NENDHANG KALAWAN TRESNA

   kapacak uga ing https://www.facebook.com/100053518547586/posts/pfbid02hrFnJRbHR6RX1AkXpakTpVDw65YU8nAnd6HHZoxYhviCoV1g3pYT3SAUnF8gw1Kcl/?mibextid=Nif5oz

Dhawuh Pangandikane Gusti mujudake pepakon memulang, nggegulang kang nelakake dene paseduluran, memitran (persahabatan) banget mulyane, "Sira tresnaa marang sapepadhanira dikaya marang awakira dhewe".

Kaperlokake patrap wicak lan kebak pangati-ati anggone nindakake, jalaran bisa bae maju mundur. Ora kurang kepara kerepe paseduluran wusanane dadi cecongkrahan mung marga sembrana obahing lathi kang gawe serik.

Miturut cathetane para dwija, kurang luwih ana telung pathokan memitran / paseduluran.

Sepisan, patrap andhap asor kanthi ora ngalem awake dhewe, apa maneh umuk, gumunggung mamerake kakuwatane, kaluwihane, lan kapinterane (Adigang, Adigung Adiguna)

Kapindho, nengenake kajujuran dene paribasane alok ing panyaruwe, panendhang, pangantem, panyrengen kang nedya gawe kabecikan luwih mulya tinimbang pangalem, pangrangkul lan pangarasan sing malah gawe wirang.

Kaping telu, patrap karaketan, dene kabecikan kang nyegerake jiwa lan anylesing ati, mula mengkono mujudake kaakraban karo mitra kadang, tangga teparo iku perlu dijaga lan kalestarèkake.

Upadi kanggo nglestarèkake paseduluran kudu diwiwiti saka awake dhewe. Jroning dhiri pribadi prayoga tinandur patrap andhap asor (lembah manah). Tendhangan kang kebak katresnan bisa bae entuk saka mitra kenthel /sedulur sinarawedi, ewasemono perlu waspada aja nganti kegèndèng, kegèrèt tumindak murangtata.

Lamun kita kepengin sayekti ing paseduluran, kita kudu legawa, aja serikan ati disaruwe lan dipernahake dening mitra cedhak/kenthel kita.

Mitra sejati nendhang lan ngantem nedya kabecikan supaya mitra kadange ora kageret/kagendeng ing jurang kanisthan, kadurakan. Mitra sejati nendhang mawa katresnan, nanging mungsuh ngrangkul/ngaras mawa wisa.

Ayo kita dumadi mitra kadang kang wicaksana, wani alok kalawan sora kanggo kabecikan kang murakabi/migunani wong akeh. Paseduluran sejati duwe pangajap bisoa mujudake wadhah kita dadi owah-owahan kang luwih apik lan mulya. Lamun kita ngelikake, elikna klawan rasa tresna. Lamun kita dielikake, lerema klawan sareh ati lan tampanana kanthi tulusing nala.

Salam tentrem rahayu kang pinangkanipun saking Gusti Allah Kang Maha Asih, mugi Gusti amberkahi.... Amin Amin 🙏🙏

JM, gagat esuk, 02623

         ✍ eNPe ✍

       [^__^]  [^__^]

Jarwane ing basa Indonesia kira-kira mangkene :

Firman Tuhan menegaskan bahwa persahabatan sangatlah bernilai, "Kasihilah sesamamu manusia seperti dirimu sendiri". 

Diperlukan sikap bijak dan penuh kehati-hatian dalam menjalaninya, sebab akan terjadi banyak pasang surut. Tak jarang persahabatan berakhir dengan permusuhan karena perkataan yang tidak menyenangkan.

Berdasarkan pengamatan para ahli, hari ini kita mencatat tiga prinsip persahabatan. Pertama, prinsip kerendahan hati dengan tidak memuji diri sendiri, apalagi membual tentang apa yang belum terjadi. Kedua, prinsip kejujuran bahwa teguran yang nyata, bahkan pukulan yang bermaksud baik, lebih mulia dibandingkan ciuman yang menjatuhkan. Ketiga, prinsip kedekatan bahwa kebaikan menyegarkan jiwa dan menyukakan hati, sehingga keakraban dengan sahabat dan tetangga perlu dijaga.

Upaya untuk menjaga sebuah persahabatan harus di mulai dari diri sendiri. Di dalam diri kita sendiri mesti ditanamkan sikap rendah hati dan bukan kecongkakan diri. Jika terpaksa, pukulan yang penuh cinta bisa saja diberikan oleh seorang sahabat, karena itulah yang dibutuhkan agar kita tidak terjerumus ke dalam dosa.

Kehadiran seorang teman bukanlah untuk kesenangan dan kenyamanan semata; seorang sahabat harus juga memerhatikan perilaku sahabatnya. Jika kita menginginkan persahabatan sejati, kita perlu menjadi diri yang rela ditegur dan dikoreksi oleh sahabat kita.

Sahabat sejati memukul untuk maksud kebaikan supaya sahabatnya tidak terjerumus ke dalam kefasikan. Kawan memukul dengan cinta, tetapi musuh merangkul dengan bisa.

Marilah kita menjadi sahabat yang bijaksana, yang berani menegur dengan keras demi kebaikan banyak orang. Dengan persahabatan yang demikian, kita akan mampu menunjukkan jalan Tuhan bagi sahabat kita, sehingga persahabatan itu membawa makna kekekalan Jadi, persahabatan berfungsi sebagai wadah bagi kita untuk bertumbuh menjadi lebih baik. Jika kita harus menegur, tegurlah dengan cinta. Jika kita ditegur, lembutkanlah hati dan terimalah teguran itu dengan tulus.