kapacak ugi ing  https://www.facebook.com/share/p/1A3MytSjhJ/ Gusti, tinuntuna jangkah kawula dunung twin eneraken lampah kawula. Gusti kapimpina gesang kawula ing margi ingkang padhang terwaca. Gusti, sampun ngantos negakaken kawula dhawah ing tumindak dleya amung dhateng Paduka kawula aturaken samudaya lampahing gesang kawula. Gusti, lamun kawula kablenggu ing dosa kepareng namung asta Paduka kang ngentasaken kawula. Gusti, keparenga ngrumentahaken Sih Palimirma amaringaken pangaksama sakathahing dosa kalepatan kawula. Awit Paduka ingkang kagungan kratoning swarga, wasesa  saha Kamulyan salaminya.  Aa_aamin A__aamin 🙏🙏 JM, parak enjing, 28225             ✍️ 𝖊𝕹𝕻𝖊 ✍️             [^__^] [^__^] 

    kapacak uga ing   https://www.facebook.com/share/p/1BQpTq6wY2/ Sih kadarman lan Sih kawelasane Gusti Allah iku sanyata ing samubarang prakara. Panjenengan-E maspadakake, angayomi sarta angirid lampahing gesang kita sawanci-wanci. Kabecikan-E datan kinira, malah senajan ta kita nglirwakake dhawuh pangandikan-E. Panjenengane tansah mbabarake, ngetingalake kabecikan-E. Sih kadarman-E tansah rumuntuh mring kita umat kinasih-E. Kawuningana dene Gusti iku Maha Pangasih lan Maha Welas ananging kita iki kang kerep banget monga-mangu mlengos saka ing ayunan-E krana ing batin kasaput bujuking dosa (kayadene mbutuhke bukti sacara kamanungsan-??). Gusti Allah iku Maha Wikan, pirsa samukawis osiking batin manungsa. Manungsa kang ora ngrumangsani nampa kadarmanne Gusti malah seselak/cidra (ora ngakoni) katresnane Gusti, iku kang sejatine njalari Gusti ndhawahake bebendu/deduka mawa aruh-aruhan (teguran, bs.Ind) utawa kaelikake klawan alus nganti kang luwih gedhe awujud reribed...

    kapacak balèn såkå  https://www.facebook.com/share/p/1PeVy6CGzu/ Langit anyarios lan ngumandhangakên  pakaryan twin kamulyaning Hyang Agung. Siyang dalasan ratri samyå mêmujèkakên gyå sumyak angucap sokur mring Asmanyå Kang Må Agung. Datan wõntên pitêmbungan twin båså pangucapan, ingkang bõtên kapirêngan. Ing akåså ungêl lan swaraning nyrambahi  mring salumahing bumi. Wånåwåså dalah sato kewan samyå gyak-gyak mêmuji Asmånyå Sang Måhå Wikan. Linambaran Sih Katrêsnan tan upami gêsang sêsarêngan ing kamulyan Puji sokur rumêntah Sihing Gusti. JM, sandyåkålå, 22225             ✍️ 𝖊𝕹𝕻𝖊 ✍️             [^__^] [^__^] 

    kapacak uga ing  https://www.facebook.com/share/p/1BHCVY7jpy/ Pajar rêmêng anambut èsême diwangkårå katõn trang pêpèrèngan lan tlågå sato iwèn mibêr menclõk, kusumå mekrõk asri lan sêgêring alam anambut ing wayah esuk. Gusti Kang Murbå Wiseså, agung asmåNyå pangriptå kang endah Pangèran Kang Må' Kawåså patut sinêmbah konjuk Padukå tan kêndhat sinung nugråhå umating manungså. Oh, angaksåmåå kawulå kang mblasar datan tåtå tinêbihakên saking pamiluting doså Sih katrêsnan Padukå karumêntahnå kawulå pun ambå sujud mangèstupådå. Sanyåtå Sih katrêsnanNyå mring manungså sayogyå samyå angaståwå Allah Må' Eså rawuh twin manjing jroning nålå limênging wêngi sirnå gumantyå plêthèking radityå. JM, gagat bangun, 21225             ✍️ 𝖊𝕹𝕻𝖊 ✍️             [^__^] [^__^] 

    kapacak uga ing  https://www.facebook.com/share/p/15hDPAH4mE/ Esuk rêmêng kêsaput pêdhut kapiyarså gumrõjõge tirtå rumuntuh, sumuntak mawud mili nêlêsi bantålå. Gludhug angampar-ampar nggêgirisi swårånyå ambyar. Datan kêndhat ilining banyu kêkês gumrêgut sumilire bayu.   Swårå kêndhang kapiyarsi mrêdu muwuhi rêsêping kapti. Maeså pinasang ing wluku samêktå tumandang kardi. Hêr hêrrr, gyak gyak pangatagnyå sang pangõn gyå angabani sigrå lumaksånå ing ngarså ngayahi darmaning kardi.   JM, esuk kêkês, 20225             ✍️ 𝖊𝕹𝕻𝖊 ✍️             [^__^] [^__^] 

    kapacak uga ing  https://www.facebook.com/share/p/1A4QwRZXZc/   Ana priya lagi medhayoh ing omahe pimpinane kantor, gumun lan kaget nalika meruhi sang pimpinan (ketua) lagi ngepel lan nyikat dhewe jogan omahe. Si priya iku takon : " Pak ketua nembe punapa ta panjenengan kok ngepel piyambak? " Pak ketua karo mesem mangsuli : " Iki mau bar ketamon ana sing mbutuhake pitutur. Akeh pitutur sing migunani. " " Nanging, saungkure tamu, aku kok njur rumangsa dadi wong hebat ya, krasa umuk utawa gumunggungku metu ." Pak ketua mbacutake : " Mulane, aku njur nandangi dhewe ngepel kanggo ngilangi utawa nylamur rasa kumenthus utawa gumedheku mau ." GUMEDHE/GUMUNGGUNG iku mujudake LELARAN ATI kang kerep dumadi ing kita manungsa. Sapa bae lan apa iku drajade, masarakat lumrah utawa bisa uga TOKOH AGAMA kadunungan lelaran gumedhe mau. Malah ing kalangan PANGKOTBAH uga, winih-winih rasa kumenthus/gumunggung kerep metu datan karumangsani. Peprincen rasa kumen...

    kapacak uga ing  https://www.facebook.com/share/p/167PQN9jsF/   Esuk-esuk para kadang tani gegancangan menyang tegalan lan sawah nyangking pacul nyengkelit arit nindakake darmaning urip. Swara jangkrik, kodhok, wangwung lan ocehan manuk cecruwit kadya aluning orkestra kang gawe anylesing wardaya / nala. Ing brang wetan suwalike ardi katon sumoroting cahya kuning sang bagaskara lingsem jemedhul kesaput mega. Kumricik iline banyu ing galengan, manda-manda / lamat-lamat kluruke jago keprungu saka kadohan ing pojok desa.   Bebarengan karo kadang sadesa kang Bejo kairing yu Surti sisihane gleyang-gleyong klaweyan tangane tumuju sawah garapan kagungane pak Lurah.  Yu Surti nuju gubug pinggir sawah ndelehake bontotan sangu sauba rampene ing lincak. " Kang enteni sedhela kang aku melu! ", yu Surti bengok lirih nusul bojone. Sakloron wiwit makarya, kang Bejo maculi sawah dene yu Surti njabuti suket diklumpukake nuli dibuwang. Sahektar sawahe pak Lurah digarap wo...

    kapacak balen saka ing  https://www.facebook.com/share/p/15rP7sySkQ/ ( Kadudud saking : Wulang Bebasan 20, 21, 22) (22:1) Jeneng kang becik luwih aji tinimbang karo kasugihan gedhe, luwih becik nampani katresnan katimbang oleh salaka lan emas (21:6) Oleh kasugihan krana ilat cidra iku barang kang tanpa guna, kang sirna saka wong kang ngupaya pati (21:8) Dalane juru apus iku menggak-menggok, nanging wong jujur iku jejeg tumindake (21:20) Atine wong duraka iku anane hamung kepingin marang piala sarta ora duweni sih kawelasan marang pepadhane (21:15) Nindakake kaadilan iku dadi kasenengane wong bener, ananging gawe getere wong kang tumindak ala (21:18) Wong duraka iku kanggo tebusane wong bener, dene kang cidra iku kanggo lirune kang jujur (21:21) Wong kang ngudi marang kabeneran lan katresnan bakal nemu urip sejati lan kautaman (20:7) Wong bener kang lakune jujur, iku turune padha rahayu  (21:23) Sing sapa bisa njaga cangkem lan ilate, dadi ngreksa awake dhewe uwal...

    kapacak ugi ing  https://www.facebook.com/share/p/1CtxaHhquQ/ Kabebasan/kamardikan ( ing ngriki puntegesi boten wonten kang mengkoni ) ngantos sapriki dados agul-agul ingkang asring pungembar-gemboraken tiyang. Awit sakingdene saged anggayuh kabebasan, tiyang nunten ngaji-mumpung daya-daya ngwedalaken tuwin ngetingalaken kakiatan, kadigdayan sasamudayanipun.  Sasampun rumaos bebas/mardika, tiyang lajeng ngatur solah gesang sasekecanipun piyambak jalaran rumaosipun boten wonten malih tiyang sanes kang saged ngatur lan matesi. Lepya bilih gesang ing pasrawungan wonten tata cara pasrawungan sopan santun sosial ingkang kedah dipun ugemi. Inggih, 'kontrol sosial' mujudaken wewengkon lan pangawasaning masarakat ing pundi kemawon dunungipun tiyang punika. Wiwit saking ukum adhad ngantos ing ukum nagari punika wewaler kang ngatur pagesanganing manungsa kang kedah punugemi sesarengan. Ing wujuding wewaton, ukum utawi undhang-udhang punika kang dipun sarujuki dening para p...

  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bêdhèkên, gawean apa sing bênêr2 paling jujur? " Aku lan kanca-kanca liyane padha mangsuli nanging jare ora ana kang bênêr.  Kanca mau njur cêlathu :" Sing bênêr yaiku tukang untu palsu !" Haha hahaaa...!! aku kabèh padha ngguyu. 🤪😜 Dhèwèke mènèhi pratelan dene wong-wong têtêp bae pêsên untu arêpa palsu. Amarga kajujurane, asil pakaryane diajèni lan dirêgani. Wong-wong gêlêm mbayar larang pancèn nora murah wragade gawe untu palsu. Wus salumrahe dene ana panêmu yèn ta kajujuran sêpisan bae dilakoni malah kaya-kaya ora kaprêlokake. Mula biasane padha ngandhakake dene golèk wong jujur iku angèl utawa arang tinemokake. Wus nora gumun manèh yèn ing kalangane pamarintahan akèh para pandhegane kang padha ngunthêt banjur katangkêp dening KPK lan kawirangake ing ngarêpe wong akèh. Prêlu kita sumurupi dene sabênêre ing jroning kajujuran uwong bakal pikolèh kajèn kèringan lan ...

    kapacak uga ing  https://www.facebook.com/share/p/1A6GoL6jhs/ Tembung Genosida wus ora aneh maneh ing pamireng kita. Sering kita pireng setaun iki, wiwit anane perang antarane Istael karo kelompok pejuang Hamas Palestina. Apa sejatine Genosida? Kadudud saka ing KBBI, Genosida tegese pamusnahan (merjaya, memateni) gedhen-gedhen lan karancang marang sawijine wangsa utawa ras. Dene miturut situs Museum Memorial Holocaust Amerika Serikat, Genosida yaiku tindakan klawan numpes lan ngrusak sabagean utawa sakabehe sawijine wangsa, etnis, ras. Jinising tindakan Genosida Tindakan Genosida awujud :  numpes anggota pakumpulan, kang ndadekake bener-bener rusaking badan lan jiwa (mental). Kanthi anjarag (pancen sinedya) gawe kahanan urip ora nyenengake lan rekasa mring gegolongan masarakat tartamtu. Yaiku kanthi cara-cara anyegah kalairan, lan klawan peksan mindhahake lan misahake anak-anak saka pakumpulane menyang pakumpulan liya kanthi nistha, cecamah ora nganggo rasa kaman...

    kapacak ugå ing  https://www.facebook.com/share/p/1BViLVnLkh/ Ing panduluku ånå sakumpulan bocah sandhangan amõh, põlõs lan sumringah. Umur sapantaran, pitakõn jroning ati sêmplah nganti kapan biså ngicipi bangku sêkolah? Kabutuhan urip sangsåyå nêkak gulu iki nganti kapêkså anak-anak mèlu mburu rêjêki. Nglêngkårå twin musprå sêkolah kang kaèsthi kapan kaum darmawan ngulungke bantuan puniki? Sang Panciptå ngasihi anak-anak påpå, ngarsake biså uwal såkå nandhang cintråkå. Gusti anggêgulang punabdi sagêdå ambukå nålå, ngêntasakên kasèkèngan ngulungakên astå. Ayo samyå wigati, paring wêwêngan, tumraping anak-anak bisoå mambu sêkolahan. Mikulå twin rumêksåå anak-anak ing kabutuhan murih biså ngicipi sinau ing pawiyatan. JM, lingsir wengi, 08225             ✍️ 𝖊𝕹𝕻𝖊 ✍️             [^__^] [^__^] 

      kapacak ugi ing  https://www.facebook.com/share/p/18PSKReHTo/ Breaking News Para pamiyarsa sutresna basa Jawi, Pamarentah resmi ngawisi/matesi warung-warung para pangecer sadean gas LPG 3 kg wiwit 01 Februari 2025. Wewaler kawicaksanan punika ngedahaken masarakat tumbas gas melon namung ing pangkalan utawi agen resmi Pertamina. Dhosen Ekonomi Energi UGM Ngayogjakarta, Fahmy Radhi ngendikakaken bilih sawetawis wekdal kapengker warung-warung alit minangka pangusaha wong cilik ingkang pados rejeki mawi sadean LPG 3 kg. "Wewaler tumrap pangecer nyade gas LPG 3 kg estu-estu mejahi usahanipun!", ngendikanipun sacara resmi dinten Ahad, 2 Februari 2025. Miturut Fahmy, pangusaha wong cilik saged kecalan pengasilan, tundhonipun saged njalari pangangguran lan ndadosaken tambahing barisan masarakat miskin. "Nglengkara/mokal minangka pengusaha wong cilik ngewahi dados agen pangkalan resmi Pertamina awit mbetahaken pawitan arta ingkang mboten sakedhik kangge mbayar tumbas L...

    kapacak ugi ing  https://www.facebook.com/share/p/1BTmUsRYWs/ Satunggaling pagriyan prakawis ingkang boten saged punsepelekaken punika prakawis larahan/uwuh/sampah. Warga pagriyan pendhak dinten tansah ribet ngatasi larahan (mliginipun tirahan bale griya) ingkang numpuk ing bak sampah jalaran tukang sampah langganan sampun boten kaconggah, boten kawawa nangani larahan-larahan warga. Punapa malih pinuju mangsa jawah ngaten punika 🌧🌦, bilih ngantos sadinten kalih dinten kemawon boten kaangkut dening grobak sampah, wah ganda boten sedhep saged adamel mumet estu. 😇😷 Panataleksanan sampah pancen prakawis kang katingalipun sepele nanging boten saged punsepelekaken. 👐 Bokmenawi ing pundi-pundi dunungipun pagriyan, boten punika pagriyan mewah, pagriyan rakyat, pagriyan kampung, prakawis bucal larahan pancen pendhak dinten dados PR (pekerjaan rumah) ingkang mrelokaken kawigatosan langkung. Inggih, boten namung pamong praja (RT/RW)/pamengku kampung, pagriyan, nanging mas...

    kapacak uga ing  https://www.facebook.com/share/p/1A3vFHjLmL/ Gusti wus sinung nugråhå mring kitå alam-donyå dalah saisinyå tumraping panguripan kang srasi lan asri imbal bali padhadene angrukti. Såkå solahing manungså datan kinêndhalèn kêsrakahan kang datan pêpetungan alam dikêruk, dikuras êntèk-êntèkan ora maèlu dinå esuke. Alam wus ora manyêdulur manèh salin kanêpsõn datan biså dènselaki oh, lindhu lan banjir bandhang anrêjang sinêbar bêbåyå angancam kauripan manungså. Banjir manèh, banjir manèh oh, ibå bangêt ngrepõtake kapitunan datan biså dènselaki nanging kitå kudu tansah mangucap sokur. Bumi saisine, Gusti pangriptanyå Padukå Gusti kang nåtå, endah asri. Dhuh Gusti, katantingå gumrêgut kawulå trêsnå Padukå, trêsnå riptaning Padukå. JM, lingsir wêngi, 030225             ✍️ 𝖊𝕹𝕻𝖊 ✍️             [^__^] [^__^]