kapacak uga ing  https://m.facebook.com/story.php?story_fbid=2953517324927385&id=1684548218490975 Asring kita krungu tetembungan ing bs Ind. "check and recheck" tembung kang wus jamak mau ngemu pepeling supaya uwong tansaha niti-priksa lan bali niti-priksa maneh. Bisa uga, bab iku gegandhengan karo upamane nyawisake rancangan acara gladhen sawijining adicara mantu utawa rancangan lelungan lsp lsp. Bisa uga kang luwih waspada gandhenge karo kasunyatan sawijining warta kang kita tampa. Ing jaman kamajuan kadya samengko iki, sawernaning warta pating sliwer rikat sumebar. Lha priye ta jal... amung manganggo siji utawa rong driji bae, sawijining warta bisa kanthi rikat sumebar ing medsos liwat HP datan winates maneh. Kerep banget kabar palsu kang gawe ruweting swasana melu sumebar. Mula saka iku, kita kudu tansah setiti lan  niti-priksa maneh sadurunge melu-melu nyebarake sawijining pawarta. Aja nganti kita nemtokake pepancasan mring wong liya adhedhasar kabar kan...

   kapacak uga ing  https://m.facebook.com/story.php?story_fbid=2953168598295591&id=1684548218490975 Ana pasemon kang unine ing bs Ind. "mulutmu harimaumu" ngemu teges kang mratelakake dene kawetune guneman saka cangkem kita nduweni daya kadya macan kang rosa. Pocaping lambe kita bisa nyerang wong liya bisa uga mialani mring kita dhewe malah bisa gawe sedhih, rasa serik lan nglokro semangate. Pocapan bisa njalari urip matine uwong. Kleru anggone ujar ing kahanan kang ora trep bisa-bisa kalungguhan uga nyawa bisa kabur katut angin utawa pralaya. Ing jaman saiki kang sarwa gampang sinebar warta-warta ing medsos, kita kudu luwih waspada mring pocapan kita, aja sembranan angger muni bae tanpa katiti dhisik bisa-bisa prakaran karo paugeran ITE. Guneman wicaksana kang kaucap utawa tinulis bisa gawe piguna, samono suwalike bisa njalari kang ora becik mring kahanane wong akeh utawa kita dhewe. Mungguh ing bab iki wong liya bisa mbiji sepira bobot lan luhur bebuden kita. JM, g...

    kapacak uga ing  https://m.facebook.com/story.php?story_fbid=2952104301735354&id=1684548218490975 Nadyan ing ngare clingukan sepi jroning nala amung sumlang wedi pasrah sumaraha mring Gusti tinemu sarwa rahayu kang penesthi Aywa lena datanpa pamerdi amung saka ing pangaubaning Njeng Gusti pra jalma samya asung pepuji mendah siningkir sakabehing pageblug puniki Jm, sandyakala, 29321         dening eNPe #guritpangarepingdriya

   kapacak uga ing  https://m.facebook.com/story.php?story_fbid=2948254505453667&id=1684548218490975 Gegayuhan urip wong Jepang ngenani tembung Tepa-slira. Ing masarakat Jepang pasrawungan ing antarané manungsa kang dhuwur dhéwé derajadé lan diwulangaké saterusé tumurun wiwit bocah balita yaiku rasa tepa-slira. Tepa-slira iku nduwèni teges nepakaké utawa mapanaké awaké dhéwé ngémba-émba dadi wong liya sing diajak wawan rembug. Nalika nembé wawan rembug karo wong tuwa sing lagi mbingungi cobanen tepakna awakmu kaya déné dadi wong tuwa kang lagi bingung mau. Yèn lagi ngendikan mring putramu coba ngémba-émbaa dadi putramu sing lagi mbeling-belingé. Mangkono uga nalika lagi ngadhepi langganan utawa mitra pagawéan coba ngémba-émbaa dadi dhèwèké supaya bisa mangertèni kabutuhané dhèwèké. Yèn arep rembugan karo ndhuwuran, sobat-kadang, mungsuh lan karo sapa baé coba udinen kaya-kaya dadi dhèwèké banjur upayanen apa sing bisa kok rungokaké lan apa kang dikarepaké. Kabèh mau b...

  kapacak uga ing  https://m.facebook.com/story.php?story_fbid=2947465208865930&id=1684548218490975 Ana ibu sepuh sugih banget arep nglakoni bedhah cangkok ginjel mbutuhake pamisungsung (pendonor Ind.) ginjel. Sawuse ngliwati paniti-priksa kang banget setiti, kapilih calon pamisungsung yaiku ibu isih enom klebu mlarat. Loro-lorone kudu nginep ing RS saperlu tata-tata ngadhepi bedhah cangkok ginjel. Dina esuke sadurunge mlebu ing kamar bedhah, ibu sing sugih pingin ketemu marang ibu mlarat sing gelem dadi pamisungsung ginjel. Tekan ing ngarep kamare si Ibu mlarat, ibu sing sugih krungu yen si Ibu mlarat lagi nangis. Sawuse ngenalke, si Ibu sing sugih takon, "Apa sing ndadekake Ibu nangis?" "Aku kepeksa dadi pamisungsung ginjel amarga butuh dhuwit. Bojoku wis kapundhut, aku ora bisa ngopeni anakku  3 sing isih cilik-cilik. Aku kuwatir sawuse ginjelku dijupuk, apa iya aku isih kuwat lan tutug ngancani tekan diwasa", wangsulane si Ibu pamisungsung. Krungu pratelane ...

  kapacak uga ing  https://m.facebook.com/story.php?story_fbid=2942995852646199&id=1684548218490975 Apa ya ana uwong kang ora ngarepake uwoh utawa pikolehe anggone ngupadi kanthi temen-temen? Saben wong kang kanthi rekasa ngudidaya ing upayane wus mesthi nduweni impen apa kang ditindakake ing tembe bakal pikoleh kang becik lan migunani. Iba atine seneng nalika apa kang kaudidaya kanthi rekasa bisa nggawa paedah kadya kang sinedya. Ananging, kita ora tansah bisa nyipati lan ngrasakake asil anggon kita kethiyelan. Senadyan mangkono, ayo prayogane anyebar kabecikan lan kajujuran, supaya nadyan ta dudu kita kang bisa methik asile, paling ora ya kulawarga lan masarakat. Aja bosen, awit dene kabecikan kang wus kita andum bakal ngasilake uwoh kang migunani tumraping wong akeh. Sumangga! JM, parak esuk, 17321        dening eNPe

    kaunggah uga ing  https://m.facebook.com/story.php?story_fbid=2938424793103305&id=1684548218490975 Nalika sepisanan presiden lan para pandhegane negara kasuntik vaksin covid-19 banjur kasusul dening para nakes nuli para bakul pasar Tanah Abang. Uga para sepuh wiwit rame-rame antri supaya bisa kasuntik vaksin lan nyatane aman-aman bae, mulane swara-swara sing nolak vaksin njur sidhem. Sing ana malah para warga rame padha gita-gita nglapur kacathet ing sarana kesehatan supaya enggal bisa dicus (aran kondhang disuntik) vaksin. Maneka warna upaya lan panemuan para ahli kesehatan lan para pamong masarakat nedya gawe rikate gawean gedhe kanggo kemaslahatan masarakat gawe rasa mongkoge bangsa Indonesia. Iku mujudake jiwa gotong royong bangsa saeka-kapti nedya bisa enggal uwal saka  pageblug kang datan keksi iki. Lamun kita gatekake, nalika Indonesia wiwit ngudidaya ngleksanani vaksin, ana saperangan warga negara liya sing nyemak kamajuan iki. Utamane para warga nega...

   kapacak uga ing  https://m.facebook.com/story.php?story_fbid=2933971046882013&id=1684548218490975 Tresna iku sepi pamrih miwah luber ing budi, tan gumunggung lembah manah tansah andum berkah. Tresna iku sabar krana tulus angapura sesami, tepa slira miwah jatmika lampah utama kang endah. Lamun kita angucap sagunging basa ing donya, nging yen sepi ing katresnan lir gong bendhe menga. Lamun kita anglakoni tindak luhur mulya, nging yen tanpa tresna yekti muspra tanpa guna. JM, gagat bangun, 5321        dening eNPe

   kapacak uga ing  https://m.facebook.com/story.php?story_fbid=2933228876956230&id=1684548218490975 Ana pasemon kang unine, "Wus lungguh kursi empuk lali ngadeg". Ya kaya mangkono pamikiran kang diduweni saperangan uwong. Lamun sawuse ngrasakake kepenak, owel ngeculake. Kenapa? Amarga ing urip kepenak kang dikiteri lan direksa mawa sakehing kapreluan kang sarwa kepenak.  Pamikiran lan patraping manungsa kang tansah nggrangsang ora tau marem rumangsa isih kurang iki kang njalari tumindak kang kurang elok. Akeh para pandheganing praja kang duwe palungguhan pinracaya minangka pemimpin padha gelem nampa besel kena bebujuk kanggo nglolosake sawijining rancangan pambangunan lan nerak tatanan ukum. Anehe yen wus kapergok dening pamong ukum njur sesumbar yen sejatine dheweke ora katut ing prakara kasebut. Ing kene cetha, lamun wus lungguh ing kursi empuk mendut-mendut lali ngadeg?? hahh! Ing jaman samengko kahanan iku wus ora kurang lan tansah keprungu pemimpin A uga pe...

  kaunggah uga ing  https://m.facebook.com/story.php?story_fbid=2931631553782629&id=1684548218490975 sorogan : kiriman cerkak iki isine becik ora ngerti sapa sing nganggit lan nulis sepisanan awit wus sumebar ing medsos matur nuwun katur sang panganggit nyuwun idi dak bagi mawa basa jawa muga migunani lan murakabi mring kita kabeh,  nuwun eNPe. Cerkak ⤵️ "Ibu, mbah putri rawuh!", swara anakku krungu saka pawon. "Matek aku, marasepuh rawuh aku ra duwe apa-apa, beras entek, kulkas kosong, gula teh ludhes" Saploke bojoku dipecat saka gawean marga pandhemi aku tetep ngirim dhuwit nisihke seka lehku dodolan lan ngojeke bojoku dimen ora kapirsanan yen putrane lagi kasusahan urip tansah kepenak terus.[goroh kaping 1] "Mangga, mangga Ibu katuran pinarak!", karo nyalami lan dak gawake tase mblebu kamar. Anakku uga salim terus ngaturi mbah putrine dolanan nang ngarep omah. Nitik tase sing diasta marasepuh akeh sajake arep nyare kene rada suwe. "Sekedhap ngg...