MENDAH SANGÊT AJINING NYÅWÅ

-

   kapacak ugi ing https://m.facebook.com/story.php?story_fbid=pfbid0H6p66ysD2CsByST6itSbfPnHV5e86YwrcjvyTC9Jbxro66ZSPQjfoR4cHcXxq14Hl&id=100053518547586&mibextid=Nif5oz


Nyåwå, jiwå, rohing umat manungså punikå nugrahå paringipun Allah kang sangêt ajinipun. Tanpå nyåwå botên wõntên umating Gusti sagêd ambêkan lan ngraõsakên nikmating gêsang. Ananging emanipun, botên sadåyå tiyang sagêd angajèni nyåwå kanthi sae, asring kitå pirêng tumindak brangasan anyulikani ngantõs dumugèng pêjah tiyang sanès. Wõntên kemawõn tiyang namung mikirakên dhiri pribadi botên prêduli mring jiwanipun ngasanès, kamångkå jiwå mênikå kagunganipun Gusti kang kaparingakên dhatêng umat titahipun. Kadõs sinêrat ing Purwaning Dumadi 2:7, "nalikå samånå Sang Yehuwah Allah tumuli akaryå manungså, kang kinaryå lêbuning bumi, iku ing bõlõnganing irunge disêbuli ambêkaning urip; mangkono manungså dadi titah kang urip."


Salah satunggaling bab kang wigatõs inggih mênikå wõntên pamanggih lan dadõs katêmtuan kang botên sinêrat, dene tiyang ingkang botên njarag /botên nêdyå kapêkså ngicalakên nyawanipun tiyang sanès, sagêd ngènthèngakên utawi uwal saking utang nyåwå, jalaran tiyang mênikå boten gadhah niat/sêdyå nglampahi tumindak kaculikan lan ugi botên gadhah raõs kabêncian (nadyan prêlu dipun uji sacårå kajiwan lan kasunyatan)

Bab mênika nelakakên mendah prêlunipun sawijining upadõs njagi supadõs botên anjalari malês angincim (Ind. balas dendam) kang botên prêlu. Ugi kangge njagi tiyang ingkang botên njarag nglampahi kalêpatan nuntên kaukum (Ind. dihakimi) sawênang-wênang dening pehak sanès.


Gêgandhèngan kaliyan kulåwargå kang tinilar nêmbe kêtaman kadadõsan kecalan kulåwarganipun datan kanyånå-nyånå klawan cårå kang botên ginambarakên têmtunipun botên gampil anggènipun ngêsupènakên. Pramilå makatên, prêlu wontêning panglipur lan kakiyatan saha katabahan mring kulåwargå kang tinilar sagêd arupi kawigatõsan lan panjurung dongå dening pårå mitrå kadang.


Puji sokur dene kitå datan kêndhat kaemutakên iba prêlunipun lan ajining jiwå /nyåwå umat manungsa kang katata ing samukawis paugêraning gêsang kang botên sinêrat utawi kang sinêrat klêbêt KUHP (Kitab Undang2 Hukum Pidana).

Pramila, sumånggå kitå wujudakên patrap ngurmati /ngajèni klawan nêngênakên lan ngêcakakên raõs asih mring sasami, bõtên gampil kêbrõngõt hardaning nala (nêpsu), botên sawênang-wênang ngumbar muntabing kanêpsõn.


JM, angsluping diwangkårå, 141222

                ✍️ eNPe ✍️

               [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya