kaemot uga ing  https://m.facebook.com/story.php?story_fbid=2616637298615391&id=1684548218490975       Ana piyayi kakung-putri nembe manggon ing sawijining pomahan. Esuk-esuk sajroning sarapan sing putri  nyawang menjaba liwat jendhela kaca lan meruhi tanggane lagi mepe sandhangan. Njur sing putri ujar nang garwane : "Pirsanana pak, kae lo kumbahane katon kurang resik ya, sajake dheweke nora ngerti carane ngumbahi sing bener. Mbokmenawa butuh sabun cuci sing luwih apik." Garwane noleh, nanging mung meneng bae karo mesem nora aweh wangsulan apa-apa. Wiwit kuwi pendhak esuk tanggane mepe sandhangan, sing putri tansah alok rerasanan padha karo dina-dina sapungkure bab tanggane olehe kurang resik ngumbahi sandhangane. Seminggu sabanjure ............... Ing sawijining esuk sing putri gumun meruhi  sandhangan kang dipepe tanggane kok katon resik banget. Sing putri celathu nang garwane, "Kae lo pak.., sajake tangga kita wus sinau ca...

.           ~postingan balen~     ing FB  https://m.facebook.com/story.php?story_fbid=2616029545342833&id=1684548218490975     *GARENG* kepengin enggal Sukses, dheweke ndedonga...: "Dhuh Gusti..., Kepareng kawula pundadosaken tiyang ingkang mligi mawi tepas-tepas kemawon arta sami dhateng piyambak...!" *Jreeeng.....!!!* Ora let suwe si GARENG dadi *TUKANG SATE...* Ora marem dadi kaya mangkono, si GARENG njur ndedonga maneh : "Dhuh Gusti...., dadosaken kawula tiyang ingkang namung *Ngobahaken suku* sageda pikantuk rejeki.." *Jreeeng.....!!!* Dumadakan si GARENG dadi *TUKANG JAHIT.* Isih durung marem, Gareng dedonga maneh : "Dhuh Gusti..., dadosaken kawula tiyang ingkang namung *Mendel Lenggahan* arta dhateng piyambak...!" *Jreeeng.....!!!* 2 jam candhake si GARENG malih dadi *TUKANG JAGA WC UMUM ING TERMINAL.* Si Gareng kadya durung kapok isih duweni pepenginan nuli ndedonga maneh : " Dhuh Gusti...., ...

  kapacak uga ing  https://m.facebook.com/story.php?story_fbid=2615152648763856&id=1684548218490975 Wit-witan ing ngare lan lembah samya pigatekna dununge manuk cecruwit ngoceh suka rena Aneka warna iwak ing jembaring segara dumadine saka Gusti Kang Ma Wisesa. Candra kirana, lintang ing sidheming ratri dalah sumoroting sang surya wanci raina Wanci panas, udan lir gumanti sarwa asri saisine alam donya tinitah dening Gusti. Mangkono uga manungsa titah kang utama datan luput tansah winengku Gustinya Samya binerkahan sarwa sampurna kebak kanugrahan kadya kang kinarsa. JM, gagat esuk, 27220        dening eNPe

  kapacak uga ing  https://m.facebook.com/story.php?story_fbid=2614102495535538&id=1684548218490975 Ing satengahing kulawarga, sing ragil jenenge Yono kang dadi anak-kinasihe bapake tinimbang sedulur-sedulur liyane. Yono ditresnani banget dening bapake katitik nalika bapake kondur seka manca dioleh-olehi klambi sing elok dhewe tinimbang sedulur liyane. Yono katon luwih bregas ing satengahe sedulur-sedulure. Iki amarga katresnane bapake mring Yono kepara banget lan luwih migatekake tinimbang para sedulure. Apa maneh Yono duwe sipat wadulan marang bapake bab kenakalane para sedulure. Ya iki sing njalari para sedulure sengit marang Yono. Yono nyritake impene. Jroning ngimpi, gambarake lamun dheweke luwih dhuwur lan diurmati dening sedulur-sedulur liyane. Ya mesthi bae iki sangsaya ndadekake tambah sengite sedulur-sedulure marang Yono. Rasa sengit sedulur-sedulure Yono mring dheweke rak ya temtu dudu patrap sing bener, senadyan iki patrap kang nora bisa diselaki? Gust...

  kapacak uga ing  https://m.facebook.com/story.php?story_fbid=2611349925810795&id=1684548218490975 Nadyan langit kalimput mendhung kandel lan mega, ing sasirnanira tamtu padhang sumilak sanyata Bakda jawah mijil kluwung, mengku janji prasetya, sasisihing sisah ngantya sih rahmating Njeng Gusti kita. Lamun prahara anrejang, peteng ndhedhet limengan, yakina trusing wardaya, dhatenging pitulungan. Rumentahing sihe Allah, cihnaning kawlasannya, awit Gusti angandika, "Aja sumlang ing driya!"   Gusti nuntun maring pepadhang pra kaum, sinung yekti rumentah mring umat sadarum. JM, esuk kekes, 23220     kadudud, kpj 198        dening eNPe

  kapacak uga ing  https://m.facebook.com/story.php?story_fbid=2609695562642898&id=1684548218490975 Kekes sumilire sang anila... Rumesep rumasuk ing nala... Tumetesing bun anelesi bantala... Kaendahan riptaning Sang Hyang Wisesa Cecruwit pating penthalit... Miber menclok solahing peksi... Dikaya swara suling sinemprit... Agawe tentreming nala iki Kasugengan tansah den anti... Sinung yekti berkahing Gusti... Nora kendhat den pepuji... Siang dalah ratri JM, madya raina, 210220  -rinonce dening eNPe-

 kaemot uga ing  https://m.facebook.com/story.php?story_fbid=2609677729311348&id=1684548218490975       Ayo mesem dhisik! 😂😁😂😂 Batur / Rewang sinebut uga Asisten RT. Inem : "Bu nyuwun ngapunten nggih dinten menika bokmenawi dinten pungkasan kula ndherek ngrencangi ing ngriki" Ibu : "Lho kenapa ta Nem apa kowe ora betah nang kene njur arep menyang endi?" Inem :" Sakjane nggih betah bu, ning kula kepingin nggadhahi gaji sing langkung kathah kados tiyang2 sanes sinaosa sami2 dados rencang/pembantu". Ibu :"O walahh... ya wis yen pancen iku tekad lan kepinginanmu aku ya ora bisa menggak. O ya... kowe arep nyambut gawe nang ngendi?" Inem :"Kala wau kula nembe maca teng koran woro-woro yen wonten universitas pados tenaga pembantu rektor lan pembantu dekan, criyose gajine welasan yuta pikantuk mobil & griya dhines. Nyuwun donga pangestune bu supados saged ketampi". Ibu :" ????? ?????? 😆😆" karo ke-pingkel...

 kapacak uga ing  https://m.facebook.com/story.php?story_fbid=2608318816113906&id=1684548218490975 Sajroning pirang wektu kepungkur, aku ngadhepi kaanan kang ndadekake "kadya endhog ing pucuking sungu". Aku bingung lan nora ngerti maneh kudu kepriye sing bisa dak lakoni. Aku mung bisa ngudarasa lan dedonga, "Dhuh Gusti, namung Paduka pangungsen kawula, anggenipun ngentasaken ing kawontenan punika kawula tuhu pitados dhumateng Paduka nglangkungi pitados kawula mring kawula piyambak." Wusanane, awit saka pinangkane Gusti piyambak kabeh bisa kaentasake rampung kanthi apik lan krana cara kang nora kinira. Gusti Allah kagungan maewu-ewu cara kanggo mitulungi kita, ananging kita manungsa asring kablenggu ing swasana cupet nganti nora kapikir babar pisan kanggo ngentasake saka kaanan kang diadhepi mau... nelakake ilang nalar lan akale ...                                       ...

  kapacak uga ing : https://m.facebook.com/story.php?story_fbid=2607433006202487&id=1684548218490975 Amung ana telung prakara kang utama ing urip kita: pracaya, panganti-anti, dalasan katresnan. Pracaya mring Gusti tan was sumelang ing driya Tatag tanggon nglawan panggodha awit Gusti kepareng ngreksa. Panganti sumbering kakuwatan, nyirnakke uwas lan wedi sumingkir salir karibedan lamun Gusti kang dipun anti. Gedhe - gedhening sih-sutresna, yen rila ngurbanke nyawa kanggo nglabuhi marang mitra, yeku dhawuhe Gustinira. JM, lingsir wengi, 19220         dening eNPe

    kaunggah uga ing  https://m.facebook.com/story.php?story_fbid=2604868673125587&id=1684548218490975 Kadang tani rumagang samya, samangkya suka-rena anambut kardi. Adreng suka-sokur rumentahnya, sinung berkah rahmating Gusti. Satuhu panene wus gumelar, enggala tumandang padha nderepi. Payo kanca, mara den kanthi bingar, Gya padha rumagang ngeneni. Gya tumandanga anderepi, bebarengan dadya kabungahane. Gya rumaganga angeneni, sumyaka bungah anindakake. JM, lingsir wengi, 16220        dening eNPe

  kaemot uga ing  https://m.facebook.com/story.php?story_fbid=2602511710027950&id=1684548218490975 Lamun digagas-gagas ana benere uga ya, Akte Lahir...  wujude Kertas. Ijazah...  uga Kertas. Akte Nikah...  Kertas. Paspor...  Kertas. "Surat Hak Milik" Omah ...   uga Kertas. DHUWIT...  uga Kertas. Urip kita amung sarwa dikupengi dening  Kertas-Kertas. Kairing lumakune Wektu, Kabeh bakal kaSuwek, wusanane kaBuwang lan kaObong! Pira bae cacahe wong-wong sedhih amarga "Kertas-Kertas" kang didarbeki iku? Semono uga, Pira bae wong-wong sing banget olehe bagya lan ngawula mring "Kertas-Kertas" kang didarbeki iku? Ananging... Ana 1 (Sa) Lembar Kertas Kang Mokal bisa disawang dening Manungsa iku yaiku, "AKTE KEMATIAN" ne dhewe! Mulane Manungsa iku ana Watese kang Mokal dheweke bisa anggayuh Wektu. Ana 2 (rong) Bab kang Nora Salawase ana jroning pribadi ne Manungsa  : ~ Samangsa Nom-nomane, lan ~ Kasantosane / kar...

  kapacak uga ing  https://m.facebook.com/story.php?story_fbid=2600380740241047&id=1684548218490975 Kapiyarsi ocehan peksi datan kandheg gumelar lan sumyak ing telenging driya Pra kawula prajan tansah umyek ngudi kaadilaning pamong praja Nyunggi wakul mikul pari, kurang prayoga samangsa udan. Luwih becik manggon ing segara wedhi, tinimbang ing kedhaton sotya datan ana katentreman. Urip bebrayan ing tengahing pangungun riwut ing panduga kang murang tata Kapan bangsaku samya urip rukun tinebihna samubarang tumindak culika JM, parak esuk, 11220        dening eNPe

  kaemot uga ing  https://m.facebook.com/story.php?story_fbid=2597587840520337&id=1684548218490975 Duk bumi kinemulan ratri, pra pangen neng ara ara, kalawan setya tuhu sami anjagi panthaning menda. Dugeng ing sapriki tan kendhat kasokan toya Gludhag-gludhug kapiyarsi kasuwun agya tingkas wresthinya. Pra pangen asung puji, ngumandhang aneng akasa Samya tumungkul mareg Gusti mugya sinung yekti rahayu samya. JM, gagat bangun, 8220         dening eNPe

 kaemot uga ing  https://m.facebook.com/story.php?story_fbid=2596532570625864&id=1684548218490975 Wewaton 10/90 miturut katerangane : - 10% ing urip kita dumunung apa sing kita alami. - 90% ing urip kita gumantung saka carane kita ngadhepi. Kepriye jlentrehe...? Kita nora bisa ngendhaleni 10% saka apa sing kedadean ing dhiri pribadi. Contone mengkene : ~ Conto 1.~ Sajroning kita sarapan bebarengan sakulawarga, nora kajarag anak kita nyenggol cangkir kopi njalari sandhangan ngantor kita kecipratan kopi. Kita nora bisa ngendhaleni dhiri apa kang kita alami iku. Carane kita ngadhepi : Sanalika kita getak anak kita nganti dadi tangise. Sabanjure kita noleh menyang sisihan kita lan protes marga deleh cangkir kopi mingklik ing pinggire meja. Banjure ndadekake regejegan padu, kita mlayu nyang kamar enggal salin sandhangan. Bali ing kamar dhahar nemoni anak kita isih nangis nyambi ngentekake sarapane. Wusanane apa sing kita adhepi?? Anak kita ketinggalan bis s...

 kaunggah uga ing  https://m.facebook.com/story.php?story_fbid=2594039484208506&id=1684548218490975 Sajroning udan deres ana bapak-bapak lagi ngeyub ing emperan toko pinggir dalan, ing kono uga ana wong-wong lan pit motor lagi padha ngeyub. Si bapak iku numpak pit motor bebek karo putrane umure kira-kira 11 taun. Si bocah wus klebes njedhindhil ngadeg ndhepipis mepet bapake. Para penunggang motor ndeleh motore ing pinggiran dalan njalari dadi macet. Amarga saking derese, banyu sangsaya cepet dhuwur ngebaki dalan nganti mencep mbleber emperan toko nggone wong-wong sing padha ngeyub iku. Dumadakan, ana montor Kijang Inova liwat  rikat banget playune nganti banyu reged muncrat ngenani wong-wong sing padha ngeyub. Sanalika kaya diabani kabeh padha misuh-misuh, klebu si bocah cilik mau. Si bapak enggal ngerih-erih supaya putrane sing sabar bae nora usah grenengan terus., "Ya wis ta le.., aja nesu-nesu misuhi kaya iku, sing sabar lan apuranen senadyan dheweke...

  kaemot uga ing  https://m.facebook.com/story.php?story_fbid=2591425807803207&id=1684548218490975 Ana tetembungan ngemu pitutur kang satuhu, “Lamun wong nedya nggayuh marang kalungguhan mandhegani dadi pemimpin, lan pamomong masarakat, iku ateges nedya nindakake pagawean kang adi.” Mulane padha dieling, madeg dadi pemimpin iku kudu tanpa cacad, kang sesomah siji, bisa ngendhaleni dhiri, wicaksana, tata-krama, dhangan aweh pangayoman, luwes memulang, nora karem ngombe minuman keras, nora gampang nepsu, nanging sumanak, dhemen ngrukunake, sakabehe tumindak kang tinulad becik sarta nora ngawula marang bandha donya. Samubarang tumindak kang adi mau senadyan nora sampurna ewasamono bisa njalari tumuĵu masarakat luwih temata lan sarwa rahayu ana ing bebrayan anggayuh hayuning nagari masarakat adil makmur. JM, parak esuk, 01220       dening eNPe