SI KUCING KÊTULÅ-TULÅ -dongèngipun bu guru-

-

   kapacak ugi ing https://m.facebook.com/story.php?story_fbid=pfbid0276RupP6WqKNiuAHmxih2RSA9sdoLFMGrBrgoxgy5PfGQcetz71TZbMi6UssnJaQxl&id=100053518547586

   

Ing sawijining kithå agêng, wõntên lare alit naminipun Joni gadhah kucing lucu ingkang dipuningah wiwit alit. Joni gêmatõs lan opèn sangêt dhatêng kucingipun kang punsukani têtêngêr si Meõng.

Ing sawijining dintên båpå-ibunipun Joni tindakan dhatêng njawi kithå. Sadèrèngipun nglajêngakên tindakipun, båpå-ibunipun mampir ing toko dolanan, lan mundhut 'vidio game' nuntên wêling kaliyan pramusaji toko supådõs ngintunakên dhatêng alamat griyå kangge Joni putrå kinasih. Joni bingah sangêt, mila nuntên sadintên muput nggêthu, kêtungkul dolanan vidio game ngantõs nglirwakakên wajibing nyukani têdhå kucingipun dadõsakên kalirên. Èstunipun si Meõng kesah nglimpe nilarakên griyå bõtên kauningan dening Joni.


Sasampunipun sawêtåwis jam, Joni nêmbe kèmutan nginguk kawontênanipun si Meõng, piyambake kagèt si Meõng kõk bõtên wõntên ing panggènan ingkang biasanipun punangge tilêm. Joni enggal madõsi si Meõng, nanging bõtên kêpanggih. Pungkasanipun Joni nêtêpakên nêdyå madõsi si Meõng dhatêng sakupênging kithå. Kirang langkung sawêtawis 5 jam Joni bõtên sågêd manggihakên si Meõng. Wusananipun Joni mantuk griyå. Sarêng dumugi griyå Joni bingung badhe matur mênåpå mangkenipun dhatêng båpå-ibunipun?..


Båpå-ibunipun Joni nalikå konduripun ing margi mirsani si Meõng ing cêlak pambucalan uwuh kaliyan ngopat-apitakên buntutipun lan sikil dhukir-dhukir larahan katõn kêtulå-tulå sajak kelirên bõtên kopèn. Sanalika ugi båpå-ibunipun Joni nyêpêng si Meõng tumuntên kalêbêtakên ing bagasi mõntõr. Dumugining griyå, båpå-ibunipun Joni enggal andangu Joni : "Nang ngêndi kucingmu kõk ora katõn?" Joni atur wangsulan bilih si Meõng kesah jalaran kêsupèn bõtên punpakani. Båpå-ibunipun bõtên kõk dukå, nanging ndhawuhi Joni bikak bagasi kapurih ngandhapakên barang-barang. Nuntên...., Joni kagèt kaliyan cêlathu : " Lho... kõk kucinge sagêd wontên lêbêt bagasi pak..?".

Wiwit mênikå Joni janji bõtên badhe nglirwakakên malih, badhe nyukani têdhå lan ngopèni si Meõng klawan gêmatõs.


JM, gagat bangun, 071022

          ✍ eNPe ️✍️

        [^__^]   [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya