NGABÊKTI MRING ALLAH JRONING PAKARYAN

-

   kapacak ugå ing https://m.facebook.com/story.php?story_fbid=pfbid0f1NEZwD8EF6sAdKKhZ6hJRy71B377nQ7UKZ6wzHQUXuYPqrhNwyi4BZYdAnogBnHl&id=100053518547586&mibextid=Nif5oz


Åpå kitå biså ngabêkti mring Allah jroning pakaryan kitå? 

Pårå panguwåså kang amung nêngênake hake bae, malah kanthi ngaji-pumpung migunakake pangwasane kanggo anyênyugih dhiri, iku tumindak kang ora pinuji. Minångkå sawijining pandheganing /pamõng pråjå /pêmimpin tingkatan endhèk têkan ing dhuwur dhewe ing sawijine pakumpulan ing dhaerah åpå dene ing pamarentahan pusat ing ibukuthå nagårå kudune ora nêngênake mung njupuk hake bae, nanging prayogå kudu wasis lan wicaksånå ngorbanake kanggo kêmakmurane rakyat kang dadi pangrèhe. Åjå amung ing 'kampanye' ngumbar pangarêp-arêpan lamis (Pemberi Harapan Palsu - PHP 🤪), janji-janji manis, mburi-mburine dilêpèh (habis manis sepah dibuang).


Wêdi asih mring Gusti iku mujudake patrap landhêsaning urip umating wõng pracåyå. Åpa bae pakaryan kitå, ing ngêndi bae papan dununge, kitå ora biså ngarani yèn tumindak ngunthêtake båndhå kasugihan dhiri (korupsi) iku amung dumadi ing pårå kang kajibah dadi pêmimpin bae. Malah, tumraping tukang utåwå kang jêjibahane dol-tinuku /dêdagangan biså duwèni cårå nylinthut lan ngrekani wõng liyå nganti ngapitunani /gawe rugine wõng liyå, lan ngêruk kasugihan kanggo awake dhewe. Mangkono ugå bocah sêkolah yèn ngulinakake jiplak cathêtan jroning ujian iku cikal-bakal /wiwitane pakulinan ngunthêtake åpå kang dudu hake.

Ora sêthithik ing tataran among kaprajan (dunia pelayanan publik) kêdadean mangkono wus ora biså diselaki kadyå jamur sing ngåmbrå-åmbrå, pangunthêtan, apus-apus lan sadhengah rekå dåyå kanggo kapêntingane dhewe iyå gêdhe-cilik gumêlar ing panyawang kitå.


Patrap kita wêdi asih marang Gusti iku njalari kitå bênêr-bênêr gumatèni pakaryan kitå klawan têmên-têmên lan jujur. Sumånggå kitå angayahi jêjibahan lan tanggung jawab kitå klawan patrap wêdi asih marang Gusti. Gawean kang kita duwèni mujudake wêwêngan (kesempatan) kanggo ngabêkti pujå aståwå katur Gusti Allah kang wus sinung nugråhå pakaryan iku, arupå sandhang pangan kang kacukupan, rêjêki sumilir anyukupi kabutuhan sabên dinane, sarwå têntrêm rahayu kang pinanggyå.... Amin Amin 🙏🙏


JM, sirêp jalmå, 211222

            ✍️ eNPe ✍️

           [^__^]  [^__^]  

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya