PARIKARMA PITULASAN AGUSTUS đŸ‡źđŸ‡©đŸ‡źđŸ‡©

-

    kapacak uga ing https://www.facebook.com/share/p/khrdp43gootjZpfy/?mibextid=oFDknk

Ngarepake pitulasan ing wulan Agustus iki, ing cakruk pojok kampung ana sawetara nom-noman lan uga bapak-bapak lagi gayeng jagongan.


Lik Gimin : "Pitulasan wis ora krĂ„sĂ„ njĂȘnggĂȘlĂȘg nang ngarĂȘp mripat yĂ„."

"Wah iyĂ„ yĂ„, aku wingi nggolĂški gĂȘnderĂ„ merah-putih durung kĂȘtĂȘmu je," sumaure kang Bejo.

"Asiikk.... rame-rame aku mĂšlu balapan egrang, lomba mangan krupuk, balapan karung..", clathune si Thole bocahe kang Bejo.

"Hoho..., nÚk aku pingin tarik tambang ae yÄ..", Agus nyauti.


Dumadakan pak RT njedhul seka sisih kiwa cakruk : "Eh bapak-bapak, ayo-ayo pĂ„dhĂ„ kĂȘrja bakti ngĂȘcĂšt gapurĂ„ sing wis lĂȘthĂȘk rupane!" 

"Siyap pak RT!.. Sendhika dhawuh!", sumaure rame-rame kaya dikomandho.


Cecaturan kados ing nginggil sampun jamak kapireng ing kampung-kampung nedhengipun cecawis / parikarma mengeti dinten Kamardikan RI. Kados pundi menggah ing tlatah panjenengan para sedherek, punapa inggih sampun giyak-giyak anambut kardi gotong royong ngajengaken pitulasan punika? saprelu mangayubagya dinten Kamardikan Republik Indonesia kaping 79...?

 MARDIKA! ✊️đŸ‡Č🇹


JM, gagat esuk, 10824

            ✍️ 𝖊đ•čđ•»đ–Š ✍️

           [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya