NETEPAKEN PILIHAN KANTHI LERES

-

  kapacak ugi ing https://m.facebook.com/story.php?story_fbid=pfbid0Wf5WTJAjYFKD88kSLajcH9DtPdJDWAbEZr9iHnPjhnyAEp37h5yG78HZcPG8PM4il&id=100053518547586&mibextid=Nif5oz

Satunggiling pilihan tansah nggadhahi kawusanan ingkang sae utawi awon.

Wontening sejarah Purwaning Dumadi kang sinerat ing Kitab Suci, Ibu Kawa ing petamanan Eden nalika wawan rembag kalihan iblis kang ngemba-emba sawer bab dhawuhlpun Gusti Allah sejatosipun ibu Kawa mangertosi dhawuh wewaleripun Gusti punapa tundhonipun menawi ngantos nedha uwohipun satunggiiing taneman ing satengahing petamanan Eden. Dhawuhipun Gusti Allah makaten : "Aja sira pangan, malah ndemok bae aja, supaya sira ora mati!" Kanthi julig sawer/iblis glembuk ibu Kawa menawi boten badhe pejah malah saged nyameni kalihan Gusti Allah. 


Ringkesing carios, ibu Kawa langkung milih pambujukipun sawer, inggih punika adhedhasar punapa ingkang puntingali lan punremeni, boten adhedhasar punapa ingkang Gusti Allah dhawuhaken, makaten manungsa lajeng dhawah ing dosa.


Emanipun, kedadosan dhawah ing dosa wau nunten dumados ing pagesanganipun manungsa ngantos jaman samangke. Kita langkung milih suwantening nala lan nggugu punapa kang sanes saking dhawuh pangandikanipun Gusti. Kita malah rangu punapa inggih dhawuh pangandikanipun Gusti estu-estu sae jalaran ketingal boten sekeca kangge kita. Ing ngriki iblis tansah nggubed manah kita nedya mbujuk/glembuk kanthi julig.


Asring kita langkung nengenaken pangraosing manah anganggep lan netepaken adhedhasar punapa punika kang mencutaken, damel begja utawi ngremenaken. Kawusananipun, kita tetep kemawon nemtokaken pilihan kang klentu lan dhumawah ing tumindak dosa.


Kita pancen nggadhahi pepenginan mardika, nanging salebeting kamardikan wau Gusti ugi maringi wewaleran ingkang boten kenging punterak.

Kang dados pitakenan, punapa inggih kita nedya milih punapa ingkang Gusti karsakaken? Punapa malah kita langkung milih punapa kang ketingalipun mencutaken lan ngremenaken?


Sumangga kita mugya saged nyetitekaken lan netepaken pilihan kanthi leres miturut dhawuh pangandikanipun Gusti. Rahayu kita pinaringan kawicaksanan ingkang pinangkanipun saking Gusti Allah, Kang Murbeng Dumadi.

Gusti Allah amberkahi.... Amin Aminnn 🙏🙏


JM, parak esuk, 27424

            ✍️ eNPe ✍️

           [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya