PARA SEPUH KLOMPOK/GENERASI UNIK

-

   kapacak uga ing https://www.facebook.com/share/p/1Ae6LLHdHU/

Ing acara kulawarga, dumadakan sawijine anak anyela atur marang bapa ibune, pakdhe, paklike lan eyange sing lagi padha kumpul.


Tanpa ba bi bu , "Kala rumiyinipun kados pundi panjenengan sadaya saged nglangkungi gesang menika?

- boten wonten telepisi

- boten wonten WiFi

- boten wonten internet

- boten wonten komputer

- boten wonten henpone

- boten wonten drone

- boten wonten Facebook, Twitter, Youtube, Instagram, WhatsApp lan tehnologi komunikasi sanesipun.?"


Banjur mbah-kakung ngendika ing sangarepe kabeh kulawarga ;


"Thole.., putuku cah bagus sing simbah tresnani, mangertia ya piye sejatine generasi-mu urip ing jaman saiki,

- ora ana donga

- ora ana rasa ormat

- ora duwe unggah ungguh

- ora duwe rasa tanggung jawab

- ora sregep ngibadah

- ora duwe rasa lembah manah

- ora duwe rasa tepa-slira

- ora duwe rasa paseduluran, anane geng-geng motor

- senenge tawuran

- ora duwe rasa narima."


Bacute mbah kakung ngendika meneh :

"Mangertia cah bagus, para generasi kasepuhan kang miyos antarane taun 1920 tekan 1975, generasi sing binerkahan, ing urip iki sawijine bukti kang becik dhewe.

- mulih sekolah kudu enggal nggarap PR, lagi oleh dolan.

- kanca-kanca dolan nyata-nyata kanca beneran dudu kanca 'virtual' ing medsos (rat maya)

- jamane wong tuwa biyen, dolanan gawe dhewe kaya ta gangsingan, blandring (ketapel), tulup-tulupan, bedhil-bedhilan, montor-montoran lan liya-liyane.

- wong tuwane simbah dudu wong sugih, dhaharan lawuhe saanane endhog bae kudu paroan karo kakang adhine, sing tuwa kudu ngalah

- para sepuh paring sih katresnan lan pendhidhikan budi pakerti, ora wujud dhuwit utawa barang-barang,

- ya simbah lan uga bapa ibumu ora kagungan dvd, radio, komputer apa meneh henpone, nanging duwene kanca-kanca tepungan sing bener-bener nyata lan tansah ketemuan silaturahmi klebu reunian."

- kluwarga manggone/omahe cedhak-cedhakan sakampung bisa tansah urip kumpul, guyub rukun antarane siji lan sijine uga marang tangga teparo.

- photo-photo isih hitam-putih, ning kenangane sing berwarna duwe makna

- para sepuh leluhurmu, klompok /generasi kang unik/istimewa bisa nampa akeh bab urip, merga generasi sing ngrungoke lan nggateke pituture wong tuwa, lan generasi sing ngrungokake uga sesambate bocah-bocah.


Para sepuh ya bapa-ibumu klebu generasi langka ing jamane.


Perlu kok cathet, kang lair taun 40-an, 50-an lan ing taun 60-an.

- mundhak gedhe taun 50-an, 60-an lan 70-an banjur ngancik sekolah ing taun 60-an, 70-an lan 80-an

- yang-yangan /pacaran taun 70-an, 80-an lan 90-an

- ningkahan lan bebrayan ing taun 70-an, 80-an lan 90-an.


Mangertia uga lan catheten ing HP-mu, dene para sepuh klebu wong tuwamu ngliwati pitung tekan wolung jaman kang beda, rong abad kang beda, rong melenium beda.

- ngalami jamane telpun sing isih perlu operator nganti saiki ngalami pideo-an myang negara ngamanca

- ngalami musik jamane piringan hitam, kaset nganti musik digital

- ngalami nganggo mesin ketik nganti komputer

- ngalami gawe layang tulis tangan tekan saiki kirim warta liwat WA

- ngalami uga nonton pertandhingan badminton liwat TV hitam putih nglurug omahe tanggane, lan saiki ngrasale tv digital.n

Para sepuh klebu wong tuwamu ngalami akeh banget bab-bab rekasa nanging tetep duwe rasa sokur kanugrahan kang tinampa saka Gusti Allah Kang Kagungan Gesang iki."


Ngendikane simbah banjure kena karingkes, 

- kita para sepuh yaiku generasi kang nyekseni, ngalami sakabehan bab kang beda-beda jamane, bener-bener generasi kang kudu bisa nurut ombyaking jaman kang terus ngalami owah-owahan kemajuan tehnologi."


Wusana, salam urmat kagem klompok istimewa generasi kasepuhan, generasi langka lan minangka dadi generasi sing bener-bener unik/istimewa. 👏🙏


JM, gagat-bangun, 18126

          ✍️ 𝖊đ•čđ•»đ–Š ✍️

          [^__^]  [^__^]



Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya