BRAHALA ING JAMAN SAMENGKO

-

     kapacak uga ing https://m.facebook.com/story.php?story_fbid=3012532279025889&id=1684548218490975

Tembung brahala lumrahe nduweni teges sacara aksara yaiku reca dewa utawa barang-barang kang dianggep duwe kekuwatan wingit lan dipepuja (didewakake). Iku tegese brahala mujudake allah tetiron kang digawe dening manungsa lan dipepuja dening manungsa iku dhewe.


Reca-reca lan barang-barang wingit iku nora bisa nyedhiani lan ngayomi para pamujane senadyan mawa pangormatan kang ditamakake mring barang-barang mau. 

Apa iku dudu sawijining tumindak muspra lan nerak Angger-anggere Gusti Allah ngarep-arepake oleh kabecikan saka allah-allah tetiron kang digawe dening manungsa iku dhewe? 

Angger-anggere Gusti kang tinulis ing Pangentasan 20:3-4 :

Sira aja nduweni allah liyane ana ing ngarsaningSun.

Sira aja gawe reca utawa tetironing apa bae kang ana ing langit ndhuwur utawa ing bumi ngisor, apadene kang ana ing banyu sangisoring bumi.


Lamun ing jaman biyen brahala awujud reca, ananging ing jaman samengko brahala bisa dibaratake utawa dimaknai kang luwih jembar awujud werna-werna bab kayata barang-barang elektronik, kabutuhan kedhugdhengan (kadigdayan), panganan, lan barang liyane kanggo ngudi kasenengan kadonyan. Kabeh iku bisa andadekake kita nglalekake werna-werna ya kulawarga, mitra-kadang uga malah nglirwakake marang Gusti Allah. Luwih saka ing amung kasenengan bae, awit bisa-bisa andhikte panetepan, carane mikir lan gegedhen pangarep-arep kita mring barang-barang mau malah bisa ngadohake lan ninggalake pangabekten kita saka Gusti Allah. 

Coba digagas ing saben dinane sepira suwene kita nunggil karo Gusti tinimbang karo barang-barang kasenengan iku?


Ya kaya mangkono iku kasunyatan kang sinebut brahala jroning tegese kang luwih jembar ing tulisan iki ora amung winatesan tegese tembung sacara aksara kang arupa reca-reca lan barang-barang kang wingit bae. Ananging luwih saka iku brahala kang luwih jembar tegese iku bisa njlomprongake uripe manungsa.


Mula ayo kita padha bali ngabekti marang Allah-ira, ya Allah Kang Maha Wisesa, Kang Maha Kawasa paring kaslametan lan karahayon tumraping kita awit kamulyane Gusti datan tinandhingan. Elinga kita manungsa umat cipta-riptaning Gusti ya umat kagungane Gusti wus prayoga kita kudu mituhu lan ngabekti marang Panjenengane.


Sumangga! 👏


JM, gagat bangun, 20621

       dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya