kapacak uga ing  https://m.facebook.com/story.php?story_fbid=2805782473034205&id=1684548218490975 Lamun den gagas ngenes rasaning nala sing jare jejuluk wakil kawulaning praja hamung ngudi golek dhampar pangwuasa tega nglirwake pepakon tatanan praja kang tundhone gawe kapitunane kawula Pilkada, pilkada ... apa iku sing dadi tameng semune kanggo mujudake hak pilih warga apa ya rakyat kang nedya slamet saka memala  ing pagelaran demokrasi bisa uwal saka korona apa ora malah nambah kurban ing kawulaning praja? Negri lagi kataman perang swara lan bleger datan ngegla bebaya sawayah-wayah bisa nrajang datan bisa denselaki samya prahara memala ambyar ngrembaka He pra pandheganing nagara pra pamong praja kang pinracaya coba samya anggagas tinemu cara murih bisaa kabendung ambyare memala  ing tengahing masarakat sabangsa JM, madya raina, 29920         dening eNPe

    kapacak uga ing :  https://m.facebook.com/story.php?story_fbid=2803596486586137&id=1684548218490975 Tumraping wong kang jejibahane ing segara, racake wus wareg katrajang ombak lan prahara. Ing kahanan kaya mangkono wong-wong mau padha nyumurupi iba agung riptane Gusti kang ajaib. Mawa lumantaring prahara iku Gusti Allah yasa ombak gedhe. Sajroning ngadhepi kahanan ombak gedhe, wong-wong iku kayadene diuncalke munggah-mudhun lan arep diklelepake ing jroning samodra. Atine ciut tambah giris kuwatir ketaman kacilakan. Segara minangka kanugrahaning Gusti sing jembar lan katon anteng, datan kinira nyimpen kekuwatan kang nggegirisi tumraping manungsa. Samangsa manungsa ngadhepi kadigdayan praharane alam, manungsa ora kuwawa, krana mangkono ora ana liya hamung nyuwun pitulungane Gusti. Iya kadya mangkono ing urip pendhak dinane saben wong pracaya yen kita nggumantungake lan sesambat mring Gusti temahan bisa linuwaran saka rasa sesaking urip lan rasa kuwatir. Panjenengane...

     kaemot uga ing  https://m.facebook.com/story.php?story_fbid=2803089436636842&id=1684548218490975 Aku kangen mulih padunungan sarwa tentrem ing kana kebak sukarena lan karaharjan tansah binabar Ya ing omahku pikoleh tetamba ati semplah lan was-was ya mranaa, enggal mranaa... gumregut rasa kapangku Dhuh biyung lan bapa ngreridhu rasaning nala dennya enggal kepengin bali durung bisa kapan pinesthi Sinengker kahanan nggegirisi memala kang datan keksi aran covid19 tan kendhat gawe getering pra umat JM, wancisidhem, 26920         dening eNPe

    kapacak uga ing  https://m.facebook.com/story.php?story_fbid=2802482596697526&id=1684548218490975 Jroning winih sinebar bakal ana kembang arum  Jroning enthung ana janji kupu bakal mabur Ing mangsa kekes gumregah krukuban singeb Nora ana kang bisa siningid samubarang kapirsanan Gusti Jroning swasana sidhem ana gurit lan kekidungan Jroning saben pepeteng kasusul pletheking padhang Wanci wus kapungkur tatanan urip anyar wus prapti Nora ana kang bisa siningkur samubarang kapirsanan Gusti Jroning panas ngenthak sumebar ara-ara samya mlethek Satengahe ngendheg bebaya ana paripolah kang nora tata Krana nora nurut pra warga pageblug ambyar ngrembaka Nora ana kang bisa sinidhem samubarang kapirsanan Gusti JM, esukkekes, 26920         dening eNPe

  kapacak uga ing  https://m.facebook.com/story.php?story_fbid=2800369400242179&id=1684548218490975 Wigatine tetembungan lawas tulisane Bob Sadino alm. : Sedulur-sedulurku...., Rikala kita manganggo jam tangan regane 500 ewu utawa 50 yuta, sakarone jam iku nuduhake wektu padha. Samangsa kita nunggang pit regane 100 yuta utawa 1 yuta..., tetep bae padha-padha ngetokake kringet. Nalika kita nggawa tas utawa dhompet regane 500 ewu utawa 5 yuta, sakarone padhadene bisa mbantu nggawa saperangan barang/dhuwit. Wektu kita manggon ing omah sing ambane 50 m2 utawa 5 ewu m2, rasa sepi sing kita alami ya padha bae. Nalika kita mabur nganggo klas utama utawa klas ekonomi, yen montor mabure ceblok kita uga padha-padha katut ceblok. Sedulur-sedulurku....,  Katentreman lan karahayon sajati dumadine dudu saka bandha donya. Kawuningana nalika kita nduweni sisihan, anak, kanca raket, kanca anyar utawa lawas.... njur bisa ngobrol, geguyonan, ngguyu bebarengan, nyanyi-nyanyi, crita ngalo...

    kapacak uga ing  https://m.facebook.com/story.php?story_fbid=2799410787004707&id=1684548218490975  Biyen, IMAN sing kudu kuwat Saiki, IMUN sing dadi wigati  (donya sing waspada! 😷) Biyen, yen wong wahing ujare Alhamdulillah dawa umure! Saiki, wong wahing..., dianggep lagi lara lan nggawa mala.  (donya lagi gonjang-ganjing! 🤧)  Biyen, guyub gawe santosa Saiki, guyub bebarengan bisa gawe bubrah (donyane wis kulawik-lawik ehh.. kuwalik! 🙊) Biyen, tamu rawuh.. seneng marga dianggep nggawa berkah Saiki, ana tamu dianggep nggawa memala (wadhuh apa tumon donya payah kih! 😳) Biyen, yen ketemu padha salaman Saiki, ketemu padha mlengos ngadoh (ehh.. donya lagi kudhisen pa ya! 🏃‍♂️) Biyen, njero tas sangu parfum  Saiki, isine hand sanitiser lan tissue (donya lagi ketaman kekuwatiran! 😥) Biyen, esem sing diandum Saiki, masker sing didum-dumke (hehehh... donya lagi ketaman reribed! 😷) Biyen, tembung "NEGATIP" ora apik Saiki, tembung "POSITIP" or...

      kapacak uga ing  https://m.facebook.com/story.php?story_fbid=2796550690624050&id=1684548218490975 Wiji sing tiba ing sauruting dalan, banjur dicucuki manuk. Sing tiba ing lemah padhas lemahé tipis, nuli thukul, bareng srengéngé saya dhuwur, winih mau banjur alum,  dadi garing lan mati, awit oyodé ora jero. Wiji sing tiba ana ing satengahé thethukulan eri.  Bareng thethukulané eri mau saya gedhé, winih mau kelindhih, temahan mati. Nanging ana sing tiba ing lemah subur, temahan padha metokaké woh;  ana sing wohé tikel satus, ana sing tikel sewidak, lan ana sing tikel telung puluh. Kelakon temenan apa sing diweca déning Nabi Yésaya, mengkéné: ‘Kowé bakal bola-bali krungu, nanging ora ngerti; kowé bakal bola-bali ndeleng, nanging ora sumurup." Werdine pasemon mau mangkene ,   Yèn ana wong sing padha krungu piwulang bab Kratoné Allah, nanging ora ngerti, Iblis banjur teka lan ngrebut piwulang sing disebar ing atiné. Kuwi ibaraté wiji sing dis...

   kapacak uga ing  https://m.facebook.com/story.php?story_fbid=2796354440643675&id=1684548218490975 Kita anyebar winih kayekten wanci esuk, raina lan ratri Angantu wanci panen uwoh nglumpuk, marem ing ati Sebaren jroning padhang lan peteng nadyan sang bayu anyempyok kenceng Karya lan upaya kinabulna uwoh nglumpuk, bagya ing driya Jroning duhkita kita anyebar nadyan sangsara, kita temtu wijaya Tangis mendha, panglipure Gusti kababar uwoh nglumpuk, bagya ing nala JM, #guritpanglipur, 20920          dening eNPe ####+++#### Kita menaburkan biji kebenaran pada pagi hari, siang dan petang; kita menantikan waktu penuaian: pasti ada hasil, hati pun senang. Taburkanlah dalam t'rang dan kegelapan, walaupun angin bertiup kencang; kerja dan usaha akan digenapkan: pasti ada hasil, hati pun senang. Dalam kesedihan kita menaburkan; walaupun sengsara, kita pasti menang; saat tangis hilang, Tuhan menghiburkan: pasti ada hasil, hati pun senang.

      kaunggah uga ing  https://m.facebook.com/story.php?story_fbid=2794530234159429&id=1684548218490975 Lepya iku jamak. Nanging lamun kerep lepya apa maneh bab-bab sing baku bisa banget nyumelangi. Kayadene gawe rendhet gawean, pasinaon, leladi mring planggan kita lsp lsp. Nglalekake utawa nglirwakake kadarmane Gusti iku mbebayani tumraping karohanen kita. Nglalekake kepara nyepelekake pitulungan lan akaryane Gusti jroning urip kita katitik gampange kita ngersula lan besengut nalika ngadhepi karibedan lan pacoban. Ing kahanan kang luwih ora elok nalika nampa pacoban, malah kita nglawan kadya ngluputake kenapa Gusti ninggal lan ngejarake ing pacoban iku? Kepriye carane Gusti ngelingake para umat-E saka ing kalepyane? Paukuman ya bebendu iku mujudake upaya supaya umat titahe bali ngabekti mring Panjenengane. Aywa salah tampa, dene Gusti Allah lagi nyebar rasa kekuwatiran. Kawuningana, wondene bebendune Gusti iku sejatine linandhesan rasa Sih katresnan-Ne kang ora...

     kaunggah uga ing  https://m.facebook.com/story.php?story_fbid=2792934284319024&id=1684548218490975 Rancangane Gusti jroning uripku datan keksi dening panjangkaku Nadyan adoh saka ing sinedyaku Gusti sinung yekti sarwa becik tumrapku Kabul-kasinungane Gusti tumrap dongaku tansah endah ing titi wanci sestu Nadyan suwe pangantu-antuku Gusti sinung yekti sarwa becik tumrapku Puja puji konjuk mring Gusti-ku awit saliring berkah rahayu Rumuntuh sumilir wawantu-wantu dugeng ing pangantu rinten dalu JM, sandyakala, 16920       dening eNPe   ====+++===++++     Rancangan Tuhan dalam hidupku     tak terselami oleh akalku.     Walaupun jauh dari maksudku,     rancangan Tuhanku baik semuanya.    Jawaban Tuhan atas doaku,     selalu indah pada waktunya.     Biarpun lama penantianku,     rancangan Tuhanku baik semuanya     Puji syukur kupanjatkan Tuhan   ...

     kaunggah uga ing  https://m.facebook.com/story.php?story_fbid=2791114324501020&id=1684548218490975 Reribeding/rusaking alam apa marga Gusti paring paukuman mring manungsa?  Sawernane kali padha asat garing, tuking banyu mandheg ora mili, lemah padha garing grangsang, sumber-sumber mineral dadi rusak dadekake lemah ora subur tetanduran padha garing. Apa iku kabeh tandhane Gusti paring pepenget bab paukuman marang manungsa? Kosok baline, Gusti Allah uga ngrumuntuhake berkah. Ing palemahan kang maune katon garing dadi lemah kang ngeloh, Gusti yasa kedhung kang ana sumure sing mancur deres banyune bisa ngebaki kedhung lan ngileni sawah-sawah. Ing kene cetha dene berkah pinangkane Gusti piyambak lemah sing maune garing dadi subur lan makmur. Gusti Allah iku Maha Adil. Panjenengane paring paukuman marang wong kang blasar lan ngrumuntuhake berkah mring umate kang satuhu ngugemi dhawuh lan pepakone Gusti. Wong-wong kang binerkahan sangsaya ngrembaka akeh sarta ...

       kaunggah uga ing  https://m.facebook.com/story.php?story_fbid=2786529734959479&id=1684548218490975 Ana pak tuwa papa, sandhangane lungset mlebu sawijining toko misuwur. Para langganan toko iku (racake sugih2) nyumurupi pak tuwa iku sajak krasa gumun. Nanging ora mangkono tangkepe tumrap sing duwe toko. Sing duwe toko aruh-aruh grapyak, :"Ngersakke napa pak?" Si pak tuwa clathu : "Aa..nu.. Kula ajeng tumbas kemul 6 lembar kangge kula lan anak bojo kula. Nanging...,", wangsulane pak tuwa gojag-gajeg. Sing duwe toko : "Nanging kenging napa pak?" "Ku..kula namung gadhah yatra 100 reyal. Napa cekap kangge tumbas 6 lembar kemul? Boten usah sing sae, sing baken saged kangge njagi awak saking hawa asrep", ujare pak tuwa polos. Sing duwe toko aweh wangsulan : "Oooh... cekap kok pak! Kula gadhah kemul saking Turki, regine namung 20 reyal mawon. Yen bapak tumbas 5 lembar, kula sukani hadhiah setunggal lembar." Lega rasane pak tuwa iku r...

       kapacak uga ing  https://m.facebook.com/story.php?story_fbid=2783196968626089&id=1684548218490975 Ekoreligi (religi lingkungan) dumadine minangka waonan/kritik mring paripolahe manungsa kang ngrusak alam datan njaga lestarine sing wusanane bisa ngancam lestarine urip manungsa ing jagad raya iki. Patrape manungsa sacara religi mring lingkungan jumbuh banget karo patrape ngopeni kanthi njaga murih lestarine alam lingkungan iku dhewe.  Miturut ahli-ahli teolog religi, Gusti Allah nitahake bumi lan sakisine klebu manungsa ora njur negakake ninggal ripta-Ne. Panjenengane tetep ngreksa lan ngopeni sarta tansah ngrengkuh lestarining urip para titah-E. Gusti Allah iba adoh nanging uga iba cedhake mring saliring umat ripta-Ne.   Nyata temen dene Gusti Allah iku yekti Maha Agung mring sakabehing titah ripta-Ne. Manungsa karipta minangka umat kang dhuwur dhewe drajade katandhing karo umat liyane. Gasti Allah angripta manungsa panaringan nugraha akal la...

     kapacak uga ing  https://m.facebook.com/story.php?story_fbid=2782326612046458&id=1684548218490975   Aywa wedi ndika ngandharake kayekten aywa amung sigeg lamun ana kadurakan kajujuran yeku laku kang utama kadya kang dikersakake Gusti Allah-ira Aywa wedi ngakoni kaluputan aywa upaya nganggep benere dhewe yeku patrap tuhu ing ayunane Kang Ma Wisesa mangkono uga ing ngarepe sapepadhanira   Aywa wedi ujar 'ora!' samangsa sira kabujuk tumindak duraka Aywa kapilut ing ajakan nora pinuji kudu wani lan tatag anyingkuri Tumindak jujur lan adil patrap sarwa pinuji yeku darmaning umat titahe Gusti  Denya lumaku anaing bebener sayekti setya tuhu mring pepakon dhawuhe Gusti   JM, gagatbangun, 05920        dening eNPe

   kaunggah uga ing  https://m.facebook.com/story.php?story_fbid=2780271372251982&id=1684548218490975 Lamun jroning jurang siningkir jiwaku tambahing umur, sangsaya cedhak lakuku Sih kang suci tansah ngayomi aku yeku kanugrahaning Gusti-ku   Jroning perihing driya ing sidhem limenge dalu sadulur lan kadangku ninggalke playu kaprungu swara lembut merdhu sabdaning Gusti gawe tentreming kalbu   Prang lawan dosa, iba tanpa daya iki dennya datan kuwawa pati angampiri aku sujud sokur kasantosan dening imanku berkah Sih-katresnane Gusti-ku   Satengahing nandhang sakit, pati wus cumepak jroning ngaso ati semplah lan napas sesak krana usapan Asta-Nya, sanalika musna sakitku iba Astane Gusti kang mengku uripku  Alunan sangsakala merdhu sasautan jiwaku tentrem ngayubagya tumedhake karaharjan ngungun binarung sumiliring sang bayu oo.. tuhu sestu rawuhe Gusti-ku   JM, lingsir wengi, 03920         dening eNPe

       kaunggah uga ing  https://m.facebook.com/story.php?story_fbid=2778676342411485&id=1684548218490975 Apa kita tau migatekake ana wong tukar-padu karo sadulure tunggal bapa-biyung? Utawa, aja-aja ing antarane kita ana sing tau ngalami. Kenapa pepadon bisa dumadi? racake dumadi saka rasa iri ati lan drengki kang bisa mletikake pepadon, regejegan tundhone bisa gawe cecongkrahan paseduluran. Iri ati utawa meri ora mbedakake golongan saka ing kalangan masarakat apa bae. Ora mung merga dumadi ing wong kang kondhang utawa ora, nanging uga bisa dumadi ing tengahe kulawarga.  Nyipati kahanan ing pungkasan iki, ya ing negara Indonsia sing arep nganakake gelaran demokrasi Pilkadha hawane politik wus wiwit anget kepara panas. Ing kalangan masarakat lan tokoh-tokoh politik padha rebut pengaruh golek swara kanggo menangake jagone, ing kahanan kaya ngene iki bisa gawe dumadine iri, meri lan drengki ing satengahe masarakat kawulaning negara. Iba emane yen kahanan ...