GÊSANG KÊBAK KÊKÊRAN -KPJ 108-

-

    kapacak ugi ing https://m.facebook.com/story.php?story_fbid=pfbid0hWPiH2BXBtULS2A9wREgQzVSanFDuTjDW5e1tdiKYVz7Wxqdyy2BjDM8uLUysry9l&id=100053518547586&mibextid=Nif5oz


 1: Gêsang kêbak kêkêran, angèl dènjajagi.

    Dhatênging kasangsaran trus gilirgumanti.

    Namung Padukå Gusti, mirså samukawisnyå.

    Kulå pasrah, sumarah pangrèh Padukå.


 2: Gêsang kêbak kêkêran, angèl dènjajagi.

    Rêribêd, kasisahan, silih andhathêngi.

    Anèng astane Gusti, manah kulå tan sêmplah,

    tansah pasrah, sumarah pangrèhing Allah.


 3: Gêsang kêbak kêkêran, angèl dènjajagi.

    Panggodhå wah pacoban mung mêmiris ati.

    Wit pitulunge Allah, kulå mantêp pracåyå.

    Kulå pasrah, sumarah pangrèhing Allah.


Wêrdinipun ngêmu pratelan bilih,

Ing salêbêting gêsanging manungså sarwå wõntên ing prakawis winadi, wingit kêbak kêkêran (Ind.penuh teka-teki), mbõtên sagêd lan mbõtên gampil punkinintên. Kadadõsan mbåkå satunggal dumugi lan jumêdhul utawi mijil sawanci-wanci. Kawontênan sukårênå, rahayu såhå kabagyan gumilir dhatêngipun, ananging datan kinintên rêribêd, panggodhå, kasangsaran, kaculikan gilirgumantõs dumadi ing têngahing gêsang umat manungså. Datan wårå-wårå dhatêngipun, têbih saking panjangkaning manungså.


Lamun, pårå kadang sutrêsnå, samukawis kålåwau hamung Pangèran Allah Gusti kitå sumbêring pitulungan lan pangayõman. Pramilå makatên, sayogyå kitå sampun ngantõs ngêsupènakên umarêk ing ayunanipun Gusti, nyadhõng pangaksami doså kalêpatan kitå, nyuwun pitulungan såhå pangayõman angêntasakên saking sakathahing bêbêndu kasangsaran linuwaran saking samukawis awrat sangganing gêsang. Mugyå Gusti angrumêntahakên Sih Karahayõn dhatêng kitå sadåyå wõntêning pangrêngkuh lan pinayunganing Panjênênganipun Gusti Kang Måhå Asih, tinêbihakên saking samukawis bêbêndu pinanggihå sarwå têntrêm rahayu... Gusti ambêrkahi.... Amin 🙏


JM, Ahad enjing, 111222

                ✍ eNPe ️✍️

               [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bêdhèkên, gawean apa sing bênêr2 paling jujur? " Aku lan kanca-kanca liyane padha mangsuli nanging jare ora ana kang bênêr.  Kanca mau njur cêlathu :" Sing bênêr yaiku tukang untu palsu !" Haha hahaaa...!! aku kabèh padha ngguyu. 🤪😜 Dhèwèke mènèhi pratelan dene wong-wong têtêp bae pêsên untu arêpa palsu. Amarga kajujurane, asil pakaryane diajèni lan dirêgani. Wong-wong gêlêm mbayar larang pancèn nora murah wragade gawe untu palsu. Wus salumrahe dene ana panêmu yèn ta kajujuran sêpisan bae dilakoni malah kaya-kaya ora kaprêlokake. Mula biasane padha ngandhakake dene golèk wong jujur iku angèl utawa arang tinemokake. Wus nora gumun manèh yèn ing kalangane pamarintahan akèh para pandhegane kang padha ngunthêt banjur katangkêp dening KPK lan kawirangake ing ngarêpe wong akèh. Prêlu kita sumurupi dene sabênêre ing jroning kajujuran uwong bakal pikolèh kajèn kèringan lan ...
Baca selengkapnya