kapacak ugi ing  https://m.facebook.com/story.php?story_fbid=3176222369323545&id=1684548218490975 Samangke, pilihan gumantung dhiri kita piyambak-piyambak, punapa kita nedya dados jejering pribadi kang nuladhani kasaenan utawi kosok wangsulipun piawon? Lamun kita minangka jejering pemimpin, mila makaten kita temtu dados patuladhan mring andhahan kita minangka pemimpin ingkang sae utawi awon. Bilih kita minangka jejering tiyang sepuh, anak-anak kita saged nulad tandang-tanduk kita ingkang sae punapadene ingkang awon. Makaten ugi mitra kadang saged samidene dados tuladha piyambak-piyambak antawis satunggal lan satunggalanipun. Pramila, sumangga kita tetep angreksa patrap saha tandang-tanduk ingkang sae lan leres supados kita boten dipunemuti lan kondhang minangka pribadi ingkang awon nanging kosok-wangsulipun misuwur pribadi ingkang sarwa sae, saha kita saged pundadosaken patuladhan ingkang leres dening tiyang sanes ing pasrawungan sakiwa tengen kita. Mila makaten t...

    kapacak uga ing  https://www.facebook.com/1684548218490975/posts/3176002569345525/ Sorot kaemasan sumyar lan sumyah mungkuring ratri sinambut pra jalma gumebyar cahya sinungging esem. Sawengi raga ngaso ing tilamrum gumregah klawan bungah rasaning tyas sinawang langit wening sumyah. Endah sampurna cipta-riptaning Pangeran aku kesengsem rumesep jroning nala nyawang ripta-karya agung AstaNya. Apa iku dede pralambang tumrapku nelakake kamulyaning kaswargan cahya kratoning kang langgeng JM, gagat-bangun, 30122          dening eNPe Surya kencana, riang dan segar, malam berlalu disambut para mahkluk bermandi cahya tersenyum berseri. Semalam suntuk terbaring tubuhku; kini ‘ku bangun; dengan rasa kagum kupandang langit ceria jernih. Indah sempurna ciptaan Tuhan: ku terkesima takjub dilubuk hati yg terdalam melihat karya tanganNya yang agung megah. Bukankah itu perlambang bagiku yang di warnai semarak sorgawi cah'ya KerajaanNya yang baka

    kapacak uga ing  https://www.facebook.com/1684548218490975/posts/3175229396089509/ Pira-pira netepake pepancasan mring liyan sayogya nisihake wektu ndongakake mring liyan nedya anggayuh kang luwih kapranan diklawan sira aweh kapracayan mring liyan  Dina kawuri wus pana, dina sesuk durung prapti  kita hamung darbeni dina iki payo miwiti mamrih kabecikan kang pinanggya aywa ngantya kang wus dumadi muspra kabenan ilining tirta Datanpa Gusti Kang Ma' Wisesa, urip nora darbeni gegayuhan datanpa gegayuhan, urip nora darbeni makna datanpa makna, urip nora duweni sedya kadya lumaku ing palimengan JM, lingsir wengi, 29122     rinonce dening eNPe     Jarwa ing basa Indonesia : Alih-alih menghakimi orang,  sebaiknya meluangkan waktu yang sama untuk berdoa bagi mereka,  untuk menjangkau mereka yg lebih berguna memberi tahu mereka bahwa kita percaya pada mereka. Hari kemarin sudah hilang, hari esok belum datang. kita hanya memiliki hari ini....

   kapacak uga ing  https://www.facebook.com/1684548218490975/posts/3173632616249187/ Saben uwong tansah nedya pengin bab-bab utawa barang-barang kang tulen(asli). Kanggo anggayuh kang asli mbutuhake upaya lan wragad larang. Ora akeh uwong kang sanggup nindakake upaya kanthi temen sarta ngetokake wragad larang kanggo pikoleh kang tulen. Emane, ana bae wong-wong liya sing anggatekake lan golek paedah/bathine dhewe saka wong kang ngepenginake sawernane bab tanpa upaya lan wragad. Banjur ing kahanan iki, akeh prakara-prakara palsu ora amung awujud barang-barang bae nanging uga jasa-jasa palsu. Cilakane, eee akeh sing butuhake. Bokmenawa ing antarane kita ana sing ngalami disaruwe wong liya jalaran kita manganggo barang palsu. Utawa kosok baline, kita mencepi wong liya sing manganggo barang palsu. Kepriye yen gegandhengan karo ngibadah palsu, Gusti Allah bisa sekel ing penggalih lan nganti ing dukane. Sacara kasatmata uwong ngayahi ritual agama, katon sregep menyang dalem pan...

    kapacak uga ing   https: //www.facebook.com/1684548218490975/posts/3172433773035738/ Tyang kang nayogyani tyang ringkih papa, mrih darbe ajining manungsa nggih tyang kang ambek darma  kumedah nglumantaraken berkah nyata Tyang kang ngrukunaken tyang sulayan  tansah ngarah katentreman muhung tyang kang olah ing katresnan  tansah nebihi ing cecongkrahan Yekti hamung tigang prakara  pangajeng-ajeng lan pracaya tuwin katresnan sanyata  lelabet trusing driya kang pinunjul tresna JM, lingsir wengi, 25122         dening eNPe

    kapacak uga ing   https://www.facebook.com/1684548218490975/posts/3170254609920321/ Kacarita ana bocah lanang jenenge Tono umur-umuran SD sing katon gita-gita ninggalake sekolah sawuse jam pelajaran rampung mung saperlu dodolan kertas koran lawas sing diklumpukake, kanggo golek pangasilan tambahan kanggo ngrewangi simboke/biyunge.  Dene pakne embuh lunga nang ngendi ora tau ngaruhake. Si Tono urip mung karo simboke lan adhine wedok sing isih balita. Minangka lanang dhewe ing omah, dheweke rumangsa wajib asung kabagyan marang wanita loro kang ingajeni lan tinresnani yaiku simbok lan adhine. Sawijine dina, kaya adad sabene si Tono nawakake dodolan kertas koran lawas ing warung-warung sembako. Dina iku tekade nedya mulih nggawa roti ulang taun adhine sing wus suwe kepengin roti kasebut. Tumraping Tono lan kulawargane sing jenenge roti mujudake panganan larang anane mung ing impen, nanging kanggo nyenengake adhine Tono duwe tekad bisa tuku nggawa roti ulang taun saka...

    kapacak uga ing  https://m.facebook.com/story.php?story_fbid=3168947030051079&id=1684548218490975 Ana pitutur : “Aja ngungkuli apa kang tinulis,” supaya ing antaraning kita aja nganti ana kang kumalungkung kanthi ngegungake kang siji ngremehake sijine. Urip bebrayan ing tengahing masarakat iku jembar kaanane, kebak wewatak antarane siji lan sijine, ya wewatak ana kang ambek siya ning ana uga kang kebak sih katresnan, ana kang ambek luhur ana uga kang judhes, ana kang ambek sura ana uga kang jirih, ana kang ambek darma ana uga kang sakarepe dhewe. Awit sapa ta kang nganggep kita iku kinacek lan linuwih? Lan apa ta kang kita darbeni kang nora saka anggon kita tampa? Dene yen marga saka anggon kita tampa, ya-gene kita kok kumalungkung, kaya-kaya nora saka anggon kita tinampeni? Saka endi kabeh kang kita darbeni yen nora ana sing maringi? Ya, kabeh kang kita tampa iku pinangkane amung saka Gusti Kang Murbeng Wisesa iya kang akarya jagad saisine.  Ing ngarsane Pan...

    kapacak uga ing  https://www.facebook.com/1684548218490975/posts/3166829270262855/ Tetiyang kang ADIGANG mung nyebar panandhang. Wateknya sami tegel, nindhes mring sanes tyang. Pituwasnya bebendu bramantyaning Gusti. Nanging tyang tresna satuhu, gesang yekti. Tetiyang kang ADIGUNG mung nandur sangsara. Remen umuk, gumunggung, ngina mring pepadha. Mesthi ngundhuh antaka, awit adiling Allah. Nanging tyang kang lembah-manah sinung berkah. Tetiyang ADIGUNA mung ndhedher cilaka, nganggep Allah tan ana, sabdaNya mung nglaha. Mung panen karisakan, dedukaning Pangeran. Nanging tyang ering mring Allah, sinung kinasihan Tyang kang NGEGUNGAKEN DHIRI , mung ngundhuh bilai. Tansah ngumbar pikajeng, tan ngetang sesami. Gesang jroning pepeteng, pikolehnya pati. Karaharjan kang langgeng mung ing Gusti. JM, parak esuk 170122         dening eNPe sorogan pojok : ADIGANG : ngegung-egungake / ngagul-agulake kekuwatan/kuwasane ADIGUNG : ngegung-egungake / ngagul-ag...

    kapacak uga ing  https://m.facebook.com/story.php?story_fbid=3165972853681830&id=1684548218490975 Ana panemu, manungsa iku sajroning urip amung duwe telung bab yaiku 'dhuwit, wektu lan tenaga/daya'. Rikala isih anom lumrahe uwong durung duwe dhuwit akeh. Ananging, duwe tenaga kang santosa kanggo ngudi daya golek dhuwit/rejeki. Ya amarga kudu sregep nyambut gawe nedya nglumpukake dhuwit (raja brana), mula njur kelangan wektu kanggo ngresepi uripe, anane mung nggethu nyambut gawe bae nganti nglirwakake wajibing manungsa atur pamuji sokur lan pangabekti konjuk mring Gusti Allah Kang Maha Agung. Sajroning lumaku lelakone urip, dhuwit wiwit nglumpuk baka sethithik wusanane dadi lan sugihe. Ngunduri tumekane adi-yuswa (sepuh), manungsa duwe cukup dhuwit kanggo menikmati urip, nanging ora kurang uga akeh sing uripe ora mapan lan ora tumanja malah kepara urip papa.  Bali mring priyayi adi-yuswa kang klebu sugih kebak raja brana, emane mundur daya kasantosane ing sali...

   kapacak ugi ing  https://m.facebook.com/story.php?story_fbid=3164744277138021&id=1684548218490975 Wanci enjang kang sumyah sidheku marek ing ayunan Paduka Gusti kawula repekaken kidung pamuji awit agung cipta-ripta Paduka Mendah elok kwaos Paduka Gusti datan saged tinandhing Langit bumi denya karipta dalah salir saisining jagat raya Endahing sesekaran ing ngare ijo royo gumelar sawah  Wana wasa amba pinenthang iba agunging cipta-riptaNya Sasadara, raditya dalah kartika arcapada sinartan samodra riptaning Gusti Kang Ma' Wisesa gya kamulyakna AsmaNya JM, esuk sumyah, 140122          dening eNPe

   kapacak uga ing  https://m.facebook.com/story.php?story_fbid=3163973073881808&id=1684548218490975 Dhokter bedhah ing RS nyumurupi si Mukidi sing arep ngadhepi pulasara operasi katon mbingungi. Kanggo ngayem-ayemi Mukidi diajak guyonan dening dhoktere. Dhokter : "Apa Bapak ngerti carane gawe sarung tangan karet sing dak anggo iki?" Mukidi : "Ora ngerti dhok!" wangsulane Mukidi karo aweh tandha nganggo tangane. Dhokter : "Ngene pak... karet digodhok nganti cuwer banjur pegawe pabrik rame-rame nyelupke tangane ing cuweran karet iku, sanalika padha gebres-gebres, lha piye jal tangane rak ya padha kepanasen ... hehee.. Nuli tangane diangkat diangin-anginke. Ora let suwe iya dadi sarung tangan kaya iki." Sawise krungu pratelane sang dhokter, Mukidi mesam-mesem dhewe, terus ngguyu kepingkel-pingkel. 🤣🤣 Dhokter gumun nuli takon, "Lho, kenapa pak kok ngguyu kepingkel-pingkel kaya mengkono?" Mukidi : "Krungu lan nulad critane dhokter mau, aku...

    kapacak uga ing  https://m.facebook.com/story.php?story_fbid=3163320537280395&id=1684548218490975 Kapiyarsi kluruking sawung sesautan  pajar trang wus prapti ngusir sireping ratri saliring pepeteng wus sanyata sirna He, sakabehing alam mujia sokur lan sukarena  samya nyadhong panuntun dalah panganthi anambut sumyahe raina. Swara murai lir kekidungan sesautan suka rena mahanani ratri gumantya eseme raina Dhuh Gusti Allah Ma' Pangreh jagad raya sujud lan mituhu konjuk ing ayunan Paduka amengku samudaya umat anembah samya. Samangkya kawula gumregah anambut segering enjing saha ngresepaken Asih-tresnaNya sadanguning raina. Dhuh Gusti, hamung Paduka Sang Kayekten rumentahaken kawula ing kasedyan agesang mecaki darmaning gesang ing padatan enggal punika. JM, gagat bangun, 12122          dening eNPe ====≈==   0   ======= Kokok ayam bersaut-sautan terdengar  fajar terang t’lah datang mengusir malam dan kegelapan...

   kapacak uga ing  https://www.facebook.com/1684548218490975/posts/3161923230753459/ Dhokter : "Jo, aku arep preenan seminggu nanging tulung klinike tetep buka ya. Kowe sing jaga lan ngurus yen ana pasien teka, yen ana apa-apa nilpuna aku.." Paijo : "Siap pak dhokter!" Sawuse preenan seminggu, dhokter bali praktik meneh ing klinike. Dhokter : "Piye kabare, Jo...? Paijo : "Sepi dhok!.. namung wonten pasien 3,  bokbilih sami ngertos menawi dhokter prei....  Pasien kapisan gundhule sakit dhok... kula sukani Parasetamol." Dhokter : "Sip, wis bener iku, pancen pinter kowe! Njur pasien sing kapindho?" Paijo : "Kang nomer kalih criyose sambat padharane sakit. Nuli kula sukani resep Maalox, dhok!" Dhokter : "Top!👍 Ora rugi kowe dadi asistenku.. pancen iku obat ampuh. Lha njur pasien sing nomer telu?.." Paijo rada gojag-gajeg mangsuli, "eemmm.... La nggih menika dhok...." (karo meneng sedhela) ..bacute, .. "..pasi...

   kapacak uga ing  https://www.facebook.com/1684548218490975/posts/3161252250820557/ Margane urip nora tansah tanpa pedhut kang winenga, jer Sih-tresnane Gusti yekti ing wanci kang rinengga. Ing ngaluhur kandeling mendhung kluwung asih cinipta, ya amung ing sadhuwure kluwung asih pinenthang salaminya. Samangsa prahara anrajang, nuli mendhung peteng nggegirisi, udinen ing sadhuwure mega mendhung kluwung asih kang dumadi. Waspadakna warna-warnine, mahanani agung sih katresnan sayekti, Aywa wedi lan gumeter, Gusti wus sinung janji. Singkirna rasa wedi lan mutung, masiya margamu kalimput peteng sestu, tineguhna kapracayan lan mantepa jangkahmu. Gusti iku Ma' Asih, minangka panglipurmu, ing dhuwur duhkita cumlorot kluwung Asih Gustimu. Udan mendha, katon kluwung kadya teguhing janji, ing suwalike duhkita angantu kluwung Asihe Gusti. Ing tilamrum pra jalma gumregah tangi gegancangan puja-pinuji mapag berkahe Gusti. JM, ahad esuk, 80122         dening eNPe k...

   kapacak uga ing  https://m.facebook.com/story.php?story_fbid=3160155204263595&id=1684548218490975 Lamun kakuwasaan dadi gegayuhan utama kang digadhang-gadhang, wong-wong padha ngudidaya rebutan. Nalika pikoleh kamenangan anggone anggayuh kakuwasaan banjur ngudidaya kepriye supaya kalungguhan kuwasa iku ora ilang. Wusanane, sing dumadi amung kadya "lingkaran setan", akeh wong sing padha rebutan lan sikut-sikutan nganti kadurakan kang ngambra-ambra, contone tumindak 'korupsi' kanggo ngamanake kalungguhane, nyebar pitenah lan sesengitan lsp. Wusanane kang dumadi, kakuwasaan dadi sumbering pasulayan / cecongkrahan. Mendahneya, yen suwalike kakuwasaan bisa dadi piranti agawe kabecikan kang luwih jembar. Sabab, kakuwasaan dudu kawenangan kanggo ngendhaleni wong liya, ananging kakuwasaan sejatine piranti kaprigelan anggone ngajak nyengkuyung rancangan ambangun kaprajan murih kanggo kemakmurane masarakat lan bangsa. Ya kaya mangkono iku kakuwasaan kang sanyata bisa gaw...

      kaemot uga ing  https://www.facebook.com/1684548218490975/posts/3159484060997376/ Atine manungsa iku ringkih, gampang kecenthok dadi nglokro lan ambyar semangate jalaran kasedhihan. Ewasamono, kudu dieling dene ati iku mujudake sumber uriping manungsa. Minangka ati kang kuwat manungsa bisa mangupaya kanthi temen kasantosan dhiri pribadine. Ya kaya mangkono iku prelune semangat nyantosake atine. Minangka pakumpulan kang cilik dhewe tumekane sawijining bangsa kang lagi ngalami krisis jati dhirine, temtu iki kahanan kang ora entheng lan abot sanggane. Jer, minangka warga negara temtu ora kepengin nyipati karusakan negerine, malah kanggo ambangun negerine nganti kekurangan wragad. Gusti Kang mengku Purwaning Dumadi ngersakake prelune tetep nduweni ati kang kuwat. Gusti Allah ngendika, kita (warga negara) duwe kasantosan mbangun negerine amarga Panjenengane janji tansah ngirid sarta angrengkuh kita. Nalika kita ana ing kasedhihan ora duwe daya, rungokna dhawuh panga...

   kaunggah uga ing  https://www.facebook.com/1684548218490975/posts/3156486284630487/ Para kadang kinasih, Wektu lumaku terus, lon-lonan ning pinasthi.., datan maelu apa kita uga tumapak jajar sairing.., tumindak ing pakarti apa mung megegeg.., aywa ngantya temekane diuntal Bethara Kala. Sang wektu terus nggremet datan katitik petilasannya.., lamun kita lumaku binarung Sang Wektu, tapaking wektu kawistara nyata.., Tapaking wektu badhea musna dene nora duwe paedah tumrap sasama.., tumrap saliring jalma cipta riptaning Gusti.., kanggo lestarining uripe manungsa klebu paguyuban kita. Sugeng mangayubagya mecaki *Warsa Enggal rong ewu rolikur*.., kanthi kebak mituhu mring Gusti Kang Ma'Luhur.., mugya patilasan kita nora sirna dening dunung lan wektu.., jalaran petilasan kita kang kebak ing piguna murakabi marang pra sasama.., Mugya Gusti tan kendhat anjangkungi lan angampingi uriping kita samya... Amin 🙏 JM, gagat bangun, 020122         dening eNPe Kajarw...

   kapacak ugi ing  https://fb.watch/pfxuRpIzS8/?mibextid=2JQ9oc Pinuji puji Gusti sih rahmatnya gung yekti.., salebeting warsa lami kita tansah den rimati.., nadyan tinempuh pageblug nanging tansah manteping ati.., wit kinanthi ing Gusti temahan tansah basuki. Linuhuraken Hyang Ma'kwasa kang langgeng katresnannya.., ing warsa enggal puniki nggih mesthi tansah mberkahi.., mung karaharjan sanyata ngirid lampah kita.., mila tan kendhat muji lan setya-tuhu mring Gusti. Kita nilaraken warsa lami wit kang enggal sampun prapti.., anapaki mlebet ing warsa enggal puniki.., samya silih dongaaken mrih mulya gesangira.., sanityasa winengku dening Gusti Kang Ma'kwasa. *Sugeng WARSA_ENGGAL_2022 !*🙇‍♂ JM, lingsir️ wengi, 010122       dening eNPe      jarwa ing basa Indonesia : Terpujilah Tuhan rahmat kasihNya sungguh besar.., selama taun lama kita selalu dipelihara.., walau menempuh pandemi namun selalu mantap di hati.., karena bimbingan Tuhan jadilah sel...