KAPOTANGAN SAMBUTAN ANJALARI BENJOL

-

   kapacak ugi ing https://m.facebook.com/story.php?story_fbid=pfbid031k52xmGDHLrtuXDifMwPxsG7PaoKYvftzWD3aqoDjNzkYBaPfSWTumpDTfpb79QCl&id=100053518547586&mibextid=2JQ9oc

Kawuninga bilih ing jaman kang sarwa majeng ing dinten samangke kathah para warganing ratmaya sami lena mendhet seserepan ing kemajengan pawarta ingkang sliweran. Pawarta kang kalebet pinitados punapadene warta ingkang ngayawara kang kasebat 'hoak' /palsu.

Ingkang badhe kula aturaken ing ngriki conto bab ramenipun pawarta kapotangan sambutan mliginipun lumantar 'pinjol.' kang njalari bendhol/benjol. 🤪🫠


Menawi pun gagas estu adamel ngelus dhadha. Cobi ta kadospundi boten ngelus dhadha, wonten tetiyang ingkang gadhah sambutan/potangan dumugi 'MM-an' ngantos tega merjaya semahipun, sedherekipun utawi tiyang sepuhipun jalaran boten saged ngwangsulaken yatra ingkang punsambut.


Kapireng ugi warta kadadosan ingkang dereng dangu kapengker, wonten tiyang ingkang badhe 'nyaleg' punjanjeni utangan 30-M dening tiyang sugih tanpa tanggelan kanthi iming-iming saged dados anggota DPRD-DKI nanging kedah bayar yutan kangge tumbas koper. Ingkang boten nalar kok sagedipun pitados punapa malih lumantar 'calo' (panglumantar), lha estunipun kacidhuk klebet calonipun wau.. hihihi apa tumon kaya ing negeri dongeng bae?


Menawi kita gagas-gagas carios ing nginggil kok nggih dados tiyang gampil keblinger kabujuk iming-iming kang punjanjeni. Kok nggih bodho timen ngantos nalaripin kasampiran geber ndadosaken limeng ing panggraita wontenipun namung gegambaran gesang ingkang sekeca kebak kamulyan.... walah-walah ngono kok arep dadi anggota DPRD?? njur tundhone tumindak korupsi kanggo balik paitan... heemm mrihatinake..! ngono ya ngono, ning aja ngono.. 😩🫡


Para kadang kinasih, kula kinten kathah pawarta ingkang boten saged punandharaken ing seratan ngriki. Kita taksih pitados bilih pangetrapan ukum ing negri +62 puniki saged gumelar kanthi saadil-adilipun.... Amin Amin mugya Gusti angijabahi. 🙏🙏

Mugya kemawom ingkang sampun kepranggul pamengku ukum sampun ngantos kedangon anggenipun mriksa, enggala kemawon netepaken pepancasan ukumanipun miturut pranatan ukum kanthi adil boten pilih asih.


Salam tentrem rahayu kang pinanggya,

mugya kajiwa lan kasalira kang pinangkanipun saking Gusti piyambak rumentah mring kita sadaya.... Amin Amin 🙏🙏


JM, lingsir dalu, 281123

          ✍️ eNPe ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya