kapacak uga ing  https://www.facebook.com/share/p/oDPgbRs7bqcs9kzJ/?mibextid=oFDknk   Ing tengah wengi ana ula mlebu ing sawijining gudhang tukang kayu. Lumrahe si tukang kayu ora tau ngopeni piranti nukange diejarne bae pating besasik.     Nalika ula mlebu mrono ora njarak ula mau nggremet sadhuwure graji kang landhep ndadekake wetenge ula tatu. Ula ngira yen graji mau nyerang dheweke njur bales nyakot bola-bali nganti cangkeme suwek metu getihe. Saking jengkele lan semplah gregeten si ula ora gelem kalah njur nggubetake awake nyang graji mau, merga saking kuwat gubetane awake dadi dhedhel dhuwel nganti tumekane pati.         *para kadang....* Rikala kita lagi muntap kanepson kita pengin natoni lan gawe wirang marang wong liya. Sawuse iku kita nembe ngerti lan kawiyák pikir kita lamun dene kang ketaton iku kita dhewe. Sakehing tetembungan kang kawetu lan tumindak kita nalika kita nembe kebak kanepson, ya sakehing iku uga kita g...

    kaunggah uga ing  https://www.facebook.com/share/p/2VtwYnQcKHGBciD7/?mibextid=oFDknk ( jam 8 esuk ing kantor biyoskop) (kriing.. kringg..! tilpun ing meja kantor biyoskop muni) ☎️☎️ Mukidi : "Halo mas, aku meh takon ya, kapan biyoskop dibukak?" ☎️ Tukang jaga : "Jam siji mas!" 🕐 Mukidi : "Apa bisa bukak jam sanga-nan mas?" Tukang jaga biyocskop : "Ra bisa mas, biasane bukake jam siji!" Mukidi mung meneng bae, la wetenge wis kroncongan je.... piye jal iki belet pipis sisan... heem Mukidi mbingungi karo mloka-mlaku ora karuan. (jam 11, tilpun kantor bioskop mbengok meneh) 📞☎️ Tukang jaga sing lagi sa'leran keturon kaget krungu krang kring tilpun. "Sapa kih sing ngganggu ae wong lagi sa'liyepan", grundelane Tukang jaga karo ngangkat gagang tilpun. "Halo, jam pira biyoskope dibukak mas?" keprungu pitakonan ing sabrang tilpun. Tukang jaga :"Sampean sing nilpun mau ya mas? Rak wis ngerti ta yen biyoskop bukake ja...

    kapacak uga ing  https://www.facebook.com/share/5zZkmuK3rGYQqZHX/?mibextid=oFDknk Gusti, Padukå sampun sinung nugråhå nyawisakên alam saisinyå punikå sarwå elõk kaangge pagêsangan  samidene ambêtahakên sêsarêngan. Pangèran Må' Wiseså kang angriptå mranåtå endahing sajagat råyå. Gusti, sinung grêgut prå umat-Nyå trêsnå trusing driyå myang ciptå-ripta-Nyå. Wit sing ulah manungså tan kinêndhali angrusak, angêruk alam kang asri. Srakahing manungså agawe miris tan mrêduli myang mångså riris. Alam nora manèh rumakêt mring kitå mawantu-wantu tuwuhing bramantyå. Oh, bayubåjrå lan banjir bandhang nggêgirisi katandukake bêbåyå lan pati. JM, minggu esuk, 25824             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/ad8tU7V7yfuNS7U5/?mibextid=oFDknk Pamilihan Umum (Pilpres, Pileg) sampun rampung kantun ngentosi pangukuhan miturut tatanan ukum negara ingkang punanut. Makaten ugi badhe kasusul Pilkada sesarengan ingkang mesthinipun boten kirang damel oregipun jagating politik. Sanes punika menggahing bab ingkang wigatos, ananging kang langkung baken inggih punika kadospundi patrapipun masarakat warga negara dhumateng pandheganing negari ing salajengipun. Prelu ngawikani, salah satunggal patrapipun tiyang wicaksana inggih punika boten kesesa ing tumindak, klebet paring pangargya panetepan dhateng sinten kemawon.   Patrap sepisan ingkang kedah punwujudaken tiyang wicaksana inggih punika among karsa (nggugu) lan setya tuhu dhateng dhawuh pimpinan, awit pimpinan anggadahi wenang ngayahi punapa kemawon ingkang dados sedyanipun kangge ngatur tatanan gesang bebrayan ing wewengkonipun. Dene patrap candhakipun ngawasi lan ngemutaken pimpi...

        🇮🇩 🇮🇩     kapacak uga ing  https://www.facebook.com/share/p/F4yEczGac4eLrX57/?mibextid=oFDknk Indonesia nagari kinasih ibå têntrêm kartåraharjå kang sinêdyå Indonesia nagari kinasih nugrahaning Pangèran ibå endahnyå. Gêgayuhan sêdyaning kamardikan adil, kartåraharjå masarakat sabångså. Ayo sayuk-sayuk rukun bêbarêngan mujudake mulyaning Indonesia kalokå. Pamarentah gêgandhèngan 'ro sanggyåning wargå gumrêgut cancut tali-wåndå saekåpråyå ambangun Indonesia karumuntuhan nugråhå têntrêm kartåraharjå salaminyå. Pangwåså sanggyaning pamõng pråjå sayogyåå jujur makaryå aywå dleyå! Udinên lakuning pamarentahan nagårå wêdi asihå mring Kang Må' Waseså! Ayo kitå trus makaryå mrih sabångså bagyå mulyå! Gusti tansah ngirid kitå sabångså tumujwèng Indonesia Wijåyå!      DIRGAHAYU REPUBLIK INDONESIA     🇮🇩 MARDIKÅ ! ✊️🇮🇩 JM, lingsir wêngi, 17824             ✍️ 𝖊𝕹𝕻𝖊 ✍️       ...

    kapacak uga ing  https://www.facebook.com/share/Bu85fwYPs9t2szV3/?mibextid=oFDknk Wong tuwa (rama-ibu) iku jejering priyayi kang wigati banget tumrap para putrane. Ya, wong tuwa kang ngopeni, ngreksa, nggulawenthah lan nyukupi sarta paring samubarang kabutuhan para putrane kang becik dhewe kalawan tumemen trusing nala kebak asih. Amung bae ora bisa diselaki ing titiwancine sepuh ngalami katimbalan marek ing ayunane Gusti Kang Akarya Gesang.  Mula minangka anak kewajibane ora amung gawe bagya wong tuwane (bapa-ibune) rikala isih sugeng, ananging uga nalika sedane angreksa kang samesthine, klebu mikul dhuwur mendhem jero. Asring kita midhanget pawarta bab anak-anak kang kamitegan ora maelu, malah kanthi tega-tegane natoni tumekane merjaya laku cidra rama-ibune. Iba miris ing ati yen kapireng warta-warta kaya mangkono mau. Kang dadi pitakonan, apa iya isih ana sih-katresnan kita marang wong tuwa, utawa sih-katresnan kita kebak lelamisan? Eling marang dhawuhe Gusti, ...

      kapacak uga ing  https://www.facebook.com/share/Rx8A199t73qY6zdt/?mibextid=oFDknk Rikala wong lagi ngadhepi kasusahan / kasangsaran, bakal ngupaya kepriye carane bisa uwal lan mungkasi saka kasangsarane mau. Temtu upaya kang prayoga klawan dalan kang bener lan becik, nora njur kanthi tumindak kang nerak wewaton tata krama kang bisa njalari kapitunane wong liya uga awake dhewe.  Conto sing bisa kita temokake yaiku Nelson Mandela tokoh misuwur ing negara Afrika Kidul kang tetep gareget lan kukuh datan kenal nglokro anggone mbudidaya/angupaya hak asasi kamanungsan tumrap kamardhikane rakyat kulit ireng kang wus katindhes mataun-taun dening bangsa kulit putih sing kondhang aran politik Apartheit.  Jalaran pambudidayaning kang kukuh mau Nelson Mandela ngalami kasangsaran urip sarwa kasusahan dikuya-kuya dening panguwasa bangsa kulit putih mlebu-metu kunjara. Kaya mangkono pambudidaya/pangupayane Nelson Mandela kang wusanane nuwuhake kasil bisa mujudake apa...

    kapacak uga ing  https://www.facebook.com/share/p/khrdp43gootjZpfy/?mibextid=oFDknk Ngarepake pitulasan ing wulan Agustus iki, ing cakruk pojok kampung ana sawetara nom-noman lan uga bapak-bapak lagi gayeng jagongan. Lik Gimin : " Pitulasan wis ora kråså njênggêlêg nang ngarêp mripat yå." "Wah iyå yå, aku wingi nggolèki gênderå merah-putih durung kêtêmu je," sumaure kang Bejo. " Asiikk.... rame-rame aku mèlu balapan egrang, lomba mangan krupuk, balapan karung.." , clathune si Thole bocahe kang Bejo. " Hoho..., nèk aku pingin tarik tambang ae yå.. ", Agus nyauti. Dumadakan pak RT njedhul seka sisih kiwa cakruk : " Eh bapak-bapak, ayo-ayo pådhå kêrja bakti ngêcèt gapurå sing wis lêthêk rupane! "  " Siyap pak RT!.. Sendhika dhawuh! ", sumaure rame-rame kaya dikomandho. Cecaturan kados ing nginggil sampun jamak kapireng ing kampung-kampung nedhengipun cecawis / parikarma mengeti dinten Kamardikan RI. Kados pundi menggah ing t...

  kapacak uga ing  https://www.facebook.com/share/VVc6Th94vxYQ9oUW/?mibextid=oFDknk Indonesia Mardikå nugrahaning Gusti Må' Kawåså madêge linandhêsan Påncåsilå dadyå têtalèning bångså angrêkså manunggaling bångså. Bhineka Tunggal Ika sêsantyå nadyan bedå-bedå, têtêp nyawijiå nunggal nuså, nunggal bångså nunggal båså Indonesia. Dhaerahe manekå warnå, adad lan budåyå iku brånå kaskåyå kang adyå tumrap bångså kitå Indonesia Nuswantårå. Wujudnå lan rinêksåå råså pasêduluran guyub-rukun bêbarêngan  têtalês kukuhing manunggaling bångså datan gorèh ing salaminyå Indonesia MARDIKÅ!✊️🇮🇩 JM, lingsir wêngi, 08824             ✍️ 𝖊𝕹𝕻𝖊 ✍️             [^__^]  [^__^]

    kapacak uga ing  https://www.facebook.com/share/68xCAktGWyfBAoSy/?mibextid=oFDknk Lamun dakeling lêlabuhane wirayodhå bångså, krånåmu wus paring pangurbanan jiwå-rågå, mrih bångså lan nêgriku aman, têntrêm raharjå, Mardikå kang winujud, iku gêgayuhan mulyå. Dènirå kaprawiranmu kang adisurå, datan ngetung jiwå lan rågå. Krånå pangayõman lan panganthine Allah, têmah kagusah kaum panjajah. Puji sokur Gusti konjuk ing ayunan Padukå, wit sih rahmat lan nugråhå mring kawulå sabångså, kêparêngå tansah binêrkahan nêgri Indonesia, têntrêm raharjå, rukun santoså salaminyå. JM, gagat esuk, 07824             ✍️ 𝖊𝕹𝕻𝖊 ✍️            [^__^]  [^__^]

    kapacak ugi ing  https://www.facebook.com/share/VGT1nGz37wr6CZbb/?mibextid=oFDknk Têntrêm rahayu ing yudhå palagan datan cêcongkrahan lan rêgêjêgan wus kandhêg upåsråyå pangungsian. Såpå kang paring têtulådhan?  Ayo tapak-astå twin jawat-astå bêbarêngan. Têntrêm rahayu ing yudhå palagan datan pêpisuhan lan mêmungsuhan pådhå samyå angapurå rêrangkulan. Såpå kang paring têtulådhan?  Ayo tapak-astå twin jawat-astå bêbarêngan. Têntrêm rahayu ing yudhå palagan datan ånå tangis rêrujitan  binabar samyå sih katrêsnan. Såpå kang paring têtulådhan?  Ayo tapak-astå twin jawat-astå bêbarêngan. Cathetan panulis : Tetembungan rinakit mijil saking krenteging pangangen-angen (impen ing telenging batos) mendahipun kalampahan bilih paprangan ingkang ngambra-ambra sageda paripurna nyaranani dumadining katentreman ing salumahing bumi puniki. nuwun, //enpe 👏 JM, madya raina, 04824             ✍️ 𝖊𝕹𝕻𝖊 ✍️         ...

    kapacak ugi ing  https://www.facebook.com/share/XrC86gm4jYrYWuyA/?mibextid=oFDknk Nalika kita mandhegani panguwaos pikantuk panguwaosan ageng, kedahipun kita menggalihaken gesangipun tiyang kathah mliginipun ingkang dados wewengkon kita. Sangsaya inggil panguwaos, sangsaya ageng katentreman lan karaharjaning tiyang kathah ingkang dados tanggel jawab kang kapikul, punika sejatosipun ingkang dados darmaning pandheganing kaprajan. Nanging emanipun sawetawis kathah para panguwaos utawi pangagenging kaprajan kesupen bilih panguwaosan ingkang punsandhang kalawau boten sanes inggih awit saking penyengkuyungipun para mitra kadang masarakat kathah nalika dipun wontenaken pagelaran jajag pamanggih ing Pemilu. Ingkang asring punpanggihi sasampunipun madeg dados pandheganing praja tata kapamimpinanipun boten kados janji-janji ingkang pungiyaraken nalika adu rancangan katanding kaliyan calon sanesipun, malah kepara nyebar PHP ( pemberian harapan palsu ) nyempal saking janji ranca...