URIP SATIMBANG (renungan)

-

   kapacak uga ing https://m.facebook.com/story.php?story_fbid=3165972853681830&id=1684548218490975


Ana panemu, manungsa iku sajroning urip amung duwe telung bab yaiku 'dhuwit, wektu lan tenaga/daya'.

Rikala isih anom lumrahe uwong durung duwe dhuwit akeh. Ananging, duwe tenaga kang santosa kanggo ngudi daya golek dhuwit/rejeki. Ya amarga kudu sregep nyambut gawe nedya nglumpukake dhuwit (raja brana), mula njur kelangan wektu kanggo ngresepi uripe, anane mung nggethu nyambut gawe bae nganti nglirwakake wajibing manungsa atur pamuji sokur lan pangabekti konjuk mring Gusti Allah Kang Maha Agung.


Sajroning lumaku lelakone urip, dhuwit wiwit nglumpuk baka sethithik wusanane dadi lan sugihe. Ngunduri tumekane adi-yuswa (sepuh), manungsa duwe cukup dhuwit kanggo menikmati urip, nanging ora kurang uga akeh sing uripe ora mapan lan ora tumanja malah kepara urip papa. 

Bali mring priyayi adi-yuswa kang klebu sugih kebak raja brana, emane mundur daya kasantosane ing salira krana nyimpen lelara werna-werna awit nalika nom-noman urip ora temata ya ngasone ya mangane uga kurang olah salira.


Biyene nalika isih durung mapan uripe pengin mangan enak ora duwe dhuwit, pengin lelungan ibarate ngubengi donya njajah desa milangkori ora katurutan. Bareng samengko wus mapan uripe jalaran ora temata lakuning urip ketaman ing lelara, pira-pira keliling donya mlaku bae kudu tinuntun, ya kadya mangkono lakuning urip manungsa.


Kaprayogaake kanggo kang isih kanoman, nglakoni darmaning urip iku kudu satimbang sacara karohanen lan kadonyan.


Kita sayogya sawanci-wanci kudu ngabekti sumuyud mring Gusti mituhu marang pepakon dhawuhe,

"Sira tresnaa marang Allahira kalawan gumolonging atinira lan nyawanira, gumolonging budinira apadene saliring kakuwatanira. Saha sira tresnaa marang sapepadhanira kadya marang awakira dhewe." Iku kang dadi pepakon laku utama minangka angger-anggere Gusti Pangeran Kang Maha Wisesa. (Mat12: 30,31)


Aja amung mburu kasugihan nggethu nyambut gawe nganti nglirwakake ngibadah lan wektu kanggo bebrayan kulawarga lan masarakat.


Sumangga para kadang sutresna PBJ 👍

Salam tentrem rahayu kang pinanggya 👏

Gusti amberkahi... Amin 🙏


JM, lingsir wengi, 160122

        dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya