KAGÊM_PARA_ADIYUSWA

    kapacak uga ing https://www.facebook.com/1684548218490975/posts/3034482406830876/  

*Para ADIYUSWA supaya uripé lêstari prayoga lan raharja kudu nginggati : '4' (patang) NG :* 

*1. Aja Nganggur..'* 

~ Sênadyan wis tuwa prayogané têtêp nindakaké pakaryan.. apa waé.. thak-thik thak-thik ana gawéan lan ana kêgiatan. Bab iki supaya pikiran ya mlaku têrus.. marak'ké ora gampang pikun. Déné ragané ya isih têtêp bisa diobahaké ora lêmês lan ora kaku.

*2. Aja Ngaya..'.*

~ Tegês'sé :

 makarya ya makarya, nanging sabisané.. sakuwaté.. sakpénaké.. sacukupé. Kudu éling yèn piyé-piyé awaké wis lungsé.. wis ora kuwat kaya nalika enom. Sa kuwat-kuwat'té manungsa... Apa manèh wis Adiyuswa mêsthi ana watês'sé. Mula aja ngaya anggoné makarya.... uga yèn olah raga uga samadya waé.. yèn wis krasa sayah kudu lèrèn.. bèn jantungé ora kabotan.

*3. Aja Nglokro..'.*

~ Sênadyan uwis tuwa... nanging aja nganti nglokro.. rumangsa wis ora kuwat.. wis ora murwat.. wis ora kanggo lan wis loyo.. Sênadyan wis tuwa nanging mêsthi isih piguna : 

- piwulangé..

- pêngalamané..

- suwuk- sêmburé..

- pangêstuné. 

Mula kudu têtêp sêmangat.. têtêp dadi berkah.. nganti puputing yuswa.

*4. Aja NGêmpêt..'.*

~ Têgês'sé :

- aja sênêng ngêndhêm rasa sing ora bêcik kayata : 

- gampang nêsu..

- gampang sêrik..

- gampang mèri. 

Kabèh rasa-pangrasa kudu diudhari kanthi jlèntrèh nanging sarèh lan sumèlèh. 

Supaya sarana mêngkono ati ora mbatek lan pikiran uga ora 'strèss'.

*Prayogané atiné para Adiyuswa kuwi ngêtrêpna '3' (têlung) L :*

*1.  LILA..'*

~ Ya'iku ekhlas ing sêmbarang prakara :

- yèn nindak'ké pakaryan.. 

- yèn wèwèh.. 

- yèn nulungi liyan..

 Kabèh kuwi kudu kanthi ati kang eklas.. *sêpi ing pamrih kapêntinganing pribadi.*

*2. LÊGA..'.*

~ Têges'sé :

- atiné kudu jêmbar.. bisa nampa prakara apa waé.. dadiné ya ora gampang nelangsa utawa sêrik.. nanging gampang lilih.

*3. LEGAWA..'*

~ Teges'sé :

- bisa nampani kahanan kang tumama marang awaké dhéwé. 

- narima ing pandum.. lan tansah ngucap sokur tumrap sa pêparingé Gusti kang Maha Agung.

*Mengkono para sêdulur.. utamané para kanca kang wis padha Adiyuswa, Sêmono atur sapala kagêm para jêngandika*.

*Muga-muga migunani..*

           ( *nuwun* )

                   🙏

JM, sirep jalma, 19721

(kapethik saka tulisan ing grup wa lan rinonce dening eNPe)