PAMBESMIAN JUDI ONLINE (Judol) lan PINJAMAN ONLINE (Pinjol)

-

   kapacak ugi ing https://www.facebook.com/share/p/1DVXAvXCxq/?mibextid=oFDknk

Ing jaman modern samangke puniki, kita nyumurupi dene kamajengan teknologi rikat sanget damel ewah-ewahan kang becik (positip), nanging boten saged punselaki mijilipun tantangan enggal kang saya ruwet sinebut 'penyakit masarakat'.

Kekalih kadadosan ingkang andadosaken bab-bab sosial ing saindenging jagad klebet Indonesia inggih punika judi online (judol) lan pinjaman online (pinjol). Praktik judol lan pinjol boten namung mletikipun bab keuangan nanging ugi adamel maneka warni bab-bab sosial.


Miturut pawarta sawetawis media, contonipun ing Pengadilan Agama Kabupaten Malang wonten 703 estri ngajokaken gugatan pegatan salebeting Januari - Mei 2024. Alesan kang punajokaken para estri inggih punika bab ekonomi, semahipun wegah utawi boten purun nyambut damel jalaran kacanduan judol. Ugi wonten pawarta sanes, ing 19 Juni 2024 wonten priya kajiret pinjol nekad mejahi pegawe satunggaling koperasi simpan pinjam ing kabupaten Sambas, Kalimantan Barat.


Salajengipun wonten pawarta sanes kang pungiyaraken CNBC Indonesia, wonten kedadosan-kedadosan akibat pinjol contonipun prekawis si 'K' ngutang ngantos Rp 9,4 yuta saking bandar pinjol kepeksa kedah ngewangsulaken tikel kalihipun kinten-kinten Rp 18 -19 yuta. Jalaran rekaos anggenipun nyaur, si K ngadhepi teror saking penagih utang. Wungsal-wangsul dipuntelpon ing kantoripun ndadosaken si K dipunpecat. Sasampunipun dipunpecat, anak estrinipun mantuk dhateng griya tiyang sepuhipun. Wusana, si K ngajal, nglalu.

Boten saged punselaki wontenipun perusahaan judol lan pinjol sangsaya gampil punpanggihi lan punsambeti ndadosaken saya kathah tetiyang ingkang kajiret, klebet para taruna, siswa lan mahasiswa.


Praktik-praktik judol lan pinjol kang mrihatosaken sangsaya ngambra-ambra nancep ing bumi nuswantara. Mila pamarentah saking dhaerah dumugi pamarentah pusat kedah enggal-enggal gerak cepet (gercep) saged brantas kekalih praktik penyakit masarakat wau. 

Temtunipun boten saged tumandang piyambak-piyambak, sadaya anggota masarakat, bebadan pawiyatan, kantor-kantor pamarentah ugi swasta kedah saeka-kapti saeka-praya, golong pikir gotong royong ambesmi praktik-praktik judol lan pinjol.


JM, lingsir dalu, 031124

           ✍️ 𝖊𝕹𝕻𝖊 ✍️

           [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya