NGUBER-UBER PANGKAT LAN KALENGGAHAN

-

   kapacak uga ing https://m.facebook.com/story.php?story_fbid=pfbid0Mttrfy2nYSYLk4mi7BYMWsHjXGNBVhUhfHCc4mDR4dp2UCRkhj2rzExbYPjxmkm7l&id=100053518547586&mibextid=Nif5oz

Pangkat lan kalenggahan mujudake sapasang kang dadi incerane wong akeh. Kenapa mangkono? Iya, jalaran pangkat lan kalenggahan mujudake sapasang kemajuan sukses sing diuber-uber datan maelu apa bae carane, embuh iku lumrah embuh iku nekad nerjang tatanan urip bebrayan ing tengahing masarakat.


Kawusanan sing dumadi saka kahanan nguber-uber pangkat lan kalenggahan mau bisa andadekake rame lan ribut nganti congkrah ing kekadangan. Kadhang lamun ana pamong utawa pandheganing praja kang nduweni napsu marang kalenggahan kang disandhang nganti dheweke ora lila lan ora sanggup diganti/dilengser pindhah tugase, malah ana sing ora trima yen kalah ing tetandhingan anggone rebut pangkat lan kalenggahan mau.


Akeh pangageng/pamong ing pamarentahan ngupaya mati-matian nggondheli pangkat lan kalenggahan klawan cara ngagul-agulke dhiri yen jare kang apik dhewe nganti tega njegal lan ngeblegake wong liya. Cara-cara mangkono mujudake cara kasakrahan kadonyan.


Aja nganti kita nguber-uber kalenggahan kanthi napsu srakah lan gumunggung. Aja nganti kita nutup-nutupi napsu mring kalenggahan dibungkus lan sinamun nganggo ndudut ayat-ayat pangandikane Gusti, iku bisa kaarani lelamisan sumuci-suci. Malah wusanane, yen nemoni kegagalan apa kang sinedya banjur bisa dadi linglung (stres) kedawa-dawa sajak kaya wus ora duwe pengarepan urip maneh. Lha ya ora maido, wong wus kebacut cucul ragad saambreg-ambreg sidane wurung.. heeemm đŸ«Ą


Kita pracaya, dene Gusti Allah piyambak kang sinung nugraha kalenggahan lan pangkat mau awit pancen kinarsakake dening Gusti. Ya kaya mangkono iku kita patut muji sokur jroning kalbu lila lan legawa sawanci-wanci kapundhut kalenggahan iku. Patrap sabar, sareh lan pasrah klawan sumelehing ati iku kang dadi andhelane wong pracaya marang ka-Agungane Gusti Kang Maha Kawasa.


Mugya rahayu kang tinemu,

bagas saras kang linaras,

sarwa ayem kang agawe tentrem.

Gusti amberkahi... Amin Aminn 🙏🙏


JM, sirep bocah, 6324

         ✍️ eNPe ✍️

        [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya