DARMANING PANDHEGANING PRAJA

-

   kapacak ugi ing https://www.facebook.com/share/XrC86gm4jYrYWuyA/?mibextid=oFDknk

Nalika kita mandhegani panguwaos pikantuk panguwaosan ageng, kedahipun kita menggalihaken gesangipun tiyang kathah mliginipun ingkang dados wewengkon kita. Sangsaya inggil panguwaos, sangsaya ageng katentreman lan karaharjaning tiyang kathah ingkang dados tanggel jawab kang kapikul, punika sejatosipun ingkang dados darmaning pandheganing kaprajan.


Nanging emanipun sawetawis kathah para panguwaos utawi pangagenging kaprajan kesupen bilih panguwaosan ingkang punsandhang kalawau boten sanes inggih awit saking penyengkuyungipun para mitra kadang masarakat kathah nalika dipun wontenaken pagelaran jajag pamanggih ing Pemilu. Ingkang asring punpanggihi sasampunipun madeg dados pandheganing praja tata kapamimpinanipun boten kados janji-janji ingkang pungiyaraken nalika adu rancangan katanding kaliyan calon sanesipun, malah kepara nyebar PHP (pemberian harapan palsu ) nyempal saking janji rancanganipun. Sinaosa sadaya pangagenging praja temtu boten kados makaten.


Prelu punrumaosi lan asung puji sokur bilih satunggaling panguwaosan punika boten sanes awit nugraha ingkang punparingaken dening Gusti Allah ingkang kagungan panguwaosing jagat saisinipun. Mendah nentremaken menawi para pamong inggih para pandheganing praja wiwit saking tlatah dhaerah dumugeng pamarentahan pusat ngrumaosi lan ngugemi saha mituhu bilih panguwaosan ingkang punsandhang punika minangka titipan saking Gusti kang punpitadosaken dhateng pundhakipun. 

Pramila sangsaya ageng nugraha kang sinandhang, sangsaya ageng tanggel jawab kang rinembat (punpikul). Mila punika ugi, lamun kita nyandhang panguwaos kita badhe kapatah (pinitaya) netepi darmaning pamong sageda nemtokaken katentreman lan karaharjaning masarakat, kita sageda minangka dados lumantaring berkah kangge tiyang kathah.


Sumangga, kagem para calon pandhega, calon pamong praja dhaerah dumugeng pamarentahan pusat sami ngèngeti darmaning kang mulya punika. Sampun ngantos nyebar PHP (pemberian harapan palsu 😜😜), sampun ngantos ndleya (nglirwaken wajib) saking tatanan paugeran ingkang sampun katemtokaken, temah gegayuhan masarakat adil makmur, kerta raharja sageda sinedya tumujweng Indonesia Maju. Mardika!✊️🇮🇩


nuwun..., nuwun... 👏

Salam tentrem rahayu

bagas saras kang linaras

bagya mulya kang pinangkanipun saking Gusti Kang Ma' Asih

Gusti amberkahi... Amin Amin 🙏🙏


JM, gagat bangun, 02824

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya