KABUTUHAN URIP MANUNGSÅ

-

  kapacak uga ing https://m.facebook.com/story.php?story_fbid=pfbid02uwN3ahnhD6Gumq275UArMTFWbtdVqdHhvjNcFVkak5ezKtWXm6Yg1F6Mse8zKBbrl&id=100053518547586


KItå manungså duwèni manekå warnå kabutuhan urip. 

Kabutuhan-kabutuhan iku biså kitå gõlõngake miturut bangêt prêlune utåwå kapêntingane. Kadyå kang kadudud såkå buku-buku èlmu adhigåmå (pengetahuan), kabutuhan kaperang dadi têlung gõlõngan yaiku :

- kabutuhan utåmå/põkõk (Primèr), contone pangan, sandhang lan papan

- kabutuhan kapindho/tambahan (Sèkundhèr), contone parabõtan, piranti têtunggangan lan pendhidhikan

- kabutuhan panguwat/pangukuh (Tèrsièr). contone plêsiran, pêrhiasan lsp.


Tuladhane bab kabutuhan mau kitå wus pådhådene nyumurupi kabèh. 

Kabutuhan utåmå (primèr) mujudake kabutuhaning manungså kang kudu disaranani/dicukupi, lamun nganti ora, biså andadèkake gorèhing urip sabanjure biså-biså tumêkane pati, kåyåta pangan yèn ora kacukupan mangane biså dadi kalirên, mangkono uga kurang sandhang lan papan manungså biså kasikså gampang sinêrang lêlårå.


Dene kabutuhan tambahan (sèkundèr) kang mujudake kabutuhan kanggo ngupåyå nambah kabêgjan, kabagyan ing panguripane. Kabutuhan iki biså kasumênèkake/disêmåyå/diundur dhisik saranane sawuse kabutuhan utåmå nyukupi sacårå wutuh, kåyåtå kabutuhan parabõtan omah, pit mõntõr, kõmputêr lsp. Manungså isih biså urip yèn kabutuhan iki ora disaranani/dicukupi.


Kabutuhan pangukuh (tèrsièr)

Sajroning wêktu wêkasan iki, asring kêprungu têtêmbungan kang kondhang (viral) yaiku 'HEALING /penyembuhan' yaiku pangusådå murih bali pulih kakuwatan rohani/batining manungså kang nembe kataman kasusahan, duhkitå. Srånå healing kitå biså pikolèh råså gumbirå, sênêng lan bagyå ing nålå sabanjure nambah sêmangating napaki urip têmahan biså njalari sehat bagas waras ing sarirå. Contone plêsiran, tamasya, ngayahi kêkarêman sing bêcik (hobi), kumpul-kumpul sanak-kadang, silaturahmi lsp.


Kanthi lumakune jaman, kabutuhan manungså ugå tansah owah miturut bangêt prêlune tumraping manungså iku dhewe, sipate ora dadi pêpêsthèn (ora mutlak)


Kabutuhan põkõk antarane manungså siji lan sijine ora pådhå.

Contone, minångkå kadang tani, pacul mujudake kabutuhan utåmå, nanging kanggone pak pulisi pacul ora klêbu kabutuhan põkõk.

Minångkå siswå sêkolah, buku mujudake kabutuhan utåmå, nanging kanggone juru amèk iwak (nêlayan) buku biså mujudake kabutuhan tèrsièr kanggo nambah wawasan... lsp lsp.


Ngawekani kabutuhan pribadi lan milah ing têlung golongane iku prêlu tinindakake. 

Kang diangkah supåyå kitå luwih wicaksånå mangêrtèni êndi kabutuhan kang kudu dicukupi dhisik lan êndi kang biså disêmåyå/diundur. Umpamane, duwe omah prêlu kadhisikake tinimbang tuku mõntõr sarwå wah.


Nyumanggakakên pårå sutrêsnå PBJ 🙋✋️ Andharan kabêtahan punikå wau namung urun rêmbag, bõtên dadõs pêpêsthèn. 🤝👏

Mugi sarwå rahayu kang pinanggih,.... Gusti ambêrkahi... Amin 🙏🙏


JM, gagat-bangun, 141022

          ✍️ eNPe ✍️

         [^__^]   [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bêdhèkên, gawean apa sing bênêr2 paling jujur? " Aku lan kanca-kanca liyane padha mangsuli nanging jare ora ana kang bênêr.  Kanca mau njur cêlathu :" Sing bênêr yaiku tukang untu palsu !" Haha hahaaa...!! aku kabèh padha ngguyu. 🤪😜 Dhèwèke mènèhi pratelan dene wong-wong têtêp bae pêsên untu arêpa palsu. Amarga kajujurane, asil pakaryane diajèni lan dirêgani. Wong-wong gêlêm mbayar larang pancèn nora murah wragade gawe untu palsu. Wus salumrahe dene ana panêmu yèn ta kajujuran sêpisan bae dilakoni malah kaya-kaya ora kaprêlokake. Mula biasane padha ngandhakake dene golèk wong jujur iku angèl utawa arang tinemokake. Wus nora gumun manèh yèn ing kalangane pamarintahan akèh para pandhegane kang padha ngunthêt banjur katangkêp dening KPK lan kawirangake ing ngarêpe wong akèh. Prêlu kita sumurupi dene sabênêre ing jroning kajujuran uwong bakal pikolèh kajèn kèringan lan ...
Baca selengkapnya