PANGAREP-AREPAN *Gagasan (renungan)*

  kapacak uga ing https://m.facebook.com/story.php?story_fbid=3019802091632241&id=1684548218490975

Sajroning urip asring kita ngadhepi maneka warna kaanan kang agawe kita judheg lan cuthel ing pikir ora duwe pangarep-arepan maneh nganti jroning batin mikir dene Gusti Allah ninggalake kita. Masaalah... ing kaanan iki iblis wiwit nggodha kita.

Sanadyan anaing kaanan kang sarwa kisruh lan abot sanggane kadya pageblug C-19 kang nembe kita alami, kaya-kayaa ora ana pangarepane.

Gusti Allah isih lan tetep setya nganthi lan ngamping-ampingi uripe manungsa minangka umat kagungan-E supaya ora kabujuk lan kejlungup dening godhane iblis nedya ngadoh saka pangayunane Gusti.

Gusti ora owah gingsir, lamun mbiyen Panjenengane tansah ngrengkuh kita, ing dina iki uga Gusti tetep setya nuntun lan mengku urip kita. Senadyan Gusti namakake bebendu-Ne mawa werna-werna prahara nanging Gusti iku Maha Asih, Sih-katresnane datan kendhat tansah karumuntuhake mring pra umat kinasih... Puji sokur konjuk kamulyane ing Ngaluhur.

Kang perlu kita owahi yaiku patrap kita ngadhepi kaanan iki klawan ngowahi tata cara urip anyar kang ora amung ngandhelake pikiran manungsa kang sarwa winates nanging prayoga mratobata lan pracayaa mring pitulungane Gusti kang ngluwihi wewatesing pikirane manungsa bisa uwal saka ing kekisruhan iki.

Kita perlu mbukak trusing driya dene tandang tanduk solah bawa kita kang wus kapungkur sejatine ora kaya kersane Gusti kepara nerak Angger-angger dhawuhe Gusti. 

Kita sejatine kaelingake lan kaelikake utawa kasaruwe dening Gusti arupa kadadean werna-werna nganti tumekane pageblug C-19 iki supaya kita padha mratobat lan bali ing dalan kabenerane Gusti kadya apa kang kawulangake ing kitab-kitabe agama minangka panuntune urip.

Ya kaya mangkono iku minangka pangare-arepan kang perlu kita ugemi.

Sumangga ! 🙏👏

JM, pungkasane wulan, 30621

          dening eNPe

Jarwane ing basa Indonesia mangkene,

Hal buruk kerap kali membuat kita putus asa dan menyerah. Dalam hidup ini, kita sering mengalami situasi yang membuat kita putus asa dan berpikir bahwa Tuhan meninggalkan kita. Masaalah.. dlm situasi seperti ini iblis mulai mengoda kita.

Walaupun dlm keadaan yg serba berat sekalipun seperti halnya wabah C-19 yg sedang menimpa kita ini sepertinya tdk ada harapan lagi. Allah masih tetap setia membimbing dan melindungi kita sbg umatNya agar tidak tergoda dan terjerambab oleh iblis untuk menjauh dari hadapan Tuhan.

Tuhan tidak pernah berubah, jikalau dulu Dia selalu melindungi kita, sekarangpun Dia tetap membimbing dan menuntun hidup kita. Walaupun Tuhan menjatuhkan kemarahan-Nya dengan berbagai bencana namun Tuhan itu Maha Kasih, Kasih sayang-Nya selalu mengalir dianugerahkan bagi umat yang dikasihi... Puji syukur Tuhan atas Kemuliaan-Nya di Surga.

Yang perlu kita rubah yaitu sikap kita menghadapi keadaan ini dengan mengubah tata cara hidup baru yg hanya mengandalkan pikiran manusia yg terbatas, tapi bertobatlah dan percayalah bhw hanya dengan pertolonganNya yg melebihi batas pikiran manusia bisa keluar dari kesulitan ini.

Kita perlu membuka dengan segenap hati nurani yg terdalam bahwa segala tingkah laku kita diwaktu lampau sebenarnya tidak seperti kehendak Tuhan bahkan melanggar larangan perintah2Nya.

Kita harus sadar bahwa kita umat manusia telah diingatkan dan mendapat teguran dari Nya berupa kejadian ber-macam2 hingga datangnya wabah pandemi C-19 ini supaya kita pada bertobat dan kembali kejalan kebenaran-Nya seperti yg diajarkan dalam kitab2 agama sebagai suluh kehidupan kita umat-Nya.

 Inilah sebuah pengharapan yg perlu kita pegang.