URIPE WONG LANANG & WONG WADON PADHADENE ANGGANEPI

-

   kapacak uga ing https://m.facebook.com/story.php?story_fbid=pfbid02PQKoqMjTrqeRcX8n5Fa1sryArv6bLadyWmvbKrbH9Q2NqVBZJYADQux72kJeHpNNl&id=100053518547586&mibextid=Nif5oz

Ana tetembungan saemper paribasan, pasemon kang surasane, 

"Sajroning wong lanang sing uripe ing kamulyan (sukses), ingkono ana wong wadon kang kuwat lan wirya bebudene, nanging kosok baline, Sajroning wong lanang sing uripe ing karupekan, ingkono ana wong wadon kang gawe bubrah". (Katur para guru dwija, para nimpuna kepareng kersaa ngleresaken ukaranipun pasemon bokbilih kirang trep anggen kula ngracik, matur nuwun)


Bakune gegambaran pasemon iku nelakake dene sisihan (kanca estri) kang pinter, luwes, trampil, wicaksana lsp. iku sawijine wanita pepujan tumrap kamantepan, katresnane dening garwane kang tansah aweh panjurung kamajuane sang garwa. Wanita kang mangkono iku sregep lan luwes tandang gawene kanggo panjurung jejering kulawarga. Iya mangkono iku uripe wong lanang lan wong wadon padhadene angganepi.


Ananging suwalike kaya kang wus sinebut ing purwakaning ukara nduwur, sawijine wong lanang bisa bae bubrah/ambyar uripe amarga ana wanita kang ngrusak lan njlomprongake. 

Kadyadene kang kedadean pungkasan iki, kawartakake ana saperangan ora mung sethithik kepara akeh garwane pandhegane praja uripe nglelewa ing kasugihan, pamer urip mubra-mubru (mewah, Ind.) ing medsos ngumbar lan ngèwèr-èwèr ora ana risine, malah gawe risi masarakat sing nyawang. Banjur apa sing kedadean? Dadi sorotane masarakat (viral), wusana ambyar kalungguhan garwane lan sateruse urusan karo pangadeg ukum tundhone bisa kaancas mlebu kunjara.


Salam tentrem rahayu, muga karaharjan kang sarwa linaras, bagya mulya kang pinanggya... Gusti amberkahi... Amin Amin 🙏🙏


JM, pajar-sidik, 05623

          ✍ eNPe ✍

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya