kaemot uga ing  https://m.facebook.com/story.php?story_fbid=2590065757939212&id=1684548218490975 Doh-dohan pandulunira lon-alon prepet sang bagaskara katon ampingan arga ya Merbabu ing sandyakala Pra jalma samya sidhem sedhela memuji linuhung asma Pangeran ngungun awit agunging kamulyanta ya sumyaka rerepen kekidungan Eloking wewayangan sang arga mosik jroning driya iba agung riptaning Sang Ma Wisesa berkahing rumuntuh mring pra titah samya JM, sandyakala, 30120       dening eNPe

Godhong kemuning rontog dadi sampah Gemlegere bledhek ngarepake udan Rasaning driya sangsaya lungkrah Nyumurupi kahanan kang sangsaya edan Sampah kertas jroning kardhus Nunggang kreta kageret jaran Pra kanca ayo padha cancut ambrasta tikus Ya tikus politik sing agawe kasangsaran JM, parak esuk, 29120       dening eNPe   kapacak uga ing     https://m.facebook.com/story.php?story_fbid=2588794321399689&id=1684548218490975

  kaemot uga ing :    https://m.facebook.com/story.php?story_fbid=2587642184848236&id=1684548218490975 Dahat agung sihe Gusti.. mring pra titah sabumi.. milujêngakên samya mratobata.. amrih manggih raharja. Sih-rahmat sihe Pangèran.. mring tyang kang pracaya.. èstu punika ganjaran.. nugraha agungira. Sih-rahmat sumbêr kakiyatan.. mring manah kang lêsah.. amrih tan nilar kayêktosan.. awit lubèr ing bêrkah. JM, sidhêm samya, 27120          dening eNPe

  kapacak uga ing :  https://m.facebook.com/story.php?story_fbid=2586196681659453&id=1684548218490975 Sawijining tunggangan umum (angkot) supire racake ugal-ugalan apa maneh bocah nom-noman. Nanging nora kaya mangkono supir tunggangan umum sing kacarita iki klebu supir kang sopan nora kaya supir-supir tunggangan umum liyane, nglakokake montore miturut wewatone pulisi nora selap-selipan. Ing sapinggire dalan ana ibu-ibu nggendhong bayi karo anak loro isih cilik-cilik. Katon para supir tunggangan umum sing padha rebutan nginggirake montore amung mandheg sedhela si ibu lan anak-anake nora sida numpak. Tumekane supir tunggangan umum kang disupire nom-noman iku uga nginggirake montore nyedhaki si ibu karo anak-anake mau. " Mas, ngliwati stasiun ya?" pitakone ibu iku. "Nggih Bu, mangga mang numpak!" wangsulan si supir nom iku. Si ibu lan anak-anake nora enggal nunggang. "Nanging mas..., aku ora duwe dhuwit." semaure si ibu rada gemeter.        ...

  kapacak uga ing :  https://m.facebook.com/story.php?story_fbid=2584634508482337&id=1684548218490975 Masiya jiwaku ing jroning lembah gung liwang-liwung.. tambah umurku cuthel margining sariraku.. awitdene Asih Suci minayungi jangkahku.. sinung kanugrahaning Gusti samubarang momotan kaentasna sing panggulku. Satengahing perih sedhih ing limenging ratri.. mitra kadangku tega-playu datan maelu.. kaprungu manda-manda swara ngresepake kalbu.. yaiku Sabdaning Gusti gawe tatag sumingkir was sumelangku. JM, udan riwis-riwis, 24120           dening eNPe

  kapacak uga ing :    https://m.facebook.com/story.php?story_fbid=2583519055260549&id=1684548218490975 Saben pendhak byar kang kita liwati kadhang kebak lelakon kang mbosenake lan nguciwani, arupa kurang trep kepara luput kang wus kita tetepake uga bola-bali nora kasil apa kang kita tindakake. Rasa gela lan sarwa rumangsa salah nora bisa diselaki nganti gawe nglokro semangate. Wong-wong teka lunga jroning urip kita njalari ngrantes ati ing sawernane wewayangan endah nambah jeroning kasedhihan. Coba kita pigatekake klawan titi lan titis, kita bakal eling lan nyumurupi iba banget duweni rasa sokur.. njur mosik ing nala wiwit mesem kebak rasa sokur dene isih kasinungan umur lan sehat bagas waras. Saben esuk nyawang langit nemokake pesen endah dene darmaning Gusti tansah cumepak kacawisake tumrap kita minangka titahe kang diasihi... Sinawang iba eloke nabastala ing esuk iki biru lamat-lamat, mega putih kesaput sumilire samirana... Katon corekan astane Pangera...

 kaunggah uga ing :  https://m.facebook.com/story.php?story_fbid=2579656418980146&id=1684548218490975      (pituture simbah) 😪  *Lamun pinuju longgar, tanjakna wektumu kumpul bebarengan karo para mitra-kadang lawas.* *Makumpul, nora hamung mangan-mangan, ngombe lan gegojekan sarta seneng-seneng bae, nanging padha dieling, dene wektu urip kita sangsaya cedhak.* *Mulane iku, prayoga rumaketana  anggonmu padha paseduluran* 😪 *Mbokmenawa ing tembene kita nora duwe wektu maneh bisa ketemu* 😪 *Bisa uga ing tembe wektu kita sangsaya susah anggon kita lumaku.* 😪 *Nanjakake saperangan wektu karo para mitra-kadang lan sobat bakal bisa njalari urip luwih sehat sacara jiwa lan salira.* 😪 *Umur iku kadidene es batu.*  *Dipigunakake utawa ora tetep bae dadi encer lan ilang dadi banyu.* 😪 *Mangkono uga umur kita.*  *Ditanjakake utawa ora, umur kita tetep bae ana watese, lan kapesthekake bakal kapundhut dening Gusti Kang Murbeng Wi...

 kapacak uga ing  https://m.facebook.com/story.php?story_fbid=2574681976144257&id=1684548218490975 Kula ananem wiji taberi ngrimati.. nging tuwuh miwah suburnya Allah kang mberkahi.. Pangeran paring jawah lan sunaring surya puniki.. endah saliring wohira nggih nugrahaning Gusti. Kasarasan, karosan berkahing Gusti... kawasisan, kawicaksanan numrahken aruming nami.. ywa nganti anjalari gumunggunging ati.. ing sagunging kahanan ngluhurken asmaning Gusti. Sumangga caos puji sokur kanthi trusing manah.. sadhengah barang darbe kita konjuk mring Allah. JM, parak esuk, 14120        dening eNPe

Saiba dènya bingahkên yèn ing sajagad wrata... Kaadilan kang sanyata sayêkti binabarna. Srana sih katrêsnan tulus jagad kadya Pirdaus... Sagung tumitah raharja rinoban Sih RahmatNya. Saiba dhahat endahnya pra titah tetunggilan... Datan wontên cêcongkrahan rumakêt trusing driya. Rukun agawe santosa...crah agawe bubrah!... Ayo sayuk-sayuk rukun bêbarêngan ro kancane... Ambangun praja anggayuh kraharjan masarakat nuswantara. Rinakit ©eNPe Kapacak uga ing  https://m.facebook.com/story.php?story_fbid=1696980390581091&id=1684548218490975

Ing sawijining adicara pengetan Palakrama Emas ana imbal wacana antarane Panata Cara (PC) karo ibu kang kagungan kersa.   PC   : Miturut ibu ingkang garwa punapa wonten sipat kekiranganipun tumrap sesrawungan?   Ibu.   : Kadya sakatahing lintang ing langit boten saged kaetang !   PC.    : (kaget!). Punapa tumindakipun ingkang sae inggih kados mekaten kathahipun?   Ibu.    : Sakedhik sanget ! kadya srengenge ing langit kalawau.   PC.     : (bingung lan gregeten) Mila lajeng kados pundi ibu lan bapak saged gesang bebrayan salebeting seket warsa sih sinisihan dangunipun?   Ibu.     : Kawuningana bilih sapletheking srengenge wiwit jumedhul sanalika sakathahing lintang ing akasa boten badhe ketingal.   PC.    :  Ngeram-eramaken !! Luar biasa !! Eliding carita : Drengki lan serik andadekake regejegan lan cecongkrahan, kosok baline rasa asih tresna-tinresnan ...

 kapacak uga ing  https://m.facebook.com/story.php?story_fbid=2573909792888142&id=1684548218490975 Ana santri sing nembe ngresiki aquariume Kyaine, karo gumun banget dheweke ngematake lan nggatekake iwak Arwana abang. Ora ngira dene pak Kyai wus ana cedhak mburine..: "Apa sliramu ngerti pira regane iwak iku?", pak Kyai ndangu. "Mboten mangertos!". wangsulane si Santri.. "Coba tawakna nyang tangga-tangga kene!!", dhawuhe pak Kyai. Si Santri motret iwak iku lan nawakake menyang tanggane.., banjur mulih lan enggal ngadhep pak Kyai. "Dianyang pira le?" dangune pak Kyai. . "50.000 Rupiah Kyai", wangsulane si Santri mantep.. "Coba tawakna nyang toko iwak hias!!", dhawuhe pak Kyai maneh.. "Inggih ngestokaken Kyai", wangsulane si santri. Banjur dheweke budhal menyang toko iwak hias Sabanjure..., : "Di anyang pira le dening toko iwak hias?", pak Kyai ndangu maneh. "800.000 Rupiah pak Ky...

kaunggah uga ing  https://m.facebook.com/story.php?story_fbid=2571086663170455&id=1684548218490975 Dhuh Allah kula Sih Tuwan amengku sajagad rat.. Peparing Tuwan matumpa-tumpa siyang dalu amirah.. Sawarnining titah Tuwan lineban kasaenan.. Mratandhani kasampurnan kang datan jajag Sih Tuwan. Sih kang murba ing buwana dalah kang nitahken pra jalma.. Manci umuring pra amba klayan sapatitisnya.. Sih kang angreh salampah kula tinakdir sarwa pinanggih.. Klayan mirma kang pinujia karaharjan kang sinuprih. JM, udan grejih, sepuluh januari rongpuluh           dening eNPe

 kaunggah uga ing  https://m.facebook.com/story.php?story_fbid=2570128913266230&id=1684548218490975 Dhuh Pangeran sesembahan kawula Kawula angalembana Paduka Ing wanci dalu punika Padhanging surya sampun sirna Nanging Paduka tan nilar kawula Tansah ngrimat gesang kawula Asta Paduka rumeksa kawula Aparing sandhang lan tedha Dene yen kawula manggih sisah Pangauban Paduka tansah rumentah Wiwit ing wanci enjing-enjing Ngantos ing dalu samangkya Ing sauruting dalu punika Paduka ngemuli kawula Raga lan sukma kawula pasrah Inga asta Paduka kang kwasa Bencana kaliyan samukawis rubeda mugi Paduka tebihaken Supados tangi kula enjing klayan kawilujengan JM, wanci sidhem, 10120         dening eNPe

  kapacak uga ing  https://m.facebook.com/story.php?story_fbid=2568020183477103&id=1684548218490975 Wong kang nglairake kabeneran iku mratelakake apa kang adil.., nanging seksi goroh nglairake kaculikan. Lathi kang nglairake katemenan iku tetep ing salawase.., nanging ilat cidra mung kanggo sakedhep netra. Wong bener ora bakal ketaman bilai apa bae.., nanging wong duraka iku tansah nemoni kasangsaran. Wong kang wicaksana iku nisihake kawruhe.., nanging atine wong bodho mamerake kabodhoane. JM, lingsir wengi, 080120         dening eNPe  ( kadudud Amsal 12: 17, 19, 21, 23 )

 kaunggah uga ing :  https://m.facebook.com/story.php?story_fbid=2567687676843687&id=1684548218490975 Asring kita mrangguli para kadang kang butuhake panglipur lan kakuatan supaya bisa nduweni kasantosan maneh saka ing kasusahan, kasangsaran lan sawernane momotaning urip kang lagi dadi sanggane. Payo kita padha aweh panjurung kekuatan mring para mitra mau supaya bisoa enggal oleh pepadhang, kasantosan anyar kanggo madeg maneh ngayahi darmaning urip murih bisa tangi saka ing ngimpi anggayuh sedyaning kang kaesthi. Ayo lumantar panjurung kita bisa angelingake mring pra kadang mau dene asih-tresnane Gusti Allah datanpa kendhat kaparingake mring pra kadang minangka umat titahe kang diasihi lan mujudake pangarepan agung tumraping urip kita ya umat titahe kang ditresnani. Ayo murih bisa buka kapracayan ana ing pangrasaning atine dene KEGAGALAN lan KALUPUTAN bisa andadeake pangilon minangka pituduh kang migunani kanggo nemokake kasantosan lan tansah ngupadi kasedyan ana i...

  kaunggah ing     https://m.facebook.com/story.php?story_fbid=2566081547004300&id=1684548218490975 Ing sawijine gedhong tingkat 5 ana mandhor bengok-bengok ngundang tukang kang lagi nggarap gaweane ing ngisor. Sawuse sang mandhor bolak-balik mbengoki, si tukang tetep nora krungu amarga nggregut mring gaweane uga gumrebeg swara mesin-mesin bangunan. Sang mandhor terus ngupaya kepriye supaya tukange gelem ndhangak mendhuwur, njur diuncalake dhuwit ewonan (Rp 1.000) ceblok pener ing cedhake si tukang. Si tukang enggal njupuk dhuwit ewonan mau lan mbacutake gaweane. Wusanane sang mandhor nibakake dhuwit atusan ewu (rp100.000) nedya supaya si tukang gelem ndhangak mendhuwur ora ketang mung sedhela. Kocapa si tukang amung mlumpat saking senenge amarga nemu Rp 100.000 njur mbaleni mempeng nyengkut anggone nyambut gawe datanpa noleh mendhuwur. Saking gemese sang mandhor nguncalake krikil ngenani pener ing sirahe si tukang. Ngrasakake sirahe kelaran, sidane si tu...

   kapacak uga ing  https://m.facebook.com/story.php?story_fbid=2561574927454962&id=1684548218490975 Raina, ratri, wanci, taun ngilang lir gumanti, wewayanganmu saklebat nora ana sijia kang panggah. Napaki lan ngugemi darmane ngaurip kang piniji, sumendhea lan ngabektia mring Gusti.     dening eNPe