PRANATAN KANG ORA MBELANI KAWULA ALIT

-

   kapacak uga ing https://www.facebook.com/100053518547586/posts/pfbid02Fsaq18YwQGbkg5HTUMH37S3cTStDgEpiJfxBqFtobkogT52m6sCthLHJJu6UGdb5l/?mibextid=Nif5oz

Kadadean ing wektu pungkasan iki sangsaya akeh pra kawula alit diregoni prakara-prakara sing marakake ngelus dhadha. Sawetara ora sethithik undhang-undhang iya tekan panetepan-panetepan pamarentah kawetokake sing diwungkus jarene kanggo karaharjane rakyat nanging wusanane gawe abot sanggane kawula cilik.

Panetepan UKT dadi kisruh marga pancen larang tenan wragad kuliah, PPN (pajek pertambahan nilai) saperangan barang kabutuhan pokok mundhak.

Sadhengah panetepan-panetepan liyane klebu rancangan mupu dhana saka pengasilane masarakat kanthi alesan kanggo nyedhiani papan omah ing wanci purna bekti (pensiun) sinebut 'Tapera' uga gawe sengsarane para pakarya resmi (formal) lan ora resmi. 


Kang miris tenan kabar dirampase hak palemahan masarakat adat ing tanah Papua kanthi mbabadi alas saprelu kanggo menehi hak tanem klapa sawit mring pihak swasta tanpa sarujukan dhisik karo masarakat adat.

Bilai para pangwasa kang padha ngrancang tatanan-tatanan iku kanggo kapentingan golongane, lan nglirwakake kapentingane masarakat lan apa maneh yen nganti sekuthon ngunthetake dhana proyek alias korupsi iya marga prakara iku ana ing pangwasane. Iku mijil saka jalaran melik palemahan/pategalan, iya tumuli ngrebut, lan pomahan, iya banjur dirampas bae, kang ngroda-peksa wong dalah saisi omahe, wong satanah-pusakane lsp lsp.


Hak pensiunan asil simpenane puluhan taun kang dirampas kanthi alesan nylametake badan pranatan asuransi nanging nyengsarakake para pensiunan sing ora duwe daya. Badan pranatan asuransi sing megap-megap ora kuwat bayar kewajibane jalaran dikorupsi pandhegane temah sing dikurbanake para nasabahe, tetela ing kene kaadilan ora ana kanggone wong cilik.


Akeh conto-conto sing nelakake dene keadilan ora mbelani/mihak mring kawula alit, anane mung nguya-uya kawula alit pira-pira mbelani hak-hake. Nganti kapan kahanan kaya mangkene iki bisa karampungake? Coba takokake marang sesuketan sing padha ngeyun/goyang, ya bisane mung nggeget driji.


JM, madya raina, 09624

          ✍️ eNPe ✍️

         [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya