WICAKSANA NANJAKAKE WEKTU

-
kapacak ing FB :
https://m.facebook.com/story.php?story_fbid=2292738367671954&id=1684548218490975

Manungsa wus mesthi bakal ngalami tuwa. Kita ora bisa nyelaki kahanan alam utawa garising urip iki! Kita bakal ngrasakake dene tenaga kita sangsaya mundur, lungkrah, badan kita lemes suda dayane ora trengginas maneh. Umur kang sangsaya nyedhaki ajal kita kudu bisa ngukur lan mbiji dhiri-pribadi. Apa ana wajibing darmaning ngaurip kang durung karampungake?

Kita tumekaning tuwa lan lumebu ing tataran kasepuhan ana ing bebrayan masarakat. Ananging sairing tumapaking lumebu umur iku akeh dharmaning ngaurip kang isih durung katindakake.
Kita wus ora bisa ngupayani maneh kanggo ngayahi iku kabeh. Mula saka iku kita kudu bisa cedhak mring Gusti Kang Murbeng Agesang nyadhong kekuwatan paring pitulungane supaya wasis ngecakake wektu kang ora suwe maneh krana linandhesan dhawuh pangandikane Gusti.

Manungsa pancen ora bisa ngalahake wektu, iku mratandhani yen manungsa iku uripe ora langgeng. Kala-kala manungsa urip iku kepingine kabeh diayahi dhewe ora ngelingi yen wus ora kewawa-wawa, ora kaconggah tenagane marga umure. Wus wancine kudu kanthi legawa alihan rerenggan marang kanoman ya golongan panerus kang luwih mitayani.  Prayoga uga lamun kita bisa luwih wasis-wicaksana anggone nanjakake wektu. 

Kang dadi pitakonan, jroning wektu kang sarwa nyrepeg, apa kita wus ngisi upaya kanthi laku kang utama? Apa jroning wektu iku kita ngestokake mawa tumindak kaya sing dadi kersane Gusti Allah? Utawa, malah buwang-buwang wektu nguber kanepsoning dhewe ora migatekake mring kadang liyane.

Kita prelu nggegilut lan anggagas pitakonan ing ndhuwur mau kanthi temen. Aja nganti mengko ing wancine umur wus ngunduri tuwa kita keduwung gela kebacut buwang wektu muspra. Elinga, dene ana prakara kang bisa kita ringkes yaiku, ana wektune miwiti ana wektune mungkasi, ana wektune nandur ana wektune maneni, ana wektune kumpul-kumpul ana wektune pepisahan lsp lsp...
Sumangga! sugeng dinten minggu!

JM, lingsir kulon, 3219
 rinakit dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya