SAKA DODOLAN KRUPUK TEKAN NGIBERI DIRGANTARA *crita panjurung*

-

   kapacak uga ing https://www.facebook.com/share/p/1AezH6AkaA/

Masa Allah..... cecampahan wong-wong malah ndadekake mletike penjurung pambudidayan!


Mataun-taun suwene, Andini Dyah A ngrewangi bapa-biyunge dodolan krupuk nedya supaya bisa tetep sekolah. Udan, panas lan rekasa wus dadi akrab. Urip prasaja ora dadekake isin, malah saka dodolan krupuk nyelengi ngimpi -ya ngimpi dhuwur sadhuwure langit niyat ingsun mlebu Akademi Militer Udara.


Sawuse lulus SMA Andini nekad daptar TNI AU nadyan akeh sing nyecampah, maoni lan nyulayani, maido utawa ngremehake. "Anak bakul cilik-cilikan arep dadi perwira TNI AU? Apa bisa nandhingi lumawan anak pejabat?", ngono kira-kira poyokan kerep keprungu. Ananging Andini ora males nganggo tetembungan, dheweke males mawa sregep nyambut gawe! 👍


Pendhak esuk dheweke nglelantih ulah raga datan kenal wigih. Saben bengi nggethu nyinaoni bahan pangayakan ujian. Kaping pira bae dheweke meh nglokro merga waragad lan adoh dununge. Nanging saben pengin mandheg gojag-gajeg, Andini ketok-ketoken gegambaran rekasane dodolan krupuk bapa-biyunge sing ora tau sesambat.


Kocapa, dina iku kang diarep-arep prapta....🎇

Jenenge digiyarake lulus pangayaken lan nduweni hak lumebu pawiyatan lan gegladhen calon perwira. Sajroning pendhidhikan, dheweke dikenal disiplin, patuh pantang mundur. 

Wusanane...., Andini resmi nyandhang pangkat Letnan Dua AU 🎖 -sawijining gelar sing lair seka tetesan eluh, kringet, pandonga lan dawa napaki pangudidayane-.


Samasa kepyakan wisudhan ndadekake wektu sing nrenyuhake ning gawe bagya lan mongkog ing nala bapa-biyunge, Andini jenggirat mlayu gapyuk ing rangkulan wong tuwane. 

Pecah tangise sang biyung kinasih sing biyene nyurung grobak krupuk urut kampung. Sang bapa, Slamet Suharto, ora kewawa nahan trenyuh lan mongkog, ora ngira anak dodolan krupuk saiki ngadeg jejeg minangka Perwira Angkatan Udara sajajar karo perwira-perwira taruna mudha liyane. Sang bapa bola-bali ngaras pipine Andini sing pancen sulistya ing rupa uga sulistya luhur bebudene.👌

Welinge prasaja, "nDhuk anakku, Aja lali mring asal-usulmu, tetepa andhap asor lan mujia sokur konjuk Gusti Allah sing paring nugraha iki."


Ing samengko, Andini kepengin 'kisah' / crita pambudidayan iki minangka pesen/weling tumraping anak-anak saka kulawarga kurang ekonomine / miskin / prasaja ing saindhenging nuswantara NKRI :

✨️ Dhasaring turunan kurang ekonomine dudu pepalang

✨️ Upaya mempeng ora tau nyelaki asile

✨️ Ora ana ngimpi sing kedhuwuren tumrap sapa bae kang sudira/ kendel ing pambudidaya. Gayuha ngimpi/cita-cita sadhuwur-dhuwure langit.

Amarga..., kadhang kita diwaoni, diremehake ora mlebu petungan dina iki, ananging eling sing luwih maremake dhewe ya ing dina mbesuke anggayuh kang sinedya!

Gusti tansah amberkahi.... 

🙏 Aa_aamin A__aamin 🙏


sumber :

Kadudud lan nyuwun idi tumut ambage mawi basa Jawa saking seratan ing https://www.facebook.com/share/p/1ESUxfRvSQ/ ..-->(trima kasih sdr. Ahmad Tatang Dilo, unggahan bagus👍 mhn ijin menyalin & membagikannya dlm bhs Jawa)


JM, bangun enjing, 020326

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya