PITUTURE PIYAYI SEPUH

-
   kapacak uga ing https://m.facebook.com/story.php?story_fbid=2535372993408489&id=1684548218490975

Ana piyayi kakung sepuh arep nunggang bis, nalika bapak sepuh mau mancad rolak bis, sepatune sesisih copot lan ceblok nang ndalan.
Nora let suwe lawang bis ketutup lan bis enggal mlaku, nganti bapak sepuh iku nora bisa njupuk sepatune sing copot mau.

Kanthi kalem bapak sepuh iku nyopot sepatune sing sesisih njur mbuwang metu liwat jendhela bis.

Bocah kanoman kang lungguh cedhak bapak sepuh mau meruhi kadadean iku pitakon marang bapak sepuh iku.
"Kenging punapa Bapak kok mbucal ugi sepatu ingkang sesisih?"

Si bapak sepuh karo mesem mangsuli entheng, "Supaya sapa bae kang nemokake sepatuku bisa migunaake, iku sepatu isih anyar lan apik. Aja nganti sepatuku sesisih kelangan pasangane. Sepatu iku mujudake rewang sapasang kang elok dhewe!"

Coba pigatekna :
Wujude pasangane rak nora padha pleg nanging trep cocok.
Nalika dianggo mlaku, obahe bisa beda kiwa-tengen..kiwa-tengen, nanging enere padha.

Panggah bae dununge, nora ana sing udur iren, nanging padha dene nggenepi siji lan sijine.
Sing sesisih mlumpat, sisihe nyusul mlumpat.
Tansah sadrajat, nora ana sing luwih dhuwur utawa luwih endhek.
Siji munggah rolak, sijine ya nusul munggah rolak.
Lha yen sijine ilang, bisa cotho pasangane nora ana paedahe.

Cah enom mau isih durung marem.
"Ananging Bapak kok boten ketingal gela lan cuwa kecalan sepatu sinaosa nggadhahi piguna ageng?"

Si bapak sepuh mesem maneh kanthi sareh, "Ee.., cah enom..., ngertia yaa,
dene BANDHA iku mung TITIPAN,
NYAWA iku samono uga mung SILIHAN !

 *UDARASA lan GAGASEN !*
Kelangan nora bisa miih-milih :
     - bisa kelangan SAPA bae
     - bisa APA bae lan KAPAN bae!

Sambekala, Berkah lan tumindak Kaluputan iku bab kang nora bisa diselaki.

Puji sokur minangka manungsa kang nduweni kapracayan kita kaparingan pituduh kanggo ngadhepi :
 - ketaman sambekala, bisaa Sabar
 - kasinungan Berkah, unjuka Puji Sokur
 - tumindak Kaluputan, enggala Mratobat

Mugya gambaran ing ndhuwur bisa migunani tumrap kita kabeh...

Sumangga!

JM, madya raina, 91219
       dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya