NYINAONI SUMUR -pasemon-

-

     kaunggah uga ing https://m.facebook.com/story.php?story_fbid=2821287161483736&id=1684548218490975

Sumur nadyan tansah ditimba saben dinane banyune tetep bae bening lan ora nate kasatan.

Nanging anehe, sedina utawa rong dina banyune ora ditimba, dhuwure banyu uga tetep ora mundhak dhuwur kadya ing sakawit.


Sumur sing ora nate dijupuk banyune, malah bisa andadekake banyune mambu, reged lan ngandhut racun kang wusanane ora prayoga dianggo ngombe.

Iki sing diarani 'hukum alam'....


Jroning alam ana wewadi ('misteri') kang njalari tansah ambage lan anjaga imbange panguripan...

Sejatine ing panguripan kita uga padha lan memper kadyadene sumur iku...


Racake wong-wong padha mikir dene nalika  kita menehi apa kang kita duweni bakal nyuda saka kang kita duweni mau...


Yen kita nyoba gagas lan nyinau kadya pasemon sumur iku, sangsaya akeh lan kerep anggon kita menehi mula bakal sangsaya akeh banyu kang mili marang kita.


Bab paweweh iku ora kudu arupa dhuwit utawa bandha liyane. Kita bisa ambage apa bae kang kita duweni upamane wigati tumraping liyan kang lagi kasusahan, kanthi tulus ambage kawruh elmu kang kita duweni lsp lsp.

Samangsa kita ambage kawruh elmu, ing banjure kejaba murakabi mring wong liya uga maedahi mring kita kanthi sangsaya tambah katrampilan kita lan rasa mareming ati.


Nanging kang prelu digatekake yaiku aja nganti menehi iku marga kepeksa, pengin di alem, aja nganti menehi kanggo pamer yen kita sugih lan aja nganti menehi iku marga pakulinan nanging sing penting duwe rasa sokur bisa ambage kabegjan lan karahayon mring wong liya.


Prayogane kita menehi iku sedyane bisa njalari berkah tumraping wong liya dadi uripe luwih kepenak lan nemoni karaharjan ing panguripane.

Krana neguhake krenteging ati duweni sipat paweweh linandhesan eklasing ati wusanane kita bakal nemoni kamareman batin.

Ya kaya mangkono iku sing diarani kabegjan sejati ing sejatining urip kang kebak kamulyan.


GEDHE PAWEWEHMU,

GEDHE kang KOKTAMPA !


JM, wanci sirep, 151020

        dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya