ANGGAYUH TUMUJU CAHYA

-

   kapacak uga ing https://m.facebook.com/story.php?story_fbid=2868924456720006&id=1684548218490975

Mandhegani sawijining wewengkon praja ora kok amung bisa golek aleme utawa sinuba-suba masarakat sajroning lima utawa sepuluh taun mangarep. Ananging kepriye bisa anganthi rakyat ing dalan tumuju kang luwih becik, senadyan kanggo ngranggeh gegayuhan mau kita kudu bebarengan guyub kanthi rekasa ngombe pait getire pangupaya mau.

CAHYA bakal sumunar sawuse sumilak pedhuting mendhung pepeteng.


Mandhegani praja ora ateges kepriye supaya bisa MISUWUR, ananging kepriye carane bisa nedya anggayuh kahanan kang kaesthi luwih becik/rahayu ing tembe wektune. 

Pambangunan ora tansah lan mesthi sarwa manis/kepenak, lumakune mbutuhake pangurbanan kang ora sethithik kepara pait rasane.

Ananging, kabeh iku kaprelokake tumrap mujudake CAHYA kang nyumunari ing tembene.


Kita sabangsa ora sarujuk lamun Indonesia ana ing palimengan. Nanging sejatine CAHYA bisa luwih ngrembaka nyumunari nagari iki.

Akeh bab-bab kang ala diejarake bae. Akeh sumber-sumber kaskayan kang durung kagarap. Kita sajroning wektu-wektu kepungkur durung wani lan ora pracaya yen sejatine CAHYA iku wus ana, mung kari kepriye carane bisa nyumunarake CAHYA iku temah madhangi warata.


Dadi pemimpin ora bisa ngayahi dhewe amung karo andhahane bae. Dheweke kudu bisa nularake kakuwatan becik tumraping rakyat supaya bisa nyumurupi dene kabeh lagi tumuju mring kamajuaning bangsa kang ngeramake. Tundhone bisa oleh panyengkuyunge rakyat kanggo mujudake CAHYA mau.


Nagari iki mesthi bisa kadunungan cumloroting CAHYA nalika pepeteng pedhuting mendhung bisa sumilak!

Lan kita nembe lumaku ing kahanan iku, tumuju Indonesia kang luwih becik.


Resepi masalah, rampungake masalah, iku rancangan kang kaesthi.

Kita yakin, saruwet-ruwete prakara bisa diudhari, yen ta ana pangupaya sedya ngudhari.


Kita bangsa kang luhung, kita mesthi bisa mujudake gagayuhan owah-owahan kang luwih becik. 

Ing tengahing swasana prihatin jalaran  pageblug Covid-19 kadya kang wis karancang ngadani hajadan nasional Pilkada mugya CAHYA pangarepan abyor ing tengahing bangsa Indonesia. Kanthi pangajap mugya hajadan demokrasi dhaerah ing saendhenging nuswantara iki bisaa kaleksanan kanthi gangsar, tentrem lan adil tinebihna saka rubeda nir baya nir sambekala. 


JM,  madya ratri, 71220

          dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya