ISIH ANA KÊLONGGARAN WÊKTU

-

   kapacak uga ing https://www.facebook.com/1684548218490975/posts/3106861596259623/

Lamun bocah kang jêjêring anak gawe kaluputan, wong tuwane datan kêndhat bola-bali alok lan ora bosên tansah ngelikake lan ngelingake wujud katrêsnane wong tuwa marang putrane.

Kadya mangkono Gusti Allah wus bola-bali uga paring pangemut mring umat abdi-Ne nedya bali ing dalan kang bênêr supaya ora kêdlarung-dlarung ngambah dalan kang mlèncèng, ewasêmono umat-E ora malah lêmpêng mlakune nanging sangsaya mblubud / ora duwe ering ing tumindak dosa. Kita prihatin dene pêndhak dina akèh warta-warta ing tv lan medsos tumindak kang mblasar saka paugêran, panyiksan, pangancaman, pamêrêsan mring sapêpadha lan liya-liyane pawarta kang kurang tata.


Sênadyan mangkono, Gusti Allah Kang Ma' Trêsna tansah sinung nugraha paring kêlonggaran wêktu kanggo mratobat, klawan maneka warna wujud pacoban urip manungsa supaya kita mêlèk ing pangrasaning pambudi. Uga ora kurang pangemut liwat Pangandikane Gusti ing kotbah-kotbah pangibadah kang tansah digiyarake para pêngkotbah. 


Puji lan sokur, krana Roh Suci kita isih diemutake ing jroning nala murih mratobat saka dosa-dosa kita. Gusti Allah iku Maha Asih kang tansah anganthi kita tumuju ing dalan kabênêran, mula kita uga prayoga kanthi tulusing ati ora mung ngakoni bae ananging kang luwih baku kita kudu ngowahi tandang tanduk kita bali ing dalan kang bênêr miturut apa kang wus kadhawuhake dening Gusti.... 

Gusti ambêrkahi... Amin 🙏


JM, gêbyaring esuk, 271021

         dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya