CAHYANING LILIN ALIT AMBEKTA PEPADHANG

-

   kapacak ugi ing https://www.facebook.com/share/p/1AYbCL5BnT/

Sawijining dalu lan asrep hawanipun dumadakan listrik pejah ing kampung alit. Griya-griya sadaya sami peteng ndhedhet, tetiyang samidene kuwatos lan lare-lare alit sami jerit-jerit. Ing satengahing peteng wau wonten lare alit estri aranipun Cahyani gita-gita mlebet kamar mendhet lilin alit. Lilin punika satunggal-satunggaling sumber pepadhang kang taksih pungadhahi ing griyanipun.


Cahyani nyumet lilin nuli mbekta medal. Sorot lilin alit wau mbleret katingalipun boten ndayani ing tengahing pepeteng kampung. Nanging Cahyani boten kuwur manahipun, piyambakipun mlampah saking griya satunggal dhateng griya sanesipun nawakaken lilin sumber pepadhang kang pundarbeni dhateng saben tiyang ingkang punpanggihi.


Suwaunipun, sawetawis tiyang rangu purun nampeni lilin alit kang punkinten boten kathah mbiyantu. Ananging, Cahyani lare estri wau kukuh tetep atur keyakinan dene sumoroting lilin saalit-alitipun saged damel pepadhang lan angeting kawontenan ing satengahing pepeteng.


Sangsaya dangu kathah tiyang ingkang purun nampeni chayaning lilin kang punbage dening Cahyani. Sumoroting lilin-lilin alit wiwit madhangi margi lan plataran kampung, wusananipun pepeteng lon-alon wiwit sirna. Tiyang-tiyang wiwit ngraosaken langkung tentrem lan aman.


Carios Cahyani lan lilin alit punika, nuladhani mring kita dene sinaosa kita rumaos alit lan sekeng, kita tetep saged urun lan nyengkuyung kang piguna kangge tiyang kathah.

Guyub rukun sesarengan kita saged ngrampungaken lan anggayuh kang langkung ageng.

Asung panyengkuyung semangat lan pangajeng-ajengan cahya kasaenan langkung piguna tinimbang namung memada, ngala-ala lan nenacad kekiranganipun tiyang sanes.

Cahyaning lilin alit estu saged adamel pepadhang.


Salam tentrem rahayu mugya kajiwa lan kasalira ingkang pinangkanipun saking Gusti Kang Maha Agung sumrambah mring kita sanggya umat kinasihipun...

Aa_aamin A__aamin 🙏🙏


JM, gagat enjing, 14525

          ✍️ 𝖊𝕹𝕻𝖊 ✍️

          [^__^] [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya