TOKO ADOL CALON GARWA

-

   kaunggah uga ing https://m.facebook.com/story.php?story_fbid=2874617319484053&id=1684548218490975

Sawijining toko kang adol garwa (calon) nembe buka, ing kono priya bisa milih wanita kang didadekake garwa.


Sawetara ing lawang mlebu dipasang tatanan carane mlebu toko kasebut :


1. Para tamu pikantuk lan saged mlebed toko NAMUNG SEPISAN!

2. Toko punika wonten 6 loteng, saben loteng mratelakaken calon garwa.

Sangsaya inggil loteng, sangsaya inggil tingkataning wanita kasebat.

3. Para tamu saged milih wanita ing loteng kapilih utawi ing loteng candhakipun, nanging kanthi paugeran BOTEN SAGED MANDHAP MALIH ing loteng saderengipun, kejawi medhak kangge medal saking toko."


Kacarita, ana pria nekani toko iku saprelu golek calon bojo.


Ing saben loteng tinulis mangkene iki :


*Loteng 1 *

"Wanita ing loteng iki setya mring Agama & Pinter Masak."

Priya iku mesem, nuli dheweke munggah menyang loteng candhake.


*Loteng 2*

"Wanita ing loteng iki setya mring Agama, Pinter masak & Alus Bebudene."

Karo mesam mesem priya iku munggah maneh menyang loteng candhake.


*Loteng 3*

"Wanita ing loteng iki setya mring Agama, Pinter Masak, Alus Bebudene & Ayu."


"Wuihh.. asiik!" ujare lirih sang priya, nanging atine isih penasaran (kepo) lan terus munggah meneh.


*Loteng 4 *

"Wanita ing loteng iki setya mring Agama, Pinter Masak, Alus Bebudene, Ayu Banget & Tresna Anak."


"Ya ampun" setengah bengok, "aku meh ora percaya!"


Isih durung marem dheweke mbacutke menyang loteng 5.


*Loteng 5*

"Wanita ing loteng iki setya mring Agama, Pinter Masak, Alus Bebudene, Ayu Banget, Tresna Anak, Seksi & Pinter ngladeni garwane."


Priya iku dheg-dhegan mandheg sawetara ing loteng 5. Nanging saking olehe 'kepo' lan isih durung marem, neruske munggah nyang loteng candhake.


*Loteng 6*

Kocapa ana tulisane "Panjenengan tamu kang kaping 8.088.270.

ORA ANA WANITA ing loteng iki. Loteng iki mituduhake lan mbuktekake tumrap Priya kang ORA NATE MAREM & TERUS GOLEK WANITA KANG SAMPURNA...!!!"

"Matur nuwun rawuhipun!

Ngatos-atos nalika medal saking ngriki!"


Kamitenggengen priya iku dheleg-dheleg gela banget, njur jangkah metu saka toko iku kebak kuciwa.


Eliding crita lan pemeling (kanggo sapa bae ora lanang ora wadon) :

Aywa terus golek wong kang sarwa sampurna, ing donya iki ora ana, anane malah tinemu kuciwa lan keduwung ing mburine.

Reksanen apa kang wus kita temokake utawa duweni den peperti, eling aywa nggrangsang golek kang sarwa luwih, tansaha muji sokur apa kang wus kaparingake dening Gusti Allah.


Eling dene manungsa ora ana siji-sijia kang sarwa sampurna klebu kita kabeh.


Mugya migunani! nuwun 🙏


JM, sumilaking esuk, 141220

           dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya