu swara sesambat, sawijining Kebo lagi liwat njur nyedhaki. Nanging si Jalak kuciwa kenapa sing teka mung Kebo, si Jalak ngusir Kebo lunga adoh. Lan Jalak celathu yen sato kewan kang bodho iku ora bakal bisa nulungi dheweke. Kebo meneng bae tetep ngadeg ing kono, nuli nguyuh pas ngenani Jalak. Hohoho... si Jalak saya nesu lan muring-muring ngunek-uneke Kebo. 
Kebo panggah ora ngomong, dheweke maju meneh salangkah lan nelek, teleke pas nibani si Jalak. Sanalika iku si Jalak ora bisa ngomong merga kurugan telek Kebo. Si Jalak mung bisa batin, "Kurang ajar kowe Kebo!..". Si Jalak ngira yen bakal mati ora bisa ambegan.

Nanging alon-alon Jalak ngrasake awake krasa anget, salju sing kenthel ing wulune leleh merga saka angete telek Kebo, dheweke wiwit bisa ambegan lega, lan bisa nyawang padhange langit. Si Jalak bengok kasenengan nyanyi ngoceh nganti sakmareme.

Keprungu ana manuk nyanyi-nyanyi, sawijine Kucing nyedhaki sumbering nyanyian mau, tangane ngranggeh-ranggeh awake si Jalak nuli di dilati ngelus-elus nganti resik turahan salju sing isih nemplek ing wulune Jalak. 
Bareng wulune wis resik si Jalak nyanyi lan jejogetan kasenengan ngira yen oleh kanca sing apik atine.
 
Ananging kocapa apa sing kedadean, sanalika si Jalak ngrasake donya peteng ndhedhet lan cuthel uripe si Jalak di untal dening Kucing.

Saka dongeng mau bisa kapethik pepeling :
 a. suket ing pekarangan tanggane katon luwih ijo, durung temtu cocok kanggo kita
 b. becik alane apa sing katon, aja didadeke mung siji-sijine sarana pambijen
 c. apa kang maune krasa pait lan ora enak, kadhang kala bisa mbalik njalari berkah  sing nyenengake, mangkono uga suwalike
 d. nalika kita nampa kanikmatan aja nglalekake lan kesusu napsu supaya ora kebablasan.
 e. waspadaa mring wong kang ngumbar janji-janji manis

JM, madya ratri, 29620
       dening eNPe 

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya