POCAPAN KOSONG

-

  

  kapacak uga ing https://m.facebook.com/story.php?story_fbid=pfbid02CB6MzGLYUwsJvfaHiZNGjAa7qtcjQuetWZTkxMH9ttj3Az1bkeguGjZhrARiDE5kl&id=100053518547586&mibextid=Nif5oz

Kacarita, ana pawongan kang lagi tilar donya, banjur roh utawa nyawane mlaku tumuju gapurane suwarga. Ing kana Malaekat ngendika, "Bagya tekamu, amarga dosamu kurang saka 100, trep gunggunge 99, kowe bisa mlebu suwarga." 

Wong iku banget bungahe lan sanalika lunjak-lunjak karo ngomyang kementhus ora karuan karo nepuk dhadha, "Hehehee... Lha iya ta, sapa sik kih aku iki!". Mireng pocapane wong iku, Malaekat enggal bae nglebokake wong iku ing neraka amarga dosane ganep 100.


Crita iki hamung lelucon bae, ananging ngandhut lan duweni makna paribasan kang jero.

Sejatine pangucap sembarangan (kosong) lan ora prayitna ing sanalika bisa anjalari kawusanan kang apes mbilaèni.


Mula sing waspada lan prayitna, dijaga obahing lathi aja mung anggere bae. Kawusanan ing urip (nasib) bisa katemtokake saka krenteging ati kang kawetu ing pangucap. Lamun ora ngati-ati lan prayitna bisa-bisa kablondrok saka pangucape dhewe kang wusanane apa kang wus katindakake kabecikan mataun-taun bisa ilang muspra sanalika. Eling ana tetembungan paribasan, 'Ajining dhiri ana ing lathi, ajining raga ana ing busana' kang ngemu pitutur manungsa iku kudu bisa njaga pocapan (tutur kata) mring sapepadha, aja nganti nerak tata sopan dalah paugeran urip bebrayan ing tengahing masarakat.


Pungkasaning urip manungsa bisa ginambarake pungkasaning urip ing ngalam donya kang ngatonake kasetyane tuhu bekti mring paugeran kadya apa kang dadi Pangandikan lan dhawuhe Gusti Allah.


Kita minangka umat riptane Gusti bisa niti priksa lan ngonceki dhiri kita dhewe-dhewe, 

Apa nganti dina iki wus setya nggeluti, ngresepi Pangandikane Gusti? Apa kita isih tekun mirengake piwulang adhedhasar Pangandikane Gusti kang mujudake sumbering urip nyingkuri pocapan kosong?


Lamun 'Iya' , prayoga sumangga kita muji sokur lan ndedonga nyadhong pitulungane Gusti ngangkah kita bisa tinuntun lan tansah ngugemi marang dhawuh Pangandikane Gusti kadya kang sinerat ing kitab-kitabe para suci lan kotbah-kotbahe para abdine Gusti.

Dene lamun 'Ora', kita prayoga nyuwun pangaksamane Gusti, lan janji bali urip setya jroning Pangandikane Gusti.


Tentrem rahayu samya kang pinangya

bagas saras kang linaras

mudya Gusti amberkahi... Amin 🙏


JM, gagat bangun, 14523

          ✍ eNPe ✍

         [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya