kapacak uga ing  https://m.facebook.com/story.php?story_fbid=2669934539952333&id=1684548218490975 Nadyan kasaput pungkasaning margi isih adoh apa wus cedhak iki aku kinanthi astane Gusti mring negri kang datan dak sumurupi Kepareng ndherek dhuh Gusti punapa kersa Paduka datan ajrih lan rangu Gusti panggah pitados kukuh santosa Lamun tindaking Gusti datan katon ing margi tansah manut ing nala iki puja sokur awit Sihing Gusti Lamun samangkya tan keksi ing tembene tinemu rahayu jer pepadhang ing Gusti kebak kamulyan saestu JM, plethekingsurya, 29420          dening eNPe

.     kaunggah uga ing  https://m.facebook.com/story.php?story_fbid=2669471359998651&id=1684548218490975 Duren .. meh kabeh wong Indonesia sapa sing ora kenal? Nanging duren bisa mujudake woh-wohan sinebut woh kang dadi padhebatan. Ana sing seneng merga rasane sedhep lan gandane wangi, nanging uga ora sethithik wong sing sengit awit duren bisa gawe mumet lan muneg. Mulane perusahaan penerbangan, tetumpakan umum lan hotel-hotel akeh sing ora ngidinake, marga bisa ngganggu wong liya. Semono uga kadikaya pepindhane duren mau, saben pribadi manungsa iku mesthi piniji dening wong liya miturut cara kang beda-beda. Ana sing duweni kanca nyenengi, ana uga sing nyengiti. Rasa lan ganda mujudake campuran kapribaden, sipat, solah bawa, cecaturan, bakuning panemu lan padadan urip campur dadi siji ndadekake pambijine wong liya werna-werna. Saben pribadi prayogane ngupadi supaya bisa metokake rasa lan ganda kang bisa disenengi wong akeh (ya pancen angel) Tumindak bec...

Kanggo kang tansah kaucap, ORA WEDI KORONA       kaunggah uga ing  https://m.facebook.com/story.php?story_fbid=2669324096680044&id=1684548218490975 Ana nini-nini kang banget pracaya mring pangwusane Gusti Allah. Nini-nini iku tansah ngugemi : "Pracayaa Gusti kang bakal nylametake kowe" Ing sawijining dina pinuju omahe kebanjiran, nalika banyune banjir wus 1m, ketua RT ne ngajak ngungsi, nanging dheweke nampik lan celathu, "Gustiku bakal nylametake aku!", ya wus pak RT ora meksa. Banjire terus mundhak dhuwur, nini-nini iku enggal munggah ing loteng loro. Banjur tanggane sing pinuju liwat ngajak uga ngungsi, nanging dheweke tetep kukuh nampik ajakan mau, karo semaur, "Gustku bakal nylametake aku!" Banjire terus sangsaya dhuwur, wusanane si nini iku menek ing sadhuwure payon omahe. Ora let suwe omahe klelep, lan kabeneran petugas SAR nyumurupi lan enggal ngupaya nylametake si nini iku. Nanging piye sidane? Si nini tetep nampik... Wusanane si ...

      kaunggah uga ing  https://m.facebook.com/story.php?story_fbid=2667564580189329&id=1684548218490975 Ana pitutur kuna :"Yen cecaturan aja sok KALAMENGA, perdinen obahing lathimu" Aja sembrana omong sembarangan (kasarane aja njeplak bae), bisa kanyatan kang dinedya, Gusti Allah ora sare. Pendhak ngarepake taun anyar kita asring sembranan nggoleki pananggalan sing akeh tanggal abange alias akeh preine.... Gusti Allah tenan ta ngeparengake prei dawa....???? Nalika Nadiem Makarim kapiji dadi Mendikbud akeh kang sembranan nadyan gegojekan, "Wah mengko sinaune bakal daring alias on line", "Bayar SPP lan tampa rapot ra usah menyang sekolah, cukup liwat go send ae.. !!?" Nah Gusti ngeparegake tenan ta! Nalika Mendikbud usul program "Merdeka Belajar", akeh uga kang ujar sembrana, "Dosen ora prelu nang kampus, mahasiswa cukup sinau nang endi bae, kampus-kampus bakal sepi."  Lha dalah rak tenan ta, Gusti Allah ngeparengake! A...

   kapacak uga ing  https://m.facebook.com/story.php?story_fbid=2664975260448261&id=1684548218490975 Swara suling sang pangon kaprungu merdu anuntun jangkahku saurute ilining tirta tumujweng alam praduan den ngreridhu gumelar pasuketan sumiliring samirana Mring wedhus kang ngorong lan lungkrah pangon kang setya aweh banyu seger Tumraping kalbu kang salit lan lungkrah tumrahing tirta panguripan sanyata binabar bebener Ya pangonku satuhu iku Gustiku gawe urip ayem lan tentrem rahayu Panuntune mili jroning kalbu kwasaNya tentrem maring uripku JM, gagat bangun, 23420.         dening eNPe

kaunggah uga ing https://m.facebook.com/story.php?story_fbid=2664125807199873&id=1684548218490975 Saupama wanci esuk sang surya nora jumedhul klewa-klewa mlethek abyoring sorot pangangenku urip ing rasa sepi jroning pepeteng kang lelimengan Nanging Pasuryane Gusti madhangi ing nala iki bakal miyak reribed ndulu panyawang napaki darmaning urip bebrayan krana Suryaning Gusti nambah pepadhang Datan nglirwake urip ing donya iki amarga iku uga sinung nugraha nedya bisa urip tentrem rahayu ngresepake endahing riptane Gusti JM, rolikuraprilrongpuluh         dening eNPe

  kapacak uga ing  https://www.facebook.com/1684548218490975/posts/3234674250145023/ Putri cuwa atine, ing dina iki wong-wong saomah, bapak ibune klebu kangmas mbakyune ora ana sing kelingan yen si Putri ulang taun. Ing meja dhahar katon kosong ora ngira yen ora ana panganan karemane sethithika sumadya ing meja, ohh... atine cuwa banget jengkel campur adhuk dadi siji. "Huh!.., IBU wus ora tresna marang aku, ora emut dina kelairan putrine dhewe, kok olehe kebangeten ya", grundelan si Putri karo nelangsa. Diantu-antu tekan awan, sajake wong saomah ora ana sing migatekake. Ora ana sing aweh slamet, kadho utawa ngaras pipine. Nelangsa rasaning ati, jengkel campur nepsu si Putri lunga ora pamit. Wetenge kroncongan luwe lan kebak pikiran jengkel mlaku datan tujuan. Si Putri mandheg sangarepe grobak bakso jalaran mambu ganda sedhep, saking luwene pingin banget mangan bakso semangkok. "Ngersake bakso neng? ayo lenggah mlebu kene!", clathune bakul bakso gawe ka...

  kaunggah uga ing  https://m.facebook.com/story.php?story_fbid=2661800777432376&id=1684548218490975   (Kagem para kadang Kristiani) Ing dina Minggu kori Greja kainep, eblis sorak-sorak rumangsa wus menang mring Greja. Kocapa setan iba kagete amarga nyumurupi mimbar Greja wus pindhah ing saben omahe jemaat. Keprungu ing omah-omah padha Pepujian, Panyembahan, donga lan Pangabaran Pangandikane Gusti Allah Wus pakulinane setan ing dina minggu anebar godha ing satengahe pangibadah pakumpulan. Ananging saiki setan bingung ngatur wadyabalane, awit Greja wus ngalami owah-owahan tumangkar ing ngendi-endi ngrembaka katandhing padatane. Ing markas bentenge setan, kaprungu Kidung Pepujian, Pangabaran Injil, Panyembahan lan Pandonga konjuk mring Gusti, eblis sangsaya judheg lan bingung. Sanyatane setan nora mangerti lamun Greja sejatine dudu bangunan gedhung utawa omah pakumpulan, nanging Greja iku sejatine ana ing pribadine wong pracaya ya jemaating Gusti. Greja no...

 kapaak uga ing  https://m.facebook.com/story.php?story_fbid=2661234687488985&id=1684548218490975 Ing sawetara wektu iki pendhak sore ngarepake surup  asring ana udan deres kaesokake saka langit, para kadang akeh kang wus duwe rancangan werna-werna njur padha ngersula lan gremengan malah nganti ana sing nepsu ora ana juntrunge. Ing ngisor iki ana carita kang bisa kita semak kanthi permati , mangkene caritane : Ana sawijining sudagar sugih mulih saka pasar nunggang  jaran anggawa ubarampe dodolane sarta sakanthong dhuwit kang dikalungake ing gulune jaran. Dumadakan udan deres kaya kaesokake saka langit nganti sandhangane teles kalebus uga ubarampe liyane klebu kanthonge sing isi dhuwit. Satekaning ing tengah ngalas kang sepi, dumadakan ana begal kang gawe kagete kanthi ngathungake bedhil lan tanpa ngomong apa-apa njur ngunekake bedhile. Ananging apa sing kadadeyan, amarga bedhile teles kena banyu udan mimise ora bisa mbledhos dadi ya bedhile mejen.  S...

 kaunggah uga ing  https://m.facebook.com/story.php?story_fbid=2660669860878801&id=1684548218490975 He sakèhing para mitra kadang kinasih satuhu dipadha tilingna, he sakèhing sadulurku dipadha prayitna Yagene nganti wringutên marang karubêdan pêndhak dina rikala sira kinêpung ing mêmala padha ngugêmana dhawuhe para pamong kang ngêmban praja murih enggala sirna sing prahara Ayaw tambêng solah bawa sasênêngira nora maèlu, bisa nyilakani mring kadang liya nênular mêmala kang datan kèksi nora kasat mata sangsaya ngrêmbaka kadang kang nandhang sangsara Nang Omah Wae (NOW) kang prayogi liwat jêjaring sosial kang dèn udi ngibadah, pawiyatan, nyambut kardi sarwa kalêksanan kang kaèsthi #lukitaningprihatin JM, gagatbangun, 18420         dening eNPe

 kaunggah uga ing  https://m.facebook.com/story.php?story_fbid=2659767007635753&id=1684548218490975    sumber : kpj 381: 1,2,4 1 Nalikane cilikanku, kepati senengku; tan nate ana pasambat, bungahku tan kendhat. Sorene sawise sepi, ibuku memuji, ing pandonga kang ingatur, jenengku sinebut. reff : Pandongane ibu anyebut jenengku; ing pandongane ibuku tansah anyebut jenengku. 2 Aku sangsaya kelingan, jroning kasusahan, yen urip lagi cilaka, atiku nalangsa; sakal eling mring ibuku kang sujud manengku; ing batinku trus keprungu, anyebut jenengku 4 Sawusnya ibu tan ana, wit sowan Sang Rama, nanging dhawuhe mring aku, kang tansah dakgugu. Mbesuk ing kana tinemu, barengan sumungku; pamujine kang dakrungu, anyebut jenengku. JM, pitulas_april_rongpuluh           dening eNPe  gubahan lagu DI DOA IBUKU NAMAKU DISEBUT   song : Nikita, penyanyi cilik, 1995 Diwaktu ku masih kecil Gembira dan senang Tiada duka...

 kapacak uga ing  https://m.facebook.com/story.php?story_fbid=2659644900981297&id=1684548218490975 Kaleganing atine wong tuwa,  lamun nyawang putra wayahira, de samnya rukun manunggal budi. Pepindhane para among tani,  ndulu taneman ira samnya ngrebda, panenan ira lir robing samodra. Saiba bombang marem atiku;  anak - putu padha sabiyantu; yen bungah bareng padha kasukan, lamun susah sinangga barengan. Uripe ayem tentrem, guyub-rukun; tan kendhat dennya ngaturke panuwun   ®kadudud saka ing kpj 377 : 1,3 JM, wanci sidhem, 17420        dening eNPe

 kapacak uga ing   https://m.facebook.com/story.php?story_fbid=2658073767805077&id=1684548218490975 Lamun donya ketaman palimengan rasa giris sumebar ing ngendi-endi Ati mangu bacutke urip apa isih ana pepadhang Ombak korona prapta anrajang nembus ing salumahe bantala Krungu tangis ing sepining ratri nyadhong tekane pangarepan reff. Cahya isih ana ing jroning nala kita jroning nala kang kebak rasa asih Pangarepan ana ing jroning urip kita mring kang nedya ambagya Petenging mendhung bakal sirna abyor soroting sang surya esuk Gusti rena ngrumentahke berkah mring kang gedhe tekad datan pasrah reff. 2X JM, lingsir wetan, 15420         dening eNPe sumber : CAHAYA DLM KEGELAPAN        cipt. SBY Jika bumi ini terasa gelap Menabur takut di mana-mana Hati gamang lanjutkan hidup Masihkah kulihat cahaya Badai corona datang menerjang Menembus dunia tak berbatas Tangis pecah di malam hening Menunggu ...

  kapacak uga ing   https://www.facebook.com/share/p/1ECmCc8mSW/ Ana bocah wedok sing sambat marang bapake yen uripe sarwa susah lan dheweke ora ngerti kepriye bisa ngatasi. Dheweke rumangsa bingung lan kesel wus ngupadi saben dina ora ana asile. Saprakara bisa dirampungke kasusul prakara liya sing kudu dirampungake. Bapake sing gaweane juru masak (koki) ngajak menyang pawon. Banjur njupuk panci telu diisi banyu nuli ditumpangke ing kompor sing genine gedhe. Panci-panci iku banyune wiwit umop njur panci kapisan kacemplungi kenthang, panci kapindho kacemplungi endhog lan panci katelu kacemplungi wiji kopi. Si bapak ngenteni sawetara wektu nganti panci-panci mau banyune bener-bener umop, datan ngomong apa-apa mring putrine. Putrine nggresah sajak ora sabar kira-kira apa ya sing arep ditandangi bapake. Sawuse rong puluh menitan, si bapak mateni kompor banjur ngangkat kenthang, endhog lan wiji kopi dideleh ing mangkok. Nuli nyendhok kopi dideleh ing cangkir, si bapak m...

  kapacak uga ing  https://m.facebook.com/story.php?story_fbid=2651894901756297&id=1684548218490975 Tumindak kabecikan ing kahanan kang wus samesthine iku mujudake bab kang lumrah. Nanging, tumindak becik ing kahanan kang ora prayoga iku sawijine tantangan. Kanyatane ing kahanan sing kasebut keri iku asring kita temokake. Kita urip ing satengahing masarakat kang kerep malah bisane nampa kahanan kang ora apik, ora maelu tatanan sopan santun, ambek siya mring sapepadha, gawe wirange mring liyan, seneng memada lsp. Banjur kepriye kita bisa tumindak kabecikan ing kahanan kaya mangkono iku? Kawiwitan saka ing rasa manteb ing keyakinan jroning ati dene kabeneran kang kita ugemi iku nyata-nyata bener ora geseh karo paugeran urip kang katetepake miturut undhang-undhang. Kabeneran iku kang dadi dhasar mring katetepan lan kemanteban kita, dudu amung angger nekad. Tumindaka kabecikan lan bener apa bae pikolehe krana kita yakin dene iku kang dadi kersane Gusti Allah. Yakin lan ...

  kaunggah uga ing     https://m.facebook.com/story.php?story_fbid=2650984101847377&id=1684548218490975 Ayo pra kanca samya, kita kukuhake adhepi pacobanNya, kebak pangarepan Nadyan apa anane, kang kok tindakake ing wancine bakal ana paedahe Ngresiki tangan migunakake sabun aja lelungan ing sawetara wektu Sebarke pesen kang gawe tentrem uga aja nglalekake sedulur kita kang nembe mrelokake Dina iki kita bebarengan anjaga jiwa lan salira murih tansah bregas waras Nadyan wajib, kita jaga jarak nanging ati iki tansah rumaket nagriku kang tinresnan JM, pitu april rong ewu rong puluh               dening eNPe kajarwakake saka : TEGUHKAN HATI INDONESIA  Yovie Widianto-musisi Marilah kawan semua, kita teguhkan Hadapi cobaan-Nya, penuh harapan Meskipun sederhana, yang kau lakukan Pasti ada gunanya, di masa depan Bersihkan tangan, sabun gunakan, Tak bepergian, sementara kawan Sebarkan pesan, yang menena...

  kaunggah uga ing  https://m.facebook.com/story.php?story_fbid=2648162805462840&id=1684548218490975 Lamun ana sawetara kedadean asring dibarengi pratandha yen bakal kedadean. Tandha-tandha iku bisa njalari wong-wong padha sumelang,  nanging ana uga wong liyane kagugah semangate. Dene sikep lan tangkepe wong gumantung carane wong mau negesake tandha-tandha kasebut. Waspada lan patitis anggone mangerteni pratandha mau nedya anggone tumindak oleh asil kang becik, suwalike yen kleru anggone mangerteni pratandha paedahe kang kapethik iya bakal ora ana malah kepara muspra ora piguna. Kita asring tansah was sumelang ngadhepi kedadean ing urip saben dinane. Warta pageblug, bencana alam, regejegan lan padudon ing antarane warga bangsa kadya nora ana rampunge. Maneka warna kedadean iku nuwuhake pitakonan kenapa kudu kedadean. Dhawuhe Gusti kacetha lan nyata kita aja kuwatir pracayaa Gusti bakal paring pitulungan. Sayogyane iman kapracayan kita mring Panjenengane aja lun...

    kaunggah uga ing  https://m.facebook.com/story.php?story_fbid=2647433882202399&id=1684548218490975   Mripat iku minangka pirantine badan kang penting lan pengaji banget. Senadyan ukurane cilik nanging pigunane gedhe banget tumrap uriping manungsa. Mripat bisa njalari kita ngrasakake seneng, sedhih, gela uga nepsu, duwe pengarep-arep utawa ora, bisa gawe tumindak becik lan ala lsp. Sinebut uga " mripat iku diyane urip", lamun mripatmu becik, katon seger padhang sakojur awakmu, nanging lamun mripatmu ala/jahat, mula katon peteng lan reged sakojur awakmu. Jlentrehe mengkene, dene yen kita nyumurupi bab-bab kang sarwa becik, kita uga pikoleh kabecikan. Kosok baline, yen mripat kita kasaput dening bab-bab ora becik nadyan sethithik bae mula kita ora bisa nyumurupi kabecikan-kabecikan kang ana ing sacedhake kita. Kaya mangkono iku mripat mujudake pandulu ya piranti kanggo dulu utawa nyumurupi samubarang ing urip kita. Nalika saiki bangsa lan nagara kita l...