PATRAP WICAKSANA DHUMATENG PAMARENTAH

-

   kapacak ugi ing https://www.facebook.com/share/ad8tU7V7yfuNS7U5/?mibextid=oFDknk

Pamilihan Umum (Pilpres, Pileg) sampun rampung kantun ngentosi pangukuhan miturut tatanan ukum negara ingkang punanut. Makaten ugi badhe kasusul Pilkada sesarengan ingkang mesthinipun boten kirang damel oregipun jagating politik.

Sanes punika menggahing bab ingkang wigatos, ananging kang langkung baken inggih punika kadospundi patrapipun masarakat warga negara dhumateng pandheganing negari ing salajengipun.

Prelu ngawikani, salah satunggal patrapipun tiyang wicaksana inggih punika boten kesesa ing tumindak, klebet paring pangargya panetepan dhateng sinten kemawon.

 

Patrap sepisan ingkang kedah punwujudaken tiyang wicaksana inggih punika among karsa (nggugu) lan setya tuhu dhateng dhawuh pimpinan, awit pimpinan anggadahi wenang ngayahi punapa kemawon ingkang dados sedyanipun kangge ngatur tatanan gesang bebrayan ing wewengkonipun.

Dene patrap candhakipun ngawasi lan ngemutaken pimpinan ing wekdal lan cara ingkang trep (angon wayah ingkang pas).

 

Sampun dados wajibing warga masarakat kedah mituhu dhateng pamarentah ingkang sampun pinilih lan pinitaya tuwin katetepaken miturut undhang-undhang kangge nata praja anggayuh mulyaning bebrayan sabangsa.

Kita prelu dongakaken pamarentah saprangkatipun supados saged adamel kasaenan lan kamulyan ing tengahing masarakat.


Kados punapa kemawon pamarentah anggenipun ngayahi jejibahanipun mbetahaken kawicaksanan. Makatena ugi kita prelu wicaksana atur pangawasan, pangemut, pamada lan pameleh kalawan cara lan wekdal ingkang trep boten grusa-grusu.

Kadosdene ing negara kita Indonesia, tata cara kasebat sampun wonten ing pranatan/aturan tata negara.


Sumangga! 👏

Sarwa rahayu kang tinemu

Bagas saras kang linaras

Mugi Gusti amberkahi ..... Amin 🙏


JM, gagat enjing, 22824

           ✍️ 𝖊𝕹𝕻𝖊 ✍️

          [^__^]  [^__^]


Pamilihan Umum (Pilpres, Pileg) wis rampung kari ngenteni pangukuhan miturut tatanan ukum negara kang dianut. Mangkono uga arep kasusul Pilkada bebarengan sing mesthine ora kurang gawe oreging jagate politik.

Dudu iku mungguhing bab kang wigati, nanging sing luwih baku yaiku kepriye patrape masarakat warga negara marang pandheganing negari ing sabanjure.

Prelu nyumurupi, salah siji patrape wong wicaksana yaiku ora kesusu ing tumindak, klebu aweh pangargya panetepan mring sapa bae.


Patrap sepisan kang kudu diwujudake wong wicaksana yaiku nggugu lan setya tuhu mring prentah pimpinan, awit pimpinan duwe wenang ngayahi apa bae kang dadi sedyane kanggo ngatur tatanan urip bebrayan ing wewengkone. 

Dene patrap candhake ngawasi lan ngelingake pimpinan ing wanci lan cara kang trep. 


Wis dadi wajibing warga masarakat kudu mituhu marang pamarentah kang wis pinilih lan pinitaya tuwin katetepake miturut undhang-undhang kanggo nata praja anggayuh mulyaning bebrayan sabangsa.

Kita prelu dongakake pamarentah saprangkate supaya bisa anggawe kabecikan lan kamulyan ing tengahing masarakat.


Dikaya ngapaa bae pamarentah anggone ngayahi jejibahane butuhake kawicaksanan. Mangkono uga kita prelu wicaksana aweh pangawasan, pangeling lan pameleh kalawan cara lan wanci kang trep ora grusa-grusu.

Kadya ing negara kita Indonesia, tata cara kasebut wis ana ing pranatan/aturan tata nagara.


Sumangga! 👏

Sarwa rahayu kang tinemu

Bagas saras kang linaras

Mugi Gusti amberkahi ..... Amin 🙏


JM, gagat enjing, 22824

           ✍️ 𝖊𝕹𝕻𝖊 ✍️

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya