kapacak uga ing  https://www.facebook.com/share/p/19rH734HWf/ Têntrêm rahayu tumraping alam-donyå ora pådhå mêmungsuhan, pangrusakan kandhêg sêdhelå prå pangungsi bali mulih omahirå. Såpå paring tulådhå, ayo pådhå jawat astå. 🤝 Têntrêm rahayu tumraping alam-donyå ora ånå manèh panacad lan pamådå ora ånå rêgêjêgan nanging samyå angaksåmå. Såpå paring tulådhå, ayo pådhå jawat astå. 🤝 Têntrêm rahayu tumraping alam-donyå pangucap lêlamisan wus sirnå,  dumadi trêsna-asih guyub rukun samyå. Såpå paring tulådhå, ayo pådhå jawat astå. 🤝 Para kadang sutresna, reroncen tigang pada gurit punika sakingdene kaprihatosan kita minangka umat titahing Gusti ngawuningani wontenipun paprangan ingkang nggegirisi dumadi ing lowahan bumi puniki. Memengsahan dening saperangan panguwaosing satunggaling negari ingkang srakah saking bebujuking kadurakan iblis, ngantos kamitegan merjaya sasama umating Gusti. Sanget ngiris raosing nala sinten kemawon ingkang taksih nggadhahi raos kamanun...

      kapacak uga ing  https://www.facebook.com/share/p/1KbjqU3GUz/ Nganti kapan wõng tuwå nandhang susah bocah-bocah turu kêpati, sesuk tangi sêkolah. Lamun kadangku ginèndèng rêrusuhan pårå anak-anak bångså pådhå têtangisan. Têntrêm raharjå kang dènkangêni têmbang asih kumandhang ndhõdhõg kõrining ati. Gumregahå he bangsaku Indonesiå tanah wutah-rah cinåndrå ayuning bångså. Urip datan pamêksan hak dhasar manungså nõra pilih mlarat, sugih, drajad, ras lan agåmå. Urip jroning trêsnå-rukun kinarsake Gusti Kang Må' Kwåså sinêdyå sabên anak, wanitå dalah sanggyaning bångså. JM, lingsir wêngi, 28125             ✍️ 𝖊𝕹𝕻𝖊 ✍️             [^__^] [^__^] 

    kapacak uga ing  https://www.facebook.com/share/p/18GSKxvEmL/ Yen kita gagas-gagas lan migatekake pawarta ing TV kedadean pamageran segara kadidene ulahe saglintir para pamong pangwasa kang duwe wenang. Coba ta digagas, pamengku kwasa sing ngatur bab pelemahan (ijin pertanahan, bs.Ind) kok kanthi gampange menehi idi lan ngetokake dokumen layang palemahan (sertifikat tanah).  Masarakat sanggha (orang awam) sacara bodhon bisa nyawang mendah kisruhing/ruweting/tumpang suh pangaturan, panataleksanan hak-hak palemahan ing negeri +62 iki. Kok bisa-bisane kebobolan ngwetokake idi sertifikat tanah sing jare ora sah, loh kok bisa ya?? Ing kene bisa diduga yen ana main mata, kedhep-kedhepan mripat (wahhh... bisa klilipen loh!?) ing antarane pamong pangwasa karo juragan proyek sing duwe dhuwit kanggo kapentingan usahane. Eling, lamun sawijining kaluputan kang asale saka pangwasa/panggedhening praja yen diejarake/ditogake bae bakal katitik uga ing tembene wektu. Ati-ati, sen...

    kapacak uga ing  https://www.facebook.com/share/15kC7BWiPN/ Kamardikan pendhidhikan nasibe kejepit lan disisihake ing ngisor longan kreteg. Salah sijine kang tinemokake yaiku ing ngisor longan kreteg dalan tol Rawamangun Jakarta.  Bocah-bocah generasi panerus bangsa umur watara 5 tekan 10 th kumpul padha sinau mawa linambaran terpal plastik padha ngrungokake wulangane sawijine wanita jenenge Valentina Sastrodihardjo, relawan pemrakarsa Rumah Belajar Pelangi Nusantara, wetonan UNJ sing wus +/-13 th ngabdi minangka pamong lan pamulang ing Omah Pasinaon iku. Valen madegake omah pasinaon longan kreteg kasebut sacara lelahanan/gratis wiwit taun 2010. Valen ngadhepi maneka tantangan lan pacoban, wiwit seka nyisihake gaji honorer Rp.800 ewu kanggo nyukupi wragad kuliahe ing UNJ lan nyepakake piranti pasinaone kanggo anak-anak longan/kolong kreteg. Ora amung tantangan wragad sing diadhepi, ning sing abot dhewe yaiku kulawargane utamane sang bapa sing ora sarujuk karo tum...

    kauggah uga ing  https://www.facebook.com/share/1A7yEt9Q84/ "Haee... dulur-dulur, kenalke jenengku Bejo sing ora tau beja". "Aku cah ndesa ning ora ndesani." ( Yen para penonton padha ujar.. wuiiiuiiiihh..(ngumyang) diwangsuli ae : aja ngessess..seett ....sampeyan dudu ula! ) 🤫   "Masiya wong desa, bapakku pamong desa, pejabat tinggi ngono loh, aliyas tukang menek klapa!" 🤪   "Simbokku wanita karer loh, gaweane dodolan janganan mider kampung." 🤫 (" Suwit suwitt...Yen disoraki lan diguyu penonton, ejarke ae nganti guyune mandheg dhewe. ") "Aku duwe pengalaman kerja wokeh, wiwit seka ndhek-dhekan nganti tekan kuli bangunan tingkat 22... heheheee...." 🤪 "Bisa diarani aku iki wong ora gelem meneng, dadi mbutgae-ne pindhah-pindhah. . !" "Ning cilakane yen bayaran, dhuwite pindhah-pindhah nang tangane wong liya kanggo nyaur/bayar utang.."🤭 "Sepisanan aku butgae nang perusahaan keren (kondhang) ing ...

    kapacak uga ing  https://www.facebook.com/share/15ixxku8hM/ Pager lauuut.., pager laut..., ohh kenapa bisa lolos saka pengawasan??? Mendah ruwet (amburadul) panata leksanan proyek siluman sing wis mlaku suwe. Kenapa iki bisa kedadean luput saka pengawasane para punggawaning praja?, kamangka masarakat ya wus meruhi ana tukang-tukang sing padha nancepke pathok-pathok pring, ning merga entuk ancaman dening sawetara oknum masarakat ora wani tumindak luwih sabanjure.  Senadyan durung bisa dibuktekake, bisa diduga yen pasti ana sing duweni dana kanggo ngragati tukang sing nggarap, lan duwe rancangan kanggo kapentingan proyeke. Wuih ing kene pemarentah bisa kalah karo pandarbe dana/bathon.  Nuwuhke pitakonan(???) ❓❓️️ Sawetara ana saklompok nelayan ngrasakake dirugekake, nanging aneh bin ajaib ana sabagean nelayan ujar yen proyek pager laut iku mujudake daya upaya (swadaya) masarakat sing gunane kanggo mecah ombak, nangkis panggerusan gisik/pinggir segara lan kangg...

    kapacak uga ing  https://www.facebook.com/share/p/1C56JWwKLk/   Jamane sarwa maju samengko iki, kita kabeh nyumurupi dene ing ngendi-endi salumahing bumi padha ngalami karusakan alam werna-werna, ya banjir bandhang, gunung padha njeblug, kobongan gedhen-gedhen, lemah jugrug, hawa panas sauwen-uwen, paperangan kang gawe kasangsaran lan kapralayan, lelara ngambra-ambra (covid19, lan virus ĺiyane). Kang dadi pitakonan, kabeh iku apa ora bisa ditanggulangi dening manungsa?  Panalangsa lan pamratobat iku kang prayoga temtu!. Kabeh iku kedadean krana rusake bumi ya marga gedhe durakane manungsa titahe Gusti Allah saobah-osiking atine tansah ala bae tumindake, blasar saka dhawuhe Gusti. Manungsa padha memungsuhan, paprangan ing palagan, anak memateni simbok, simbok nyiksa anake, bapake ngedol anake wedok lan sadhengah kdrt (kekerasan dalam rumah tangga). Manungsa padha keklumpuk bandha kang dudu hake (korupsi), rayahan kakuwasan kut-sikutan lan liya-liyane tumin...

    kapacak uga ing  https://www.facebook.com/share/p/1E7jyivrd7/ Program Makan Bergisi Gratis (MBG) yen kita setiteni ing wanci uji coba (+/_ lumaku ing rong minggu iki) ninggalake prakara kang gawe tetumbukan kapentingan (dampak lingkungan) gegayutan karo larahan (sampah) tilas wadhah mangan. Iku kang prelu dipikirake yen wadhah mangan (sabanjure kasebut bae 'omprengan' utawa ana sing ngarani 'tepak') migunakake wadhah kanggone mung sepisan kabuwang temtu nambah tumpukan uwuh/sampah (plastik sajenise) sedina bae sasekolahan cukup akeh njur sawilayah kuta sagunung numpuk, kepriye kira-kira jroning rong minggu iki? njur sajroning sesasi, setahun lsp? Ana kabar ing Tempo.co https://www.tempo.co/politik/program-makan-bergizi-gratis-di-pariaman-dihentikan-sementara-ini-alasannya-1193605 , kanggo sawetara wektu MGB diundur dhisik marga numpuke larahan omprengan mangan. mangkono miturut arahan Badan Gizi Nasional (BGN) Senin, 13Januari'25. Pancen program MBG mujudake ran...

    kapacak ugi ing  https://www.facebook.com/share/p/18rZYARuMg/ # PEPACUH/AWISAN/LARANGAN Kaum adiyuswa, kasepuhan (lansia) lan putra wayah kang ngrukti/ngopeni lan ngreksa/njagi kaum adiyuswa kaprayogakaken nyimpen seratan punika murih waspada mring kedadosan kang saged nguwatosi/mbebayani cacat ing dinten-dinten sepuhipun. Sawijining paneliten ing Amerika Serikat nyebataken langkung saking 51% para kasepuhan dhawah karana menek andha/undhak-undhakan. Kinten-kinten kadospundi nalaripun punika? Para winasis mrayogakaken sasampunipun ngancik yuswa 65th sampun ngantos lan boten nglampahi 10 tindakan ( kaprayogan, awisan/larangan/pepacuh ), inggih punika : 1. Adiyuswa boten kepareng menek andha, awit sampun suda pangatos lan imbangan badanipun 2. Adiyuswa boten kepareng noleh/mbalik badan kanthi dadakan, ujug-ujug lan rikat, saged gliyeran 3. Adiyuswa prayoga boten mbungkuk ndemek tapakan suku, nggampilaken kecethit ing bangkekan 4. Adiyuswa prayoga sampuna ngagem calana/p...

    kapacak ugi ing   https://www.facebook.com/share/p/1AELAsUntU/ Samangsa piyambakan ngayahi/nandangi pedamelan pikantukipun namung sakedhik, kosok wangsulipun menawi sinengkuyung sesarengan saged nglebaraken/ngrampungaken prekawis langkung ageng. Pranyatan punika mratelakaken dene menawi kita sagolong sapikir, saekapraya tumunten saged ngrampungaken prekawis-prekawis ingkang langkung kathah lan senadyan awrat kados punapa kemawon, sarekaos-rekaosipun damelan tuwin sakathah-kathahing bapang/palang menawi sinengkuyung/kapikul sesarengan tamtu saged langkung entheng sangganipun lan sarwi gangsar kelampahanipun. Gegayuhan ingkang sarwi gangsar anggenipun tumandang tamtu adamel kemareman. Asiling gegayuhan kasebat namung saged kita gayuh menawi kita klawan sukarena sarta eklas anggenipun ngayahi/nandangi sesarengan. Patrap blaka punapa wontenipun lan kajujuran anggenipun nyengkuyung sesarengan klawan sae lan sehat kedah kawiwitan saking dhiri pribadi kita. Ngetingalaken mat...

    kapacak uga ing  https://www.facebook.com/share/p/1GbuAJ9F12/ Murwani mecaki ing warsa anyar iki, akeh para satriya pamengkune nagari wetan kajiret/ginayut ing prakara kang kurang tata. Apa iki mratandhani yen ing nagari +62 iki bakal tumanduk tangtangan kang kudu denadhepi. Yen pancen kaya mangkono, ayo kita warga negari kinasih samya gegandhengan tangan ngawat-awati, ngiridake(ndherekake) lan njajari(ngiringi) sesolahe lan prabawane para pamengkuning negari supaya ora ndleya lan mblasar saka paugeran. Gagasan lan rancangan kang sinedya (program kerja) temtu kita sarujuk yen iku kabeh duwe gegayuhan kang becik lan mulya kanggo karahayon lan kamakmurane bangsa tumuju Indonesia Emas. Gegayuhan kang mulya iki dening para satriya negari ya para pamengku kwasa dalah para pamong praja tuwin pandhega (pemimpin, tokoh) masarakat mujudake gegayuhan luhur kang prelu sinengkuyung dening kabeh warganing masarakat. Salah siji tuladha kang lagi dadi sorotan lan dadi kawigatene mas...

    kapacak uga ing  https://www.facebook.com/share/1UtP6ExGoV/?mibextid=oFDknk   Kita mungkurke warsa lami wit kang anyar wus gumanti, samya silih andongakna mrih saya kukuh gesang kita, Mangsa mesthi silih gumanti, wanci rina ganti ratri, swau kita tetunggilan samangkya kita pepisahan, Gusti kang nganthi, temah kita tansah basuki, Gusti kang ngreksa, temah kita tansah raharja.    ✳️  SUGENG WARSA ENGGAL   ✳️ Pinuji puji Gusti sih rahmatnya gung yekti sajroning warsi lami kita rineksa sing pati. Nadyan tinempuh panggodha nging mantep pracaya, wit kinanthi ing Gusti temahan tansah basuki. Warsa enggal nelakaken gung sih rahmat, mrih tyang dosa samya mratobat, yogya kita ngudi urip mursid yekti, mbangun turut, ajrih asih mring Gusti. JM, purwakaning warsa , 010125            ✍️ 𝖊𝕹𝕻𝖊 ✍️            [^__^]  [^__^]

    kapacak ing  https://www.facebook.com/share/p/14YFPcpDbS/?mibextid=oFDknk Wus dugèng wancinyå kita nilar warså lami, gyå napaki panjangnyå warsi enggal puniki, nadyan datan sagêd anggrahitå mring kabagyan kang kaèsthi, nanging sih rahmating Gusti kitå samyå basuki. Warså enggal nelakakên gung sih rahmat, mrih tyang doså samyå mratobat, yogyå kitå ngudi urip mursid sayêkti, mbangun turut, ajrih asih mring Gusti wit Sihing Gusti wus kababar yêkti.    🎆️ SUGÊNG WARSÅ ENGGAL 🎆 Salam têntrêm rahayu kang tinêmu samyå lumêbêt ing margining kalêrêsan satuhu tansah tinuntun ing astå Sang Hyang Wisnu tinêbihkên sing bêbêndu twin rêridhu. Aa_aamin  A__aamin 🙏🙏 JM, lingsir wêngi , 010125            ✍️ 𝖊𝕹𝕻𝖊 ✍️            [^__^]  [^__^]