NGUDI KABENERAN KANGGO MULYANE NEGARA

-

   kapacak uga ing https://www.facebook.com/share/p/1Nb1VvjvNc/

Lamun kita gagas-gagas klawan meneping nala, gonjang-ganjinge kauripan ing plataran bumi nuswantara +62 kang kita tresnani samya, 

pranyata sasuwene iki ya klompok wong kang mligi sing seneng nyebar pitenah. Ya emane wong-wong iku lan para pendhereke sing ngrusak tatanan prangkat negara, ya wong-wong gemblung iku sing ngrusak sabangsa kanthi mecah belah gawe crah-e masarakat bangsa, kaya-kaya ora mempan dening ukum. đŸ€’


Akim Pangadilan minangka wali kaadilan ing bumi iki digawe ora ana ajine diidak-idak sakepenak wudele dhewe dhening wong-wong gemblung iku.


Sabenere, manungsa kang paling dibenci Gusti Allah yaiku wong-wong kang wangkot atine mbantah lan seneng padudon, ora seneng yen ana katentreman. Nerak paugerane Gusti Allah kang kadhawuhan supaya tresna tinresnana marang sapepadhanira, iku pepakon kang gedhe lan mulya kang kinarsakake Gusti.


Jebulane, ana manungsa kang pocapane landhep kaya pecahan kaca, pedhes kaya lombok rawit sing regane selangit. 

Ora kanggo luru cahya, nanging kanggo ngrerujit milara kabeneran. Ya wong-wong gemblung iku ngomong ora kok golek kabeneran. Menang dhebat ora marga rangu, nanging marga atine ora gelem mingset jalaran kaangkuhane.


Kabeneran kaanggep dudu omah pangeyup, nanging mungsuh sing kudu ditendhang. Yen kabeneran katon saka ener sing ora disenengi, enggal diplintir lan mbengok nyalahake. đŸ€Ż


Pindha watu atos ing tengah kali, banyu kawicaksanan ora tau bisa ngresep, ora marga banyune kurang bening nanging ya marga jroning nala nampik telesing rasa.


Salam tentrem rahayu muga kaesokake dening Gusti Kang Ma' Asih mring kita sabangsa, bangsa Indonesia. 

Eling.....,

Guyub rukun agawe santosa đŸ€

Crah agawe bubrah 👌✍️

Rawe-rawe rantas, malang-malang putung 🚧😙

Sayuk-sayuk rukun ro kancane, bebarengan kanggo mulyane negara... đŸ€đŸ€đŸ«Ž


JM, sirep-bocah, 23126

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya