kaemot uga ing  https://m.facebook.com/story.php?story_fbid=2642183292727458&id=1684548218490975 Aku nganti-anti banget Gusti, nuli iya diuningani, pasambatku dipiyarsakake. Aku dientasake saka luwenging bilai, saka ing bladhering rawa, sikilku didegake ing pereng, jangkahku dikukuhake. #===# Aku sangat menanti-nantikan TUHAN; lalu Ia menengok kepadaku mendengar teriakku minta tolong. Ia mengangkatku dari lobang kebinasaan, dari lumpur rawa; kakiku ditapakkan di bukit batu, dikuatkan langkahku, JM, parak esuk, 28320           eNPe

  kaunggah uga ing  https://m.facebook.com/story.php?story_fbid=2641437509468703&id=1684548218490975 Para kanca, kathah pating sliwer pawarta2 damel kisruhing swasana, mila mangga pun resepi guritan menika, mugi sageda damel reseping manah kita : Gusti pangayom kang setya ngirid lampah kawula. Nadyan panggodha nempuha, kula tan badhé léna, wit kinanthi déning Gusti, siyang dalasan ratri. Gusti Pangèn kang sejati; kula tansah rinimat. Tebih saliring bilahi, wit sinungan sih-rahmat. Astanira nglanting kula neguhaken wardaya. Indon.nya kira2 spt ini : 💐 Tuhan pelindung setia, membimbing jalan kita Walau goda menghampiri saya takan terlena Karena Tuhan sll membimbing siang dan malam. Tuhan gembala sejati kita selalu dipelihara, Dijauhkan dr segala mara bahaya karena diberikan sih-RahmatNya TanganNya menggapai saya hingga menguatkan hati. Semoga Tuhan mengijabahi & memberkati... Amin 🙏       dening eNPe

  kapacak uga ing  https://m.facebook.com/story.php?story_fbid=2640200326259088&id=1684548218490975   Sakèhing was sumelangmu pasrahna mring Gusti, wit saliring mitramu tan bisa mrantasi. Jer sagunging manungsa nyanggi sumelangé, kang pinasrahan tan ana, tansah kuwur atiné. Diénggal pasrahna ing astané Gusti sagung kuwatirira, wus mesthi dèn tulungi #====# Semua kekawatiranmu serahkanlah kepada Tuhan karena seluruh teman-temanmu tdk bisa mengatasinya Memang semua manusia memikul rasa kawatir tidak ada yg diserahkan, selalu gundah hatinya Cepatlah serahkan ketangan Tuhan seluruh kekawatiranmu sdh pasti ditolongNya JM, madya ratri, 26320           dening eNPe

      kaunggah uga ing  https://m.facebook.com/story.php?story_fbid=2639527592993028&id=1684548218490975 Ing sawernaning kahanan panguripan ing ngendi bae, kajujuran lan tulusing ati banget kabutuhake. Samangsa kita ngayahi tugas kuwajiban kang dadi jejibahane, kita kudu tumandang adhedhasar kajujuran lan tulusing ati. Lamun ora, bisa andadekake kapitunane wong liya wekasane uga bakal gawe kapitunan mring kita dhewe. Sawijining bab kang wus pesthi yen kita nduweni kajujuran lan ati tulus, pracayaa Gusti bakal paring panuntun dalan kang bener temah tumuju karaharjan awit kita pinayungan dening Gusti piyambak. Mbokmenawa wong liya ana sing nedya nanjakake kajujuran lan tulusing ati kita krana njlomprongake kanggo kapentingane, nanging Gusti sinung pangayoman mring kita temahan bisa den-simpangi. Sugeng enjing. Gusti amberkahi 🙏 JM, pletheking bagaskara, 25320            dening eNPe

  kaunggah uga ing  https://m.facebook.com/story.php?story_fbid=2639435413002246&id=1684548218490975     Sejatine wong kang seneng ngangen-angen piala, ngrancang karusakan, lan seneng goroh padhadene wong iku ndhudhuk luwangan, digawe jero, wusanane kecemplung dhewe ing luwangan sing digawe mau.   Piala sing ditindakake mbalik ngenani sirahe dhewe, sarta penggawene ala nibani embun-embunane.   Ya kaya mangkono iku nelakake weweleh utawa kuwalat saka ing tumindake dhewe. Eling lan waspadaa mring pamerdine para leluhur kang paring emut kanggo ngreksa urip ing pasrawungan. Sumangga ! JM, gagat rina, 25320        dening eNPe

   kaemot uga ing  https://m.facebook.com/story.php?story_fbid=2637699949842459&id=1684548218490975       Srengenge mlethèk, angslup, banjur enggal-enggal marani panggonane mlethèk menèh. Angin midid saka Kidul, nuli minger midid saka Lor, tansah mingar-minger, bola-bali. Kali kabèh padha anjog ing segara, ewadene segara ora dadi kebak; menyang ngendi parane ilining kali, ya mrono selawase. Kabèh sing biyèn wis ana bakal ana menèh, lan apa sing biyèn wis kelakon bakal kelakon menèh. Ora ana barang anyar ing bumi kene. Ora ana wong sing kèlingan lelakon-lelakon dhèk jaman kuna, lan iya ora ana wong sing bakal ngerti apa sing bakal kelakon ing antarane dina iki lan sesuk. Para kadang kinasih, Lire kang bisa kita pethik, samubarang kadadean kang kita adhepi ing wektu-wektu iki sejatine ora bisa kita selaki. Wus dadi rancangane Sang Pangripta Jagad Raya ya Gusti Allah kita. Manungsa ora ana kang bisa nyumurupi apa kang bakal kelakon ing antarane d...

  kaunggah uga ing  https://m.facebook.com/story.php?story_fbid=2636336496645471&id=1684548218490975 Wong sing ora ngajeni pranatan kuwi ngawula marang kadurakan, nanging wong mursid nepsu menawa pranatan dirusak    (sing sapa ora maelu pranatan padha dene nyengkuyung tumindak ala kang ndadekake muntabe sing ngugemi pranatan iku) Lamun sliramu lagi wareg senajan madu pisan koktampik; nanging nalika kowe ngelih, senajan pangan sing pait pisan rasane legi.    (ing kahanan kang wus sarwa mapan ora prayoga ngremehake sapepadha, kosok baline rikala ana ing kahanan kang kepepet pitulungan kang nadyan sethithika banget migunani) Lenga lan ganda arum iku mbingarake ati, nanging kasusahan iku njuwing-njuwing nyawa.     (laku utama kang punuji gawe tentrem, suwalike tumindak duraka gawe geteme wong akeh) JM, madya ratri, 22320        dening eNPe

  kaunggah uga ing  https://m.facebook.com/story.php?story_fbid=2635609420051512&id=1684548218490975 Wong sing tanpa budi ora preduli marang pangreten, senenge pamer, ngaku paling pinter dhewe.    (sejatine wong kang wewateg ala iku ora duweni pangreten anane sok kuminter lan umukan) Tembunging cangkeme wong iku kadya samodra kang jero, nanging sumber kawicaksanan iku kadya iline banyu kali kang seger.    (eling, tembung sakecap kang gawe serik bakal nandhes, kosok baline wong kang sarwa sareh tetembungane diklangeni wong akeh) Kencenging ati nedya urip, njalari wong tahan nandhang lara, nanging wong sing kelangan semangate, sapa sing arep mulihake?    (tekading ati njalari kuwat nandhang sangsara, ewasamono semplahing ati ora ana kang bisa mulihake kejaba saka awake dhewe) JM, bangun esuk, 21320         dening eNPe

  kaunggah uga ing  https://m.facebook.com/story.php?story_fbid=2634955550116899&id=1684548218490975         Kuping kanggo ngrungu lan mripat kanggo ndeleng, iku karo-karone karipta dening Gusti Kang Murba-wisesa.    (eling, samubarang kang kita darbeki iku pinangkane hamung saka peparinge Gusti) Sanadyan emas lan mutiara barang kang aji, nanging kang akeh banget pangajine iku lathi kang kadunungan kawruh & kawicaksanan.     (wong kang sugih brewu iku pancen bisa sarwa katurutan, nanging luwih piguna wong kang duweni pribadi kanthi laku utama ya laku kabecikan mring sapepadha) Jangkahe wong iku katemtokake dening Gusti Kang Maha Agung, nanging kapriye manungsa anggone ngreti marang dalaning uripe?     (uripe manungsa dalane wus kacawisake dening Gusti, mula manungsa ora bisa nyumurupi sadurunge, ya mung saderma nglakoni lan nanjakake miturut pepakone Gusti) JM, lingsir raina, 20320       ...

kapacak uga ing  https://m.facebook.com/story.php?story_fbid=2634299190182535&id=1684548218490975 He, para sadulurku, anggepen sawijining kamulyan, samangsa kowe padha kataman ing panyoba mawarna-warna, ya pageblug dikaya kang lagi gawe horege manungsa saindenging bawana. Pasrah sumaraha mring Gusti Pangeran Kang Akarya Jagad, nyenyuwuna kanthi tulusing driya muga enggal kaentasna saka ing memala kang nora kasat mata nanging iku nyata. Muga kabeh budidaya saeka praya para kadang kang jejibahan amerangi, kasinungan kekuwatan saha rahayu kalis sing bebaya murih bisaa ambesmi memala kang nggegirisi. Ayo kita gegadhengan tangan sayuk-sayuk rukun budidaya kanggo karahayon samya. Aja padha 'tebar pesona' golek pangalembana, ngala-ala lan nacad pandhegane praja saha pamong kesehatan kang wus suka-rila ngurbanake jiwa lan raga. Luwih becik kita sengkuyung bebarengan asung panyemangat mring para abdining kesehatan ya dhokter, perawat nganti tukang reresik murih bisaa kuwa...

   kaemot uga ing  https://m.facebook.com/story.php?story_fbid=2623933154552472&id=1684548218490975 Tan kinira saindenging jagad raya para jalma padha ngadhep prahara wus sapirang-pirang nagara mbudidaya saiyeg ambasminya gawe girising wong sadonya. Nora bisa dipaido datan denselaki anggawa memala kang nggegirisi gawe horeg jagad maya puniki sumebar warta mawarni-warni sanyata akeh kang wus ketaman sapriki Jumedhul praptanya datan rupa kadya mili samangsa-mangsa ananing iki nyata anemahi raga uga tan luput tumekane jiwa sangsaya nenular ngrembaka Apa ta kang nedya dibesmi arane kadya tetumpakan sami 'Corona' iku kang kondhang kaarani pendhak dina datan kandheg ing tipi-tipi dhuh... nambah nggegirisi Sumangga samya ndedonga nyuwun sih kadarmaning Sang Hyang Wisesa murih enggal paripurna oncat saking prahara pulih lejara kasinungan samya raharja tinebihna saking sawernaning sambekala JM, bangun esuk, 08220      rinakit den...

  kapacak uga ing :  https://m.facebook.com/story.php?story_fbid=2623654201247034&id=1684548218490975 Sanadyan sacuwil ati kang remuk iku ing pamirsane Gusti tetep ana pengajine, satetes eluh uga tinampa, malahan jerit jroning karingkihan kapireng endah ing Panjenengane. Lamun kaya mangkono, kenapa kita cilik ati anggon kita ngliwati pambengan lan sadhengah reribed, ya bab kaskayan (wragat kabutuhan urip) utawa bab-bab liyane? Aja sumelang bab uripmu, aja uwas ing kalbu. Yèn pepeteng nglimputi ati ngayoma mring Gusti. Pracayaa lan pasrah mring Gusti! Lamun ngalami kacingkrangan, tatag denprayitna. Yèn tansah nandhang rêridhu, teguh dènwaspada. Pracayaa lan pasrah mring Gusti! JM, sirep jalma, 07220      dening eNPe ========= Sekeping hati yang hancur pun berharga di mata Tuhan, sebutir tetes air mata pun akan ditampungNya, bahkan jeritan dalam kelemahan pun terdengar indah di telingaNya. Jika demikian, mengapa kita berkecil hati melewati ...

  kapacak uga ing  https://m.facebook.com/story.php?story_fbid=2620309151581539&id=1684548218490975       Pitakona mring wong kang kepancal anggone nunggang palwa-mabur, iba banget gunane wektu samenit. Takona uga mring wong kang luput saka ing sawijining kacilakan, iba banget migunani wektu sadhetik bae. Samono uga mring sang juara olimpiade kang oleh medhali emas takona sepira gedhene lelabuhan mring wektu 0,001 dhetik. Tuladhane, 'wektu', sajroning urip iki iba banget pigunane kanggo ing urip kita! Buwang-buwang wektu kanthi muspra nganggep sepele iku patrap bodho lan ora wicak amarga pikolehe amung bakal nemoni rasa kuciwa lan keduwung mburine. Tanjakna wektumu peparinge Gusti kanthi permati kanggo tumindak kabecikan kang wusanane bisa murakabi tumraping dhiri pribadimu lan sapepadhamu! Sumangga! JM, lingsir wengi, 04320      dening eNPe ------ Katulis sumbere saka ing bapa dwija wicak (matur nuwun bapa guru Soepardi P). ...

  kapacak uga ing  https://m.facebook.com/story.php?story_fbid=2618749095070878&id=1684548218490975       Ing sapinggiring dalan ana bapak-bapak dodolan cêmilan, aku tuku 3 wungkus kripik. "Pintên pak?, pitakonku Karo dhingkluk tumungkul si bapak iku mangsuli : "Ibu mundhut napa kemawon?" "kripik tiga, Pak." wangsulanku karo nyêngkurêngke alis, "kok bapak iki kênapa isih takon ya?", batin atiku. "28 èwu, ibu", saute si bapak iku. Njur dakthungke dhuwit salêmbar 100 èwon. "Pintên yatrane ibu?",  isih panggah tumungkul, pitakone. Aku wiwit bingung krungu pitakone manèh, tumuli dak wangsuli, "100 èwunan pak!" Si bapak iku banjur ngadêg ngrogoh-rogoh sake kathoke karo ngêtokake saperangan dhuwite. Astaga.... jêbulane si bapak iku ana kêkurangan karo mripate malah sajake ora bisa ndêlêng.                                           ...

 kaemot uga ing  https://m.facebook.com/story.php?story_fbid=2617878411824613&id=1684548218490975 *LIR ILIR* Lir ilir, lir ilir, tandure wus sumilir tak ijo royo-royo tak sêngguh têmantèn anyar Cah angon, cah angon, pènèknå blimbing kuwi Lunyu lunyu pènèknå kanggo mbasuh dodotirå dodotirå, dodotirå, kumitir bêdhah ing pinggir Dondomånå jlumatånå kanggo sebå mêngko sore mumpung padhang rêmbulane, mumpung jêmbar kalangane. yå surakåå surak hiyo *CUBLAK CUBLAK SUWÊNG* Cublak cublak suwêng Suwênge ting gêlèntèr Mambu kêtundhung gudèl Pak êmpong lera-lere Såpå ngguyu ndêlikake Sir sir pong dhêle gosong Sir sir pong dhêle gosong *PITIK TUKUNG* Aku duwe pitik, pitik tukung sabên dinå, tak pakani jagung pêtok gogok pêtok pêtok ngêndhog siji tak têtêske, kabèh trondhol dhol dhol tanpå wulu, megal-megol gol gol gawe guyu *JARANAN* jaranan-jaranan jarane jaran tèji sing numpak ndårå bèi sing ngiring pårå mantri jèg jèg nong..jèg jèg gung prok pro...