SAKA KRINGET MANCAL PEDHAL BECAK NGANTI TEKAN ANYIPTA BECAK LISTRIK

-

   kapacak uga ing https://www.facebook.com/share/p/187e1UfPKh/

Kacarita, Doni 31 taun, tukang becak ing Malioboro Ngayogyakarta.

Pendhak esuk jam 06.00, Doni wus nyurung becake metu seka gang ciut ing tlatah Mantrijeron.


Bapake 74 taun, ibune 69 taun, sakloron wus rekasa lumaku adoh merga nandhang lelera athik-athikan (sendi) dhengkul...(osteoarthritis)


Pengasilane Doni mancal pedhal becak entek kanggo wragad usada wong tuwane, lan keperluan urip saben dinane.


Doni tau ditawani nyambut gawe ing Jakarta dadi sopir ekspedisi, ajeg gajine lan luwih dhuwur katandhing UMR.

Nanging Doni wangsulane tansah panggah, "Yen aku lunga, sapa mengkone sing njaga lan ngopeni bapak-ibuku?"


Kanca-kancane uga sering sembranan memoyok, "Uripmu ora bakal maju yen mung narik becak!"

Doni mung mesem kecut. Wus lumrah lan ora mempan nampa pepoyok sarta karemehake kaya mangkono iku.


Wayah awan-awan jam setengah loro, Malioboro panas gemamplang, aspal dalanan kemepul, para plancong wira-wiri.


Ana sawijining kenya Jepang sajak kebingungan maca peta ing hp-ne.

Doni nyedhaki, nawani klawan sopan, "Mbak, badhe muter-muter keliling Yogya. Mangga nitih becak, kula dherekaken.."đŸ«Ž


Kenya Jepang iku jenenge Aiko ±29 taun mesem. Nginep ing hotel cedhak Tugu. Lagi nganakake paneliten lan surpe saperangan ngenggon pusat budaya kanggo kapreluan proyek perusahaan kulawargane ing Asia Tenggara.

Dina iku Doni kelakon ngeterake Aiko muter-muter Kraton, Tamansari nganti sore tekan ing Alun-alun Kidul.


Nalika Aiko takon, "Kenapa ora nyambut gawe ing kutha gedhe?"

Ora nganggo drama-dramanan, rayu-rayunan mung obrolan apa anane bab kulawargane, si Doni aweh wangsulan. "Wong tuwaku luwih penting tinimbang kutha gedhe!", wangsulane Doni tanpa digawe-gawe.

Wangsulan iku andadekake Aiko meneng cukup sawetara suwe.


Dina candhake, Aiko metu saka hotel nggoleki Doni. Ora merga kok becake sing apik dhewe, nanging dheweke ngrasake aman, tentrem lan rumangsa diajeni.


Seminggu, rong minggu......,

saben metu hotel, Aiko tansah clingukan nggoleki Doni.

Tukang-tukang becak liyane wiwit nggojĂšgi, "Wah Doni oleh 'sponsor' Jepang!" Doni mung mesem ngguyu.


Datan kinira, sore-sore ujuk-ujuk udan deres.

Doni mayungi Aiko nganggo mantol udan plastik lawas tilase sing dienggo dhewe ... nganti sandhangane dhewe teles kebes "Asiikkk..." đŸ‘đŸ«  ngono kira-kira aloke kanca-kanca tukang becak liyane.


Aiko meruhi tangane Doni sing kasar, nuli carane Doni tetep mesem nadyan kadhemen. Aiko wiwit kesengsem.😘


Kocapa, ana owah-owahan swasana.

Sadurunge Aiko arep bali nyang Jepang, Aiko pamitan swarane geter karo prembik-prembik sumedhot rasaning ati. Dheweke ora njanjeni apa-apa, mung njaluk ijol-ijolan nomer telpon kanggo sarana sesambungan.


Nganti pirang-pirang sasi suwene, Aiko lan Doni tetep sesambungan telpon, pideo-nan, nuntakake rasa kangen. Kadhang pedhot sinyale... heemm.. witing tresna jalaran kulina saya ngrembaka. đŸ„°đŸ’ž


Sabanjure iku Doni lagi nyumurupi apa sing sabenere.

Aiko sejatine dudu salumrahe plancong. Aiko jebulane Dirut (CEO) turun kapindho sawijine perusahaan teknologi transportasi ramah lingkungan ing Osaka Jepang. Perusahaane lagi nggedhekake lan nyampurnakake sistem kendharaan mikro ramah lingkungan kutha-kutha wisata Asia. Aiko menyang Ngayogja kapreluan paneliten. Lan salah siji kang dadi panjurung kawigatene yaiku becake Doni. đŸ›ș


Wusanane Doni ditawani Aiko pindhah menyang Jepang mboyong kulawargane, bapak-ibune arep diwragadi usadane nganti mari.

Doni diangkat minangka Kepala Divisi Transport ramah lingkungan klawan ngrancang lan anyipta BETRIK -becak listrik- kang luwih nyaman lan aman. 

Suwening-suwe Aiko kayungyun kasmaran marang Doni. Wusanane crita, sakloron resmi ningkah urip bagya lan wulan madu nunggang BETRIK cipta-riptane Doni.

 đŸ‘Œ✍️


Heemmm.... ngono kira-kira becak nggawa berkah lan kabagyan kasmaran. đŸ˜˜đŸ€š


S3, awan dhrandhang, 19326

          ✍️ 𝖊đ•čđ•»đ–Š ✍️

          [^__^]  [^__^]



Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya