BÅLÅDEWÅ ILANG GAPITE

-

   kapacak ugå ing https://m.facebook.com/story.php?story_fbid=pfbid0NU2mCtSkGTMBCsn5inxfxjuth3LWeLsF4kEcZez5kSqrMXwL5vau4jbCKkQNeUFCl&id=100053518547586


Saliring pamõng, panguwåså, pêmimpin, pandheganing pråjå duwèni kawênangan kang luwih tumrap pårå andhahane utåwå masarakat kang winêngku ing rèhrèhane.

Kawênangan, pangawåså sêjatine mujudake jêjibahan kang kudu sinånggå dening pårå pamõng, panguwåså. Wus dadi wajibing kang nyandhang pêmimpin anggõne ngayahi darmaning kapracayan kang sinandhang, bêcik yèn kajujuran iku kang utåmå kadhisikake. Ora prayogå yèn banjur tumindak sawênang-wênang aji mumpung klawan pangawasane lan kakuwatane nindhês malah tegå patine mring andhahane. Nindhês biså wêrnå-wêrnå wujude, kåyåtå nyigêg/munggêl utåwå matèni sumbêr panguripan/rêjêkine wõng liyå nganti kang kasigêg kangèlan/ora biså nindakake gaweane mênèh.

Tumindak sawênang-wênang racake linandhêsan kesrakahan lan råså irèn, sêngit ugå råså butarêpan (mèri) njalari kanêpsõn duwèni pandakwa yèn garwå/bojone didhêmêni mring liyan (iki akèh-akèhe kang dadi panyêbab tumindak sarwå ora pinuji kåyåtå kaculikan, kadurakan, kadurjanan lsp.)


Kadyå kauningå ing pawartå sing lagi kondhang/viral kadadean wêktu-wêktu samêngko iki, panguwåså sawijining badan kêamanan kang kudune dadi pangayõm masarakat yå awit såkådene råså butarêpan mring andhahane nganti tumêkane tegå mêrjåyå /numpês nyåwå andhahane. Minångkå panguwåså rumångså kaurmatan/pangajining kulåwargå kaidak-idak ora kajèn, kasêpêlêkake (nadyan alêsan iki isih durung kabuktèn).

Wusanane panguwåså kasêbut kadlarung nggugu karêpe dhewe ing råså batine nganti mijil krêntêging nålå tumindak kang ora pinuji, tundhõne dening pimpinane liwat pangadilan kêpatutan kapêkså ditêtêpake pêpancasan kalèngsèrake /karucat såkå kalungguhane. Conto ing kadadean iki paribasane 'BÅLÅDEWÅ ILANG GAPITE' utåwå ilang kakuwatane/kaluhurane. Pasêmõn iki anggambarake Bålådewå ing wayang kulit sing tanpå gapit (ilang garane) mung kari salêmbar kulit/walulang dadi lêmês ora duwe dåyå.


JM, lingsir wêngi, 221022

          ✍️ eNPe ✍️

         [^__^]  [^__^]

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya