SEGARA (pasemon)

-
kaunggah ing FB :
https://m.facebook.com/story.php?story_fbid=2279781778967613&id=1684548218490975

Ana bocah lanang kelangan sepatune keli nang segara, njur nulis ing pesisir pinggiran segara ...
   SEGARA IKI MALING !..

Let sedhela ana juru golek iwak minggirake praune nggawa iwak akeh banget, njur nulis ing pesisir pinggir segara ...
SEGARA IKI APIKAN ATEN ! ...

Ana ibu-ibu lagi nangis ngguguk amarga anake klelep ing segara, njur nulis uga ing pinggir pesisir, ...
SEGARA IKI TUKANG MATENI ! ...

Ora let suwe ana prau minggir tukang praune crita yen bar ditrajang ombak gedhe, njur nulis uga, ...
SEGARA IKI BANGET MBEBAYANI ! ...

Dumadakan njedhul saka segara wong sing rampungan olehe nyilem nemokake mutiyara saglondhong, saking senenge nulis uga ing pesisir, ..
SEGARA IKI KEBAK BERKAH ! ...

Kawuningana segara saisine nora nate ngersula lan sesambat.
Dumadakan teka gulungan ombak gedhe lan nrajang pesisir pante lan sawernane barang ing kono nganti resik gusis.

Eliding tuladha mangkene :

AJA NGRUNGOKAKE OMONGANE WONG-WONG LIYA, AMARGA SABEN WONG DUWE PANEMU DHEWE-DHEWE MITURUT PANGRETEN & PANGALAMAN KANG BEDA-BEDA.

Bacutna tumindakmu samangsa kita ana ing dalan kang bener lan becik.
Senadyan kabecikan nora mesthi dianggep lan diajeni malah kadhang diencepi.
Nora prelu nyritakake lan nyethakake sapa sejatine kita iki, amarga sing nyenengi kita nora butuhake iku samono uga kang sengit nora pracaya.

Bisa kacathet urip iki dudu bab sapa kang becik dhewe, ananging sing luwih piguna sapa kang gawe kabecikan.

Aja nganti ngrusak paseduluran amung marga ana kaluputan sethithik bae.
Ananging lalekna kaluputan-kaluputan mau kanggo ngrumat lestarine paseduluran.

Lamun kita nemoni pangregon saka tumindake liyan, aja mikir priye carane males gawe pengregon kang luwih nandhes, iba mulyane yen bisa ngrancang lan nindakake kepriye bisa males tumindak kang luwih becik.

Sudanen olehe sesambat nanging sokurana lan terus dedongaa.
Tansaha tumandang ing kabecikan nganti samubarang reribed nora ngetutake kita.

Sumangga pra sedulur...,
Mugi Gusti amberkahi kita.. Amiin!

JM, sirep bocah, 14119
     dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya